Gŵyl y Gelli

Gŵyl Y Gelli Gandryll 21 Mai - 31 Mai 2026

Mae un o wyliau llenyddol mwyaf a gorau’r byd yn digwydd bob blwyddyn yn “y dref lyfrau” Y Gelli Gandryll.

Wedi'i sefydlu yn sgil sgwrs o amgylch bwrdd cegin dros 39 mlynedd yn ôl, cynhaliwyd Gŵyl y Gelli gyntaf mewn gardd tafarn. Y dyddiau hyn mae'n denu 100,000 a mwy o ymwelwyr dros 11 diwrnod i ymgysylltu ag awduron, beirdd, athronwyr, haneswyr, gwyddonwyr, digrifwyr a cherddorion gwych o bob cwr o'r byd. Mae wedi symud i bentref pebyll mawr ar gyrion y dref gyda llwyfannau, caffis, siopau a bwytai.

Rhwng sesiynau, gall ymwelwyr ymlacio mewn cadeiriau lan mor ar lawnt y pentref, pori’r stondinau ac ymweld â siop lyfrau’r Ŵyl, sydd a 55,000 o deitlau gan siaradwyr gwadd. Neilltuir nosweithiau i gerddoriaeth, comedi a ffilm ar gyfer pob oed.

Mae mynediad i safle’r ŵyl am ddim: dim ond prynu tocynnau ar gyfer y digwyddiadau y mae gennych ddiddordeb ynddo sydd raid. Gellir archebu lle nawr ar wefan Gŵyl y Gelli, neu ffoniwch y swyddfa docynnau ar 01497 822 629.

Ewch i dudalennau Instagram, Facebook, TikTok a X Gŵyl y Gelli.

Sut i gyrraedd yno

Mae bysiau'r ŵyl yn rhedeg i'r orsaf reilffordd agosaf yn Henffordd ac oddi yno, 21 milltir i ffwrdd (34 km). Mae gan Traveline Cymru amserlenni ar gyfer y gwasanaethau bws rheolaidd o Henffordd a Merthyr Tudful.

I gael rhagor o wybodaeth ac i archebu tocynnau, ewch i wefan Gŵyl y Gelli neu ffoniwch 01497 822629.

Ar ôl y digwyddiad

	Prynwch cyn teithio Rhaid i chi brynu eich tocyn cyn mynd ar y trên. I arbed amser wedyn, prynwch docyn dwyffordd ar eich ffordd i mewn. Gallwch hefyd brynu’ch tocyn ar yr ap TrC neu ar wefan trc.cymru. Bydd Arolygwyr Diogelu Refeniw yn archwilio tocynnau cyn ac ar ôl y digwyddiad.
	Diogelwch y cyhoedd Bydd unrhyw un sydd dan ddylanwad alcohol sy'n cael ei ystyried yn fygythiad i'w diogelwch ei hun neu i ddiogelwch y cyhoedd yn cael ei atal rhag teithio.
	Bydd unrhyw un sy’n defnyddio iaith ddifrïol neu ymddygiad bygythiol tuag ein cwsmeriaid neu ein cydweithwyr yn cael ei atal rhag teithio.

Cadw ein cwsmeriaid yn ddiogel yn ystod digwyddiadau

Gall digwyddiadau mawr olygu bod mwy o bobl nag arfer yn defnyddio ein gwasanaethau. Byddwn yn cymryd camau ychwanegol i gadw ein cwsmeriaid i deithio’n ddiogel ac yn ddibynadwy.