Astudiaethau achos RoboK

Mae RoboK yn arbenigo mewn datblygu atebion cyfrifiadurol gweledol effeithiol sy’n seiliedig ar ddeallusrwydd artiffisial gyda’r nod o wella diogelwch mewn trafnidiaeth. Nod gwaith RoboK gyda TrC (Trafnidiaeth Cymru) oedd mynd i’r afael â heriau diogelwch croesfannau rheilffordd ar eu rhwydwaith.

Fel enillwyr carfan 3, cydweithiodd RoboK â TrC i gynnal y cam prawf o gysyniad, a oedd yn cynnwys dwy ran, i ddangos effeithiolrwydd eu hateb.

Bu’r datblygiadau RoboK o fewn y rhaglen arwain at fabwysiadu ateb RoboK ar draws Llinellau Craidd y Cymoedd, eu dewis i weithio gyda’r Ganolfan Ragoriaeth Fyd-eang ar gyfer Rheilffyrdd, a’u cais llwyddiannus am grant i Gronfa Arloesi Perfformiad Network Rail.

Cam 1: Gosod prawf o gysyniad wrth groesfan reilffordd lefel Tŷ Glas

Dechreuodd TrC fenter gynhwysfawr i wella diogelwch drwy weithio mewn partneriaeth â RoboK. Roedd y cyfnod prawf o gysyniad yn cynnwys gosod camera wedi’i bweru gan ynni  solar ar groesfan reilffordd Tŷ Glas, gan alluogi casglu data’n barhaus dros gyfnod o 31 diwrnod. Dadansoddodd technoleg synhwyro sy’n seiliedig ar ddeallusrwydd artiffisial RoboK y data a gasglwyd, gan ddarparu gwybodaeth gwerthfawr a ddatblygodd dros amser.

Cam 2: Mireinio a dadansoddi technoleg synhwyro sy’n seiliedig ar ddeallusrwydd artiffisial 2: Newid trawstiau a thasgau fflyd

Yn ystod y cyfnod prawf o gysyniad, roedd ateb seiliedig ar ddeallusrwydd artiffisial RoboK yn mireinio ei alluoedd yn barhaus. Drwy broses ddysgu ailadroddol, datblygodd y dechnoleg ddealltwriaeth ddyfnach o’r heriau unigryw sy’n gysylltiedig â diogelwch croesfannau rheilffordd ar rwydwaith TrC. Arweiniodd hyn at gynhyrchu data craff, a oedd yn taflu goleuni ar beryglon diogelwch posibl ac yn llywio datblygiad yr ateb ymhellach.

Gweithredu RoboK ar Llinellau Craidd y Cymoedd

Ar sail llwyddiant y cyfnod prawf o gysyniad, penderfynodd TrC ymestyn y defnydd o ddatrysiad RoboK i Linellau Craidd y Cymoedd. Drwy ddefnyddio technoleg gyfrifiadurol weledol RoboK, sy’n cael ei bweru gan ddeallusrwydd artiffisial, nod TrC oedd gwella mesurau diogelwch ar draws y rhan sylweddol hon o’i rwydwaith rheilffyrdd. Roedd darpariaeth gynhwysfawr yr ateb yn galluogi canfod a lliniaru risgiau diogelwch yn gynnar, gan leihau’r tebygolrwydd o ddamweiniau neu ddigwyddiadau ar groesfannau rheilffordd.

Partneriaeth â Chanolfan Fyd-Eang Rhagoriaeth ar gyfer Rheilffyrdd

O ganlyniad i arbenigedd a llwyddiant RoboK o ran mynd i’r afael â heriau diogelwch croesfannau rheilffordd, cawsant eu dewis fel partner strategol gan Ganolfan Ragoriaeth Fyd-eang ar gyfer Rheilffyrdd. Roedd y bartneriaeth hon yn meithrin cydweithio a rhannu gwybodaeth, gan rymuso RoboK i fireinio a gwella eu hateb cyfrifiadurol gweledol ar gyfer y diwydiant rheilffyrdd. Atgyfnerthodd RoboK effeithiolrwydd a pherthnasedd eu hateb ymhellach drwy fanteisio ar arbenigedd y Ganolfan Ragoriaeth Fyd-eang ar gyfer Rheilffyrdd.

Ceisiadau grant a chyllid llwyddiannus

Gan adeiladu ar y canlyniadau cadarnhaol a gafwyd yn ystod y cyfnod prawf o gysyniad a’r gweithredu dilynol ar Linellau Craidd y Cymoedd, gwnaeth TrC, mewn cydweithrediad â RoboK, gais llwyddiannus am gyllid gan Gronfa Arloesi Perfformiad Network Rail. Cymeradwywyd eu cais am grant, gan arwain at ddyfarniad o £200,000. Bydd y cyllid hwn yn cael ei ddefnyddio dros y ddwy flynedd nesaf i ddatblygu ac addasu’r ateb cyfrifiadurol gweledol sy’n seiliedig ar ddeallusrwydd artiffisial yn benodol ar gyfer Rhwydwaith Cymru. Mae’r cymorth ariannol yn sicrhau bod yr ateb yn cael ei fireinio a’i optimeiddio’n barhaus er mwyn mynd i’r afael â’r heriau unigryw y mae TrC yn eu hwynebu.

Mae partneriaeth RoboK â TrC wedi arwain at ddatblygiadau sylweddol o ran diogelwch croesfannau rheilffyrdd ar rwydwaith rheilffyrdd Cymru. Roedd cwblhau’r cyfnod prawf o gysyniad dau gam yn llwyddiannus ar groesfan reilffordd Tŷ Glas yn dangos effeithlonrwydd ac effeithiolrwydd ateb cyfrifiadurol gweledol sy’n seiliedig ar ddeallusrwydd artiffisial RoboK.

Roedd gweithredu’r system ar draws Llinellau Craidd y Cymoedd yn dangos perthnasedd ehangach yr ateb a’i allu i dyfu. Ar ben hynny, mae cydweithrediad RoboK â’r Ganolfan Ragoriaeth Fyd-eang ar gyfer Rheilffyrdd a’r grant a ddyfarnwyd gan Gronfa Arloesi Perfformiad Network Rail yn dilysu ymhellach gydnabyddiaeth y diwydiant o’u technoleg arloesol. Mae’r ymdrechion datblygu ac addasu parhaus ar gyfer Rhwydwaith Cymru yn addo gwella diogelwch trafnidiaeth yn sylweddol a lliniaru’r risgiau sy’n gysylltiedig â chroesfannau rheilffordd.