Trawsnewid Lein Rhymni

Rydym yn uwchraddio lein Rhymni fel rhan o gam nesaf Metro De Cymru.

Gan ddechrau ym mis Mawrth, byddwn yn ymgymryd â rhaglen ddwys o waith peirianneg dros gyfnod o 8 mis ar ran uchaf lein Rhymni, o Gaerffili i orsaf Rhymni.

Er mwyn inni gyflawni’r rhaglen waith ddwys hon dros 8 mis mewn ffordd ddiogel, bydd yna adegau lle fydd y llinell ar gau a bydd gwasanaeth bws yn lle trên yn gweithredu i alluogi cwsmeriaid i barhau i deithio.

Rydym yn annog ein holl gwsmeriaid i wirio llinell Rhymni cyn teithio.

Map o linell Rhymni uchaf, a ddangosir mewn coch uchod. 

Y gwaith a gwblhawyd hyd yn hyn

Yn gynnar yn 2023, fe wnaethom gyflwyno ein trenau Dosbarth 231 ar lein Rhymni, a dyma oedd y trenau newydd sbon cyntaf a gyflwynwyd yn Ne-ddwyrain Cymru ers degawdau.

Ym mis Mehefin 2024, fe wnaethom newid yr amserlen ar Linellau Craidd y Cymoedd, gan ein galluogi i gyflwyno rhai o fanteision y Metro yn gynt. Roedd hyn yn darparu trên bob 10 munud rhwng Caerffili a Chaerdydd, a gwasanaeth ychwanegol rhwng Rhymni a Bargod.

Gwaith y gallwch chi ei ddisgwyl

Rhwng mis Ebrill a Rhagfyr 2025, caiff gwaith sylweddol ei gynnal ar linell uchaf Rhymni, sy’n rhedeg rhwng Caerffili a Rhymni.

Bydd gwaith seilwaith Cwm Rhymni’n cynnwys:

• Trydaneiddio: Gosod Cyfarpar Llinell Uwchben (OLE) i drydaneiddio’r llinell.
• Gwella Seilwaith: Uwchraddio ffensys o amgylch y rheilffordd a thrin llystyfiant sydd wedi tyfu’n wyllt.
• Uwchraddio Traciau a Signalau: Uwchraddio cynhwysfawr ar draws y llinell, gan gynnwys gwneud traciau’n is ar gyfer trydaneiddio.
• Gwelliannau i orsafoedd: Uwchraddio gorsaf Rhymni, gan gynnwys gosod seidins gwell yn yr orsaf lle caiff trenau newydd eu storio.

Bydd y gwaith hwn yn ein galluogi i gyflwyno trenau tri-modd newydd sbon i linell Rhymni, a fydd yn cael eu trydaneiddio gan drydan o Gyfarpar Llinell Uwchben (OLE), batri a diesel.

Ar gyfer ein cymdogion wrth ymyl y rheilffordd, bydd hyn yn golygu trenau tawelach a mwy amgylcheddol. Ar gyfer cwsmeriaid, bydd y trenau hyn yn creu teithiau trên mwy cyffyrddus, hygyrch a dibynadwy.

Newidiadau i wasanaethau ar lein Rhymni

Er mwyn gwneud gwaith sylweddol ar draws yr adran hon, bydd cyfnodau lle byddwn yn gorfod cau’r rheilffordd, a fydd yn caniatáu i'n timau weithio ddydd a nos i drawsnewid ac uwchraddio'r rheilffordd.

Rhwng mis Mawrth a mis Hydref 2025, bydd y rheilffordd o Gaerffili i Rymni ar gau: 

• Dydd Llun i ddydd Iau, ar ôl 19:00, gan ddechrau o 31 Mawrth 2025. 
• Am 6 wythnos o ddydd Sadwrn 12 Ebrill i ddydd Gwener 23 Mai, ac o ddydd Sadwrn 19 Gorffennaf i ddydd Sul 31 Awst. 
• Am bythefnos o ddydd Sadwrn 18 Hydref i ddydd Sul 2 Tachwedd.
• Ar draws sawl penwythnos (dydd Sadwrn a dydd Sul) drwy gydol y cyfnod hwn.  

Bydd y rhan fwyaf o gyfnodau cau’r rheilffordd yn digwydd rhwng Caerffili a Rhymni, gyda gwasanaeth trên arferol yn gweithredu o Gaerffili i Gaerdydd, ac ymhellach i orsafoedd Penarth, Ynys y Barri a Phen-y-bont ar Ogwr. Bydd gwasanaethau trên yn rhedeg fel yr arfer ar gyfer digwyddiadau mawr yn Stadiwm y Principality yng Nghaerdydd.

Cyfnodau Cau’r Rheilffordd