Cam 1 Cledrau Croesi Caerdydd - Cwestiynau Cyffredin
- Sut caiff y prosiect ei ariannu?
-
Sicrhaodd Cyngor Caerdydd, mewn partneriaeth â TrC, £100 miliwn o gyllid ar gyfer cam 1 Cledrau Croesi Caerdydd, i ddarparu gwasanaeth trên-tram rhwng Caerdydd Canolog a'r Bae. Sicrhawyd £50 miliwn gan Lywodraeth y DU a £50 miliwn o gyllid cyfatebol gan Lywodraeth Cymru.
-
- Sut cafodd y prosiect ei ddatblygu?
-
Mae cam 1 Cledrau Croesi Caerdydd yn rhan o weledigaeth ehangach Cledrau Croesi Caerdydd a gyflwynwyd mewn Papur Gwyn Trafnidiaeth, a gyhoeddwyd gan Gyngor Caerdydd ym mis Gorffennaf 2019.
-
- Sut y bydd y prosiect hwn yn cyd-fynd â Metro De Cymru?
-
Bydd y cynllun yn ymestyn ar y gwaith sy'n cael ei wneud yn trawsnewid Llinellau Craidd y Cymoedd, sy'n cynnwys trawsnewid lein y Bae. Mae'n cyd-fynd yn llawn â'n dyheadau ar gyfer Metro De Cymru.
-
Bydd Metro De Cymru yn gwella cysylltedd yn sylweddol ledled De Cymru ac yn darparu trafnidiaeth ar gyfer swyddi, hamddena a chyfleoedd eraill i bobl Cymru, trwy gytuno trenau, bysiau a theithio llesol.
-
- Sut y bydd y prosiect hwn yn cyd-fynd ag Achos Busnes Amlinellol Canol Caerdydd i Heol Casnewydd?
-
Rydym yn archwilio opsiynau ar gyfer llwybrau trafnidiaeth yn y dyfodol rhwng Caerdydd Canolog a Ffordd Casnewydd, trwy Fae Caerdydd a PhorthTeigr. Byddai'r rhain yn welliannau yn y dyfodol unwaith y cwblheir gorsaf newydd Butetown, y gwaith uwchraddio arfaethedig i orsaf Bae Caerdydd a cham 1 o brosiect Cledrau Croesi Caerdydd, cyn belled ag y gellir sicrhau cyllid.
-
Cyflwynwyd opsiynau coridor i'r cyhoedd trwy ymgynghoriad cyhoeddus saith wythnos a ddaeth i ben ym mis Ionawr 2023. Bydd canfyddiadau'r ymgynghoriad yn llywio'r achos busnes a'r dyluniad terfynol.
-
- Sut alla i gymryd rhan yn yr ymgynghoriad?
-
Byddwn yn cynnal ymgynghoriad fydd yn dechrau ar 16 Medi 2024. Bydd yn para am chwe wythnos. Gallwch ddarllen mwy am sut rydym yn rhoi cyhoeddusrwydd i’r cynllun yn Ymrwymiad Ymgynghori Cledrau Croesi Caerdydd.
-
- Ble alla i ddod o hyd i wybodaeth am yr ymgynghoriad cyhoeddus?
-
Bydd ein tîm Rhanddeiliaid ac Ymgysylltu â'r Gymuned ragorol yn cynnal digwyddiadau ymgysylltu wyneb yn wyneb yn ystod yr ymgynghoriad cyhoeddus. Gallwch ddarllen y manylion yma trc.cymru/ymgysylltu. Hefyd, gellir dod o hyd i wybodaeth am brosiectau ac arolygon yn dweudeichdweud.trc.cymru. Mae manylion llawn am sut y byddwn yn ymgysylltu â'r cyhoedd ar gam cyntaf Cledrau Croesi Caerdydd ar gael yn Ymrwymiad Ymgynghori Cledrau Croesi Caerdydd.
-