Gorsaf drenau Abertawe

Trosolwg

Agorwyd yr orsaf yn wreiddiol yn 1850, ond nid oes dim yn weddill bellach o hen adeilad pren gorsaf Abertawe. Dros y blynyddoedd, fe arweiniodd gwaith adnewyddu ,gan gynnwys prosiect ailadeiladu mawr yn 1880 ac estyniadau platfformau yn y 1920au, at yr adeilad pedwar platfform trawiadol a welir heddiw.

Mae’r dyluniad cyfoes yn cynnwys waliau gwydr trawiadol, sy’n llenwi’r lle â golau, gan greu naws lachar ac agored. Uwchben prif fynedfa gorsaf Abertawe ceir y geiriau 'Ambition is critical', a oedd yn rhan o gystadleuaeth farddoniaeth 1990. Roedd y bardd, David Hughes, yn ymateb i lysenw llwm y dref - Mynwent Uchelgais. Mewn tri gair, mae wedi llwyddo i bortreadu Abertawe fodern fel canolfan ar gyfer diwylliant, cynhyrchu ac, ie, uchelgais

Os ydych chi’n hoff o ymweld â safleoedd anhygoel, efallai yr hoffech edrych ar y canllaw cynhwysfawr hwn ar bethau i’w gwneud yn Abertawe ar gyfer eich gwyliau nesaf.

• Pa mor hir mae'n ei gymryd i gerdded o orsaf Abertawe i ganol y ddinas?

  • Mae’r daith gerdded fer o Orsaf Abertawe yn cymryd tua thri munud, ac mae’n mynd â chi heibio Castell Abertawe.

• Pa gyfleusterau parcio sydd ar gael yng ngorsaf Abertawe?

  • Mae 41 lle parcio ym maes parcio Mariner’s Road.

• Oes mannau i storio beiciau yng ngorsaf Abertawe?

  • Ar Blatfform 1, mae yna 35 o gyfleusterau storio beiciau, gyda theledu cylch cyfyng yn eu gwylio.

• Pa gyfleusterau eraill sydd ar gael yng ngorsaf Abertawe?

  • Toiledau - gan gynnwys cyfleusterau newid babanod
  • Bwffe yn yr orsaf
  • Siopau
  • Ffonau arian parod a chardiau
  • Peiriant codi arian
  • Mynediad i bobl anabl - does dim grisiau yn yr orsaf, ac mae rampiau, cadeiriau olwyn a dolenni sain ar gael

• Pa gyrchfannau poblogaidd y gellir eu cyrraedd o orsaf Abertawe?

  • Abertawe i Gaerdydd Canolog
  • Abertawe i Fanceinion
  • Abertawe i Gasnewydd
  • Abertawe i Gaerfyrddin