Wrthi’n cynllunio diwrnod allan? Gallai Bryste fod yr union le i chi a'r teulu. Fel arfer, mae’n llai nag awr i ffwrdd ar y trên o Orsaf Caerdydd Canolog a gallwch fanteisio ar Wi-Fi am ddim wrth deithio. Ac yn goron ar y cyfan, mae mynd ar y trên i Fryste yn golygu nad oes yn rhaid i chi ddygymod â’r traffig na phoeni am ddod o hyd i le i barcio.

Wedi ei leoli ger llethrau serth Ceunant Avon ar lannau Afon Avon, mae Bryste yn llawn bywyd, yn fywiog, yn lliwgar ac yn gosmopolitan. Gyda threftadaeth ddiwylliannol gyfoethog, a digon o weithgareddau sy’n addas i deuluoedd, mae rhywbeth at ddant pawb yma ar gyfer pob cyllideb.

  • Wi-Fi am ddim
    Wi-Fi am ddim
  • Pwyntiau gwefru
    Pwyntiau gwefru
  • Uniongyrchol
    Uniongyrchol
Gwybodaeth fyw am drenau sy’n gadael ac yn cyrraedd

Mae llawer yn meddwl am Bryste fel cartref Banksy, yr artist stryd byd-enwog sy’n cymryd golwg unigryw ar bob pwnc dadleuol, ac fe welwch lawer o’i weithiau o gwmpas y ddinas. Os yw celf glasurol yn fwy at eich dant, bydd orielau ac arddangosfeydd niferus y ddinas yn eich cadw’n brysur. O gampweithiau hanesyddol i gerfluniau modern, tecstilau a ffilm, nid yw'n syndod bod Bryste yn cael ei hystyried fel y ddinas fwyaf artistig yn y Deyrnas Unedig.

Mae’n werth ymweld â’r llu o raglenni bridio cadwraeth llwyddiannus yn Sw Bryste, sydd wedi cael cydnabyddiaeth ryngwladol. Gallwch wylio’r gorilaod, cwrdd â’r mirgathod neu ddefnyddio’r llwybrau cerdded â rhaffau i gopïo’r mwncïod. Dysgwch am bwysigrwydd hanfodol cadwraeth a sut gallwch chi chwarae eich rhan.

Wedi ei sefydlu yn 1140, mae gwaith cerrig canoloesol gogoneddus Eglwys Gadeiriol Bryste a thyrau Gothig ysbrydoledig yn edrych dros ddinas sydd wedi tyfu o’i chwmpas. Goroesodd y rhosffenestr drawiadol uwchben y porth gorllewinol ymgyrch fomio drom ar Fryste yn yr Ail Ryfel Byd, ac mae bellach yn croesawu ymwelwyr o bob cwr o’r byd.

Gydag arcedau bwtîc yn gwerthu creadigaethau unigryw, a chanolfannau siopa llachar a phrysur sy’n llawn o frandiau’r stryd fawr, mae Bryste yn lleoliad gwych ar gyfer siopa. Mae digon o ddewis i’r rhai sy'n hoffi bwyd hefyd gyda phobyddion artisan, siocledwyr a thai coffi clyd i gyd mewn un ddinas.

 

Trenau o Gaerdydd i Fryste

Ni allai fod yn haws mynd ar y trên rhwng Caerdydd a Bryste ac mae ein hamrywiaeth o docynnau am bris gostyngol yn golygu y bydd gennych chi fwy ar ôl i’w wario ar eich diwrnod allan. Cynlluniwch eich taith o Gaerdydd i Fryste ymlaen llaw gyda’n tocynnau Advance, neu deithio ar adegau tawelach gyda Bargeinion cyfnodau tawelach.

Beth am lwytho ein ap er mwyn i chi allu cael gwybodaeth fyw am deithiau yn syth ar eich ffôn?