Eisteddfod 2026

Eisteddfod 2026

Yn TrC, ymfalchïwn yn ein gallu i'ch cysylltu â chalon diwylliant Cymru, ac nid oes unrhyw ddigwyddiad mwy canolog i'n hunaniaeth na'r Eisteddfod. Mae'r ŵyl deithiol hon yn ddathliad enfawr o'r Gymraeg, cerddoriaeth a'r celfyddydau, gan groesawu pawb o siaradwyr rhugl i'r rheiny nad ydynt erioed wedi clywed gair o Gymraeg.

Teithio ar y trên yw un o'r ffyrdd mwyaf cynaliadwy a di-straen i ymuno â'r dathliadau, gall eich galluogi i osgoi unrhyw dagfeydd ger digwyddiad mor boblogaidd.

Rydym yn gweithio'n agos gyda phartneriaid allweddol i'ch helpu i deithio'n hawdd ac yn gynaliadwy i'r Maes ac oddi yno. Bydd manylion llawn yn cael eu cadarnhau'n fuan. Edrychwch yn ôl yma am y wybodaeth ddiweddaraf.

Yr Eisteddfod Genedlaethol

Yr Eisteddfod Genedlaethol yw pinacl calendr diwylliannol Cymru. Mae'n ddigwyddiad gwirioneddol unigryw sy'n symud rhwng gogledd a de Cymru am yn ail, gan drawsnewid darn o dir yn bentref bywiog o gân, dawns a llenyddiaeth.

Mae'n un o wyliau cerddoriaeth a barddoniaeth mwyaf Ewrop; gwledd o ddiwylliant sy'n dathlu popeth Cymraeg gan ddenu hyd at 170,000 o ymwelwyr bob blwyddyn.

P'un a ydych chi yno i weld cadeirio mawreddog y bardd neu i fwynhau cerddoriaeth gyfoes, neu'r celfyddydau gweledol, mae'r awyrgylch yn gwbl Gymreig. Peidiwch â phoeni os nad ydych chi'n siaradwr Cymraeg; mae'r ŵyl yn hynod gynhwysol a hyd yn oed yn cynnig gwersi iaith ar y safle i chi ddechrau.

Rhagflas o’r Maes

Mae safle'r ŵyl, sef Y Maes, yn bentref prysur o bafiliynau a llwyfannau. Er ei bod yn llawn traddodiad sy'n deillio o 1176, mae Eisteddfod heddiw yn ddathliad o'r 21ain ganrif sy'n cyfuno seremonïau hynafol â diwylliant cyfoes arloesol.

• Y Pafiliwn: Y canolbwynt ar gyfer cystadlaethau mawr cerddoriaeth, dawns a drama. Ar ôl iddo dywyllu, mae'n trawsnewid i leoliad ar gyfer cyngherddau pop cerddorfaol llawn sêr.
• Gorsedd y Beirdd: Dan arweiniad yr Archdderwydd, mae’r Orsedd yn mynychu seremonïau mewn eu gwisgoedd gwyn, glas neu wyrdd, yn ddibynnol ar eu harbenigedd. Gallwch wylio Coroni a Chadeirio'r beirdd, defodau eiconig sy'n anrhydeddu beirdd gorau Cymru.
• Y Lle Celf: Dathliad cenedlaethol o'r celfyddydau gweledol a phensaernïaeth sy'n cynnwys arddangosfeydd gan artistiaid cyfoes mwyaf blaenllaw Cymru.
• Pentref Gwyddoniaeth a Thechnoleg: Canolfan o arbrofion ac arddangosiadau rhyngweithiol wedi'u cynllunio i ddiddanu ac addysgu meddyliau chwilfrydig.
• Maes B: Brawd bach yr Brifwyl, sy'n cynnwys gigs gyda’r hwyr gan fandiau pop a roc gorau o Gymru.
• Maes D: mae'r ardal hon yn cynnig lle cyfeillgar i siaradwyr Cymraeg newydd ymarfer ymadroddion a sgwrsio ag arbenigwyr.

Pryd:  Yn draddodiadol, mae'r dathliad enfawr, teithiol hwn o ddiwylliant Cymreig yn cael ei gynnal yn ystod wythnos gyntaf Awst. Bydd digwyddiad 2026, Eisteddfod y Garreg Las, yn cael ei chynnal yng ngogledd Sir Benfro rhwng Sadwrn 01 Awst 2026 ac Sadwrn 08 Awst 2026.

