Eisteddfod 2025

Dyma beth sydd angen i chi ei wybod i wneud eich taith mor hwylus â phosibl.

Mynd ar y trên

Gorsaf Wrecsam Cyffredinol yw'r orsaf agosaf at y Maes. Cynlluniwch eich taith a phrynwch docynnau'n gyflym ac yn hawdd gyda ni. Nid ydym yn codi ffioedd archebu. Gall prynu tocynnau ar ein ap hefyd arbed amser ac arian i chi.

Disgwylir i drenau fod yn brysur yn ystod y digwyddiad (2 - 9 Awst), yn enwedig ar hyd Arfordir Gogledd Cymru. Prynwch eich tocyn yn gynnar ar-lein neu yn eich gorsaf agosaf i osgoi ciwiau ar y diwrnod.

Mae TrC ac Avanti West Coast yn rhedeg gwasanaethau ychwanegol yn ystod wythnos yr eisteddfod. Bydd hyn yn cynnwys wyth gwasanaeth ychwanegol ddydd Sadwrn a dydd Sul a deuddeg gwasanaeth ychwanegol o ddydd Llun i ddydd Gwener.

Gwiriwch eich taith yn nes at y dyddiad gan ei bod hi’n bosibl y gallai amseroedd trên newid.

Mynd ar y bws

Mae gan Wrecsam nifer o wasanaethau bws lleol sy'n rhedeg drwy gydol y dydd a gyda’r nos. Gallwch ddod o hyd i wybodaeth am y rhain drwy fynd i: https://www.cymraeg.traveline.cymru.

Bydd gwasanaeth T3 TrawsCymru yn rhedeg i’r Maes bob dwy awr o orsaf fysiau Wrecsam, lle gellir gwneud cysylltiadau o’r Bermo, Dolgellau, Bala, Corwen a Llangollen.

Bysiau gwennol rhwng y Maes a chanol dinas Wrecsam

Bydd bysiau gwennol am ddim yn rhedeg yn aml rhwng gorsaf reilffordd Wrecsam Cyffredinol, gorsaf fysiau Wrecsam a'r Maes o 08:00 tan hanner nos. Cerbydau lefel isel ydyn nhw, sy'n addas ar gyfer cadeiriau olwyn. Mae croeso i gŵn ar y trên hefyd.

Mynd â'r car

Bydd maes parcio gorsaf Wrecsam Cyffredinol ar gau drwy gydol cyfnod yr eisteddfod ac mae'n debyg y bydd meysydd parcio cyfagos yn brysur iawn. Am ragor o wybodaeth, ewch i’r dudalen: Cyrraedd y Maes

Tacsis

Bydd y safle tacsis yng ngorsaf Wrecsam Cyffredinol yn aros ar agor drwy gydol yr eisteddfod.

Cerdded neu feicio

Bydd lle i barcio beiciau ar gael ar y Maes. Nid yw'r eisteddfod wedi nodi llwybrau beicio na cherdded dewisol. Rydym yn gweithio'n agos gyda Cycling UK i drefnu diwrnodau beicio penodol i'r Maes.

Byddwn yn rhannu mwy o wybodaeth yn nes at y digwyddiad.

Hygyrchedd

Rydym wedi ymrwymo i ddarparu gwasanaeth rhagorol i bob un o’n cwsmeriaid. Mae ein gwefan yn cynnwys gwybodaeth i'ch helpu i gynllunio'ch taith ac archebu cymorth os oes ei angen arnoch.

Teithio hygyrch

Os ydych chi'n teithio gyda gweithredwr arall, gwiriwch eu gwefannau neu cysylltwch â nhw i gael gwybodaeth am hygyrchedd.