Awgrymiadau ar gyfer teithiau haws
O deithiau diwrnod dros ŵyl y banc i wyliau dros benwythnos y Pasg, o dripiau dros y Nadolig i wyliau'r haf, gall teithio yn ystod oriau brig fod yn straen, yn enwedig gyda phlant ifanc.
Mae mwy a mwy ohonom yn mwynhau gwyliau gartref neu ‘staycations’ - gan ddewis treulio ein hamser hamdden gwerthfawr yn nes at adref. Gall ein trenau a'n gwasanaethau bws eich cludo i rai o draethau mwyaf prydferth y DU, parciau cenedlaethol syfrdanol, a dinasoedd, trefi a phentrefi sy'n llawn mannau gwyrdd, hanes a diwylliant - yn ogystal â digonedd o weithgareddau hwyliog i gadw'r plant yn brysur hefyd.
Cymerwch gipolwg ar ein hawgrymiadau defnyddiol er mwyn hwyluso eich teithiau yn ystod cyfnodau prysur.
Awgrymiadau i deithwyr
1. Cynlluniwch ymlaen llaw
- Archebwch eich tocynnau, llety a gweithgareddau ymlaen llaw er mwyn sicrhau'r opsiynau gorau ac er mwyn osgoi ras wyllt ar y funud olaf. Gall prynu tocynnau trên cyn teithio arbed arian i chi hefyd.
- Cynlluniwch eich taith ar y trên neu'r bws a gwiriwch cyn teithio.
- Dewch o hyd i wybodaeth ynglŷn â theithio gyda phlant ar ein gwasanaethau.
- Archebwch docynnau ymlaen llaw os oes angen cymorth arnoch wrth deithio - mae hyn ein helpu i gynllunio ymlaen llaw a diwallu'ch anghenion teithio yn y ffordd orau bosibl.
- Mae rhagor o wybodaeth ynglŷn â hygyrchedd ar ein trenau a'n bysiau ar gael yma.
- Darganfyddwch atyniadau rydych chi'n awyddus i ymweld â nhw - mae ein gorsafoedd trên yn daith fer ar droed o rai o brif atyniadau'r DU ac mae llawer yn cynnig gostyngiadau oddi ar brisiau mynediad i deithwyr trên, a gan fod plant yn teithio am ddim ar drenau TrC, mae'n ffordd wych o arbed arian!
2. Paciwch yn gall ac yn ysgafn
- Crëwch restr wirio o eitemau hanfodol (byrbrydau, gemau, teganau neu ddillad ychwanegol).
- Osgowch or-bacio - canolbwyntiwch ar bethau angenrheidiol er mwyn hwyluso cario bagiau.
- Darganfyddwch beth allwch chi ddod gyda chi ar ein trenau yma.
3. Pecyn gweithgareddau teithio i blant
- Dewch ag amrywiaeth o weithgareddau sy'n addas i oedran eich plant, fel llyfrau, gemau teithio neu ffilmiau a rhaglenni teledu wedi'u lawrlwytho ymlaen llaw ar dabled.
- Os ydych chi'n chwilio am rywbeth gwahanol, beth am lawrlwytho ein pecyn gweithgareddau teithio i blant am ddim?
Drwy gynllunio ymlaen llaw, byddwch yn sicr o gael gwell profiad teithio a byddwch yn cyrraedd eich cyrchfan yn hamddenol ac yn barod i fwynhau eich trip.
Rhowch gynnig ar ein tocynnau teithio diderfyn
Y ffordd orau o osgoi tagfeydd traffig ar y ffyrdd yw trwy deithio ar y trên.
Mwynhewch deithio diderfyn ar draws ein rhwydwaith rheilffyrdd a llwybrau Traws Cymru penodol. Yn syml, dewiswch ranbarth, prynwch docyn a neidiwch ar/oddi ar y trên neu fws gymaint ag y dymunwch heb angen cynllunio ymlaen llaw.