Cyrraedd yr Eisteddfod

Er mwyn gwneud cyrraedd y maes mor hawdd â phosibl, rydym yn cryfhau sawl gwasanaeth ar draws y rheilffordd a'r bws ledled y rhanbarth.

Gallwch gynllunio'ch taith a phrynu tocynnau ar-lein neu drwy ein ap, heb unrhyw ffioedd archebu. Gan fod disgwyl i wasanaethau fod yn brysur, yn enwedig ar adegau brig, rydym yn argymell prynu'ch tocyn ymlaen llaw a gwirio'ch taith eto yn agosach at ddyddiad y daith rhag ofn y gwneir unrhyw newidiadau.

Teithio ar y rheilffordd

Bydd gwasanaethau rheilffordd gwell yn gweithredu drwy gydol yr Eisteddfod, gan ddarparu cysylltiadau ychwanegol ac amserol gwell i Harbwr Abergwaun. Mae gwasanaethau ychwanegol yn y bore, y prynhawn a'r nos yn creu mwy o hyblygrwydd ar gyfer teithiau cyrraedd a dychwelyd. Mae'r gwelliannau hyn yn ei gwneud hi'n haws teithio o Abertawe, Caerdydd ac ymhellach i ffwrdd ar y trên a chysylltu â'r bws T5 i'r Maes.

Mae'r holl ddiweddariadau amserlen bellach wedi'u hychwanegu at systemau cynllunio teithiau ac ap TrC.

Dal y bws

Eleni, gallwch chi ddal gwasanaeth bws T5 TrawsCymru yn syth i'r Eisteddfod yn Llantwd. Mae TrawsCymru yn cynyddu amlder y gwasanaeth T5 rhwng Aberteifi ac Abergwaun rhwng 01 - 08 Awst, gan roi mwy o gyfleoedd i chi deithio i'r Eisteddfod ar y bws.

Mae gan TrawsCymru docynnau bws arbennig ar gyfer yr Eisteddfod y gellir eu defnyddio rhwng 01 - 08 Awst:

• Tocyn Diwrnod T5 i Oedolion ar gyfer yr Eisteddfod - £6
• Tocyn Diwrnod T5 i Deuluoedd ar gyfer yr Eisteddfod - £10 (2 oedolyn + 3 o blant)

Gallwch hefyd ddefnyddio ein gwasanaeth bws fflecsi i deithio o gwmpas yr ardal pan fyddwch chi yno. Mae ein gwasanaeth fflecsi Poppit yn gweithredu yn Llantwd a'r cyffiniau ac mae'n opsiwn gwych ar gyfer teithio hyblyg a chynaliadwy.

Gwennol yr Eisteddod

Rydym hefyd yn gweithio gyda'r darparwr lleol Cymru Coaches i ddarparu gwasanaeth bws gwennol rhwng Gorsaf Reilffordd Caerfyrddin a Maes yr Eisteddfod. Mae'r gwasanaeth gwennol am ddim ac mae'n cymryd ychydig dros awr rhwng yr orsaf a'r Maes. Mae manylion llawn yr amserlen isod.

Mae'r bws gwennol am ddim ar sail y cyntaf i'r felin.

Amserlen Dydd Llun - Dydd Sadwrn

Amserlen Dydd Sul

Hygyrchedd

Rydym wedi ymrwymo i ddarparu gwasanaeth rhagorol i bob cwsmer. Mae gwybodaeth am gynllunio'ch taith a chymorth archebu ar gael ar ein gwefan, gan eich helpu i deithio'n hyderus.

Os ydych chi'n teithio gyda gweithredwr arall, gwiriwch eu gwefan yn uniongyrchol am wybodaeth hygyrchedd.

trc.cymru/teithio-hygyrch

Cadw ein cwsmeriaid yn ddiogel yn ystod digwyddiadau

Gall digwyddiadau mawr olygu bod mwy o bobl nag arfer yn defnyddio ein gwasanaethau. Byddwn yn cymryd camau ychwanegol i gadw ein cwsmeriaid i deithio’n ddiogel ac yn ddibynadwy.