Rheilffyrdd TrC Cyfyngedig Cofnodion y Bwrdd - 13 Hydref 2023

13 Hydref 2023

09:00 - 14:00

Lleoliad: Llys Cadwyn, Pontypridd, ac ar-lein

James Price (Cadeirydd), Heather Clash, Jan Chaudhry Van der Velde, Marie Daly ac Alexia Course a Peter Strachan.

Julian Edwards (Cyfarwyddwr Anweithredol Cysylltiol) a Jeremy Morgan.

Croesawyd pawb i’r cyfarfod gan y Cadeirydd.

Dim.

Gan fod cworwm yn bresennol, croesawodd y Cadeirydd bawb i’r cyfarfod a datgan bod y cyfarfod yn agored.

Nid oedd unrhyw ddatganiadau o fuddiant.

Cafodd y Bwrdd y wybodaeth ddiweddaraf am Evotix, y system cronfa ddata diogelwch sydd wedi cael ei chyflwyno ar draws TrC ers diwedd mis Gorffennaf. Mae’r system yn adrodd ar ddamweiniau, digwyddiadau, arolygiadau ac archwiliadau ac mae’n rhoi cyfle i gael dadansoddiad a gwybodaeth fanwl.

Nododd y Bwrdd gynnydd yn erbyn ymrwymiad i wella’r ddarpariaeth ar gyfer y giatiau ar draws y rhwydwaith drwy gyfnod prawf o dri mis. Nododd y Bwrdd y cynnydd cyffredinol yn y ddarpariaeth ar gyfer y giatiau a’r budd net sy’n arwain at warchodaeth refeniw fwy cynhwysfawr. Croesawodd y Bwrdd ganlyniadau’r treial hyd yma a chytunodd ar yr angen am gynllun cyfathrebu mwy penodol sy’n cysylltu â thocynnau cosb [Action Marie Daly].

Cymeradwywyd cofnodion y cyfarfod ar 15 Medi 2023, a nodwyd y Cofnod Camau Gweithredu diweddaraf. Gofynnodd y Bwrdd am drafodaeth gyda’r Adran Drafnidiaeth ynghylch peidio â chael unrhyw iawndal am weithredu diwydiannol yn Lloegr sy’n effeithio ar y rhwydwaith [Action Alexia Course].

Derbyniodd a nododd y Bwrdd drosolwg o adroddiad y Prif Swyddog Gweithrediadau (Cyfnod y Rheilffordd 09 (23/24) a oedd wedi'i gynnwys yn y pecyn. Roedd yr uchafbwyntiau'n cynnwys:

• TYNNWYD
• Yn gyffredinol, mae'r perfformiad yn parhau ar lwybr sy'n gwella ond mae bodlonrwydd cwsmeriaid wedi dirywio. Croesawodd y Bwrdd y ffaith bod perfformiad Llinellau Craidd y Cymoedd yn 'wyrdd' am sawl mis.
• TYNNWYD
• Mae materion sy'n ymwneud â chriwiau trenau dan reolaeth ond mae problemau gyda cherbydau'n dal i fodoli. TYNNWYD. Fodd bynnag, dylai'r problemau leddfu gyda'r gwaith o glirio'r ffordd i Gaerfyrddin sydd ar fin digwydd.
• TYNNWYD

Nododd y Bwrdd yr adroddiad.

Nododd y Bwrdd fod pedwar marwolaeth ar y rhwydwaith yn ystod Cyfnod y Rheilffyrdd 06 (23/24). Nid oes unrhyw dueddiadau o ran lleoliad y digwyddiadau wedi cael eu nodi ac mae pob un yn wahanol o ran amgylchiadau a demograffeg. Mae gwaith yn mynd rhagddo gyda Network Rail (NR), Amey Infrastructure Wales (AIW), Heddlu Trafnidiaeth Prydain (BTP) a'r Samariaid i ganfod unrhyw gyfleoedd i liniaru. Nododd y Bwrdd y bydd Pwyllgor lechyd, Diogelwch a Lles Bwrdd TrC yn cynnal archwiliad manwl mewn perthynas ag atal hunanladdiad yn ei gyfarfod nesaf.

Nododd y Bwrdd y dangosfwrdd. Nodwyd bod angen adolygu nifer o risgiau. Cytunwyd i edrych yn fanylach yn y cyfarfod nesaf.

Ymunodd Stephanie Raymond a Lewis Brencher a'r cyfarfod.

Nododd y Bwrdd y diweddariad marchnata a bod ffigurau o flwyddyn i flwyddyn yn dangos bod twf refeniw o £2.13m wedi cael ei briodoli i farchnata, ac am y cyfnod cyntaf eleni, bod y duedd hon o ran twf yn is na'r rhagolygon o - £0.03m. Cafodd y Bwrdd y wybodaeth ddiweddaraf am ymgyrch a oedd yn ceisio cymell cwsmeriaid i ddefnyddio gwasanaethau TAM; mesurau perfformiad; a chynlluniau ar gyfer gwasanaethau Dosbarth Cyntaf. Cytunodd y Bwrdd y dylai'r dull strategol o farchnata fod yn llai goddefol.

Cytunodd y Bwrdd i archwilio'r manteision o ddefnyddio technegau marchnata arloesol ac i'w drafod ymhellach yng nghyfarfod nesaf y Grwp Llywio Refeniw [Action Marie Daly/Lewis Brencher].

Nododd y Bwrdd y cynnig Dosbarth Cyntaf a chytunodd y byddai hyn yn cael ei gynnwys yn yr adolygiad MKIV sy'n mynd rhagddo. [Action Julian Edwards]. Cytunodd y Bwrdd i ddechrau rheoli refeniw gwasanaethau MKIV o ddydd Mercher 18 Hydref ymlaen.

Nododd y Bwrdd yr adroddiad masnachol ar gyfer y cyfnod blaenorol a thrafododd yr angen am gyflymder, sicrwydd ac arloesi er mwyn sicrhau gwell perfformiad. Roedd y Bwrdd yn annog risg wedi'i reoli'n dda ac adolygiadau byw o fentrau. Cytunwyd y dylid cyflwyno data yn unol a'r llwybr a ddilynir [Action Alexia Course]. Cymeradwyodd y Bwrdd y defnydd o brisio a llaw.

TYNNWYD

Cafwyd trafodaeth am opsiynau ar gyfer lleihau'r niferoedd sy'n teithio heb docyn drwy gyflwyno dull mwy penderfynol y gellir ei roi ar waith yn gyflym. Cytunwyd i drafod y mater yn fanwl yng nghyfarfod nesaf y Grwp Llywio Refeniw.

Gadawodd Lewis Brencher y cyfarfod.

TYNNWYD

Gadawodd Stephanie Raymond y cyfarfod.

Ymunodd Dan Tipper a Rob Hale a'r cyfarfod.

Cafodd y Bwrdd y wybodaeth ddiweddaraf am hyfforddiant gyrwyr tenau Class 756. Roedd y Bwrdd yn awyddus i sicrhau darpariaeth ar gyfer Eisteddfod 2024 a chytunodd y dylid datblygu cynllun penodol [Action Jan Chaudhry Van-der-Velde].

Gadawodd Dan Tipper a Rob Haley cyfarfod.

Gan nad oedd unrhyw fater arall, diolchodd y Cadeirydd i bawb am eu cyfraniadau a daeth y cyfarfod i ben.