Arolwg Teithio Cenedlaethol Cymru
Lansiwyd Arolwg Teithio Cenedlaethol Cymru ym mis Mawrth 2025.
Mae’r arolwg yn casglu data bob blwyddyn ar agweddau a thueddiadau teithio hapsampl o unigolion sy’n byw yng Nghymru. Bydd yr arolwg yn cynrychioli ac yn hygyrch i bobl Cymru a gellir ei gwblhau yn y Gymraeg neu’r Saesneg.
Bydd y data a gesglir yn galluogi inni dracio datblygiadau o ran cwrdd â’r targedau a osodwyd yn Llwybr Newydd: strategaeth drafnidiaeth Cymru a Cymru Sero Net Cyllideb Garbon 2. Bydd yn llywio penderfyniadau ac yn gwella sylfaen dystiolaeth drafnidiaeth yng Nghymru, gan ganiatáu inni ddeall anghenion ein defnyddwyr yn well.
Canolfan Genedlaethol Ymchwil Gymdeithasol (NatCen) sy’n gweithredu’r arolwg ar ran Trafnidiaeth Cymru.
Byddwn yn cyhoeddi data pennawd rhagarweiniol sy'n cwmpasu 6 mis cyntaf yr arolwg ar 23 Ebrill 2026. Cyhoeddir data blynyddol o'r flwyddyn arolwg lawn gyntaf yn Hydref 2026, gyda data'n cael ei gyhoeddi'n flynyddol wedi hynny.
Gellir dod o hyd i ragor o wybodaeth ynghylch yr arolwg ar ein gwefan. Os oes gennych unrhyw gwestiynau pellach, cysylltwch â arolwgteithio@trc.cymru.
