Pencoed

Trosolwg

Yn agos at Ben-y-bont ar Ogwr, mae’r orsaf fach hon yn gwasanaethu pentref prydferth Pencoed. Yr orsaf bresennol yw’r ail orsaf ar y safle, gyda’r orsaf gyntaf yn cael ei hadeiladu yn 1850 a’i chau yn 1964 fel rhan o’r Ddeddf Beeching ddrwg-enwog.

Gorchmynnodd Richard Beeching, cadeirydd British Rail, bod nifer fawr o orsafoedd a milltiroedd o reilffyrdd yn cael eu datgomisiynu ddechrau’r 1960au, mewn ymdrech i symleiddio’r gwasanaeth rheilffyrdd. Arweiniodd hyn at brotestiadau mawr a hyd yn oed heddiw, ystyrir bod penderfyniadau Beeching yn ddadleuol iawn. Mae’n cael ei gyhuddo hyd heddiw o anwybyddu’r ôl-effeithiau cymdeithasol o gau’r gorsafoedd, fel achosi cynnydd mewn diweithdra a chynyddu’r defnydd o geir mewn cyfnod pan nad oedd ond y rhai mwyaf cefnog yn gallu eu fforddio. Awgrymwyd bod y gogwydd tuag at ddefnyddio ffyrdd wedi’i achosi gan gynllwyn yn erbyn y rheilffyrdd, yn cynnwys y rhai mewn grym, a’r lobi ffyrdd.

Os ydych chi’n chwilio am ysbrydoliaeth ar gyfer lleoedd i ymweld â nhw tra byddwch chi’n aros yn yr ardal, edrychwch ar ein canllaw ar bethau i’w gwneud ym Mhen-y-bont ar Ogwr.

• Faint o amser mae’n ei gymryd i fynd o Orsaf Pencoed i Faes Awyr Caerdydd?

  • Mae’n cymryd tua 2 awr i gyrraedd Maes Awyr Caerdydd ar y trên o Orsaf Pencoed.

• Faint o amser mae’n ei gymryd i gerdded o Orsaf Pencoed i ganol tref Pencoed?

  • Drwy fynd ar Felindre Road, mae’n cymryd tua phum munud i gerdded o’r orsaf i ganol tref Pencoed.

• Pa gyfleusterau parcio ceir sydd ar gael yng Ngorsaf Pencoed?

  • Nid oes unrhyw gyfleusterau parcio ceir yng Ngorsaf Pencoed.

• Pa gyfleusterau sydd ar gael i storio beiciau yng Ngorsaf Pencoed?

  • Nid oes gan Orsaf Pencoed gyfleusterau storio beiciau.

• Pa gyfleusterau eraill sydd ar gael yng Ngorsaf Pencoed?

  • Mynediad i bobl anabl – does dim grisiau yn yr orsaf, ac mae rampiau, cadeiriau olwyn a dolenni sain ar gael