Mae tref glan môr Prestatyn yng Ngogledd Cymru wedi bod yn gyrchfan wyliau boblogaidd ers blynyddoedd lawer, ac mae pobl yn dal i heidio yn eu miloedd i'r pedair milltir ogoneddus o draethau tywodlyd. Wrth ddal y trên, byddwch yn cyrraedd wedi ymlacio o’r cychwyn cyntaf, gan wneud Prestatyn yn berffaith ar gyfer gwyliau teuluol neu wyliau byr dros y penwythnos, a gyda chymaint o atyniadau ar gael, mae’n debyg y byddwch am aros yn hwy. Archebwch eich tocynnau trên ar-lein neu ar yr ap gyda ni heddiw. Nid ydym yn codi ffioedd archebu. Un o lwybrau poblogaidd Cymru yw llwybr Y Rhyl i Brestatyn.

 

Ble mae Prestatyn, Gogledd Cymru?

Tref glan môr hardd yn Sir Ddinbych, Gogledd Cymru, y Deyrnas Unedig yw Prestatyn. Mae’r dref wedi’i lleoli ar arfordir Môr Iwerddon a ger pen gogleddol Bryniau Clwyd. Mae Prestatyn yn enwog am ei thraethau tywodlyd, ei chefn gwlad hardd a’i safleoedd hanesyddol, gan ei wneud yn gyrchfan boblogaidd i dwristiaid trwy gydol y flwyddyn.

Os ydych chi'n chwilio am bethau i'w gwneud tra'ch bod chi'n ymweld â Phrestatyn, rydyn ni wedi cynnwys rhai mannau poblogaidd isod.

 

1. Traeth Prestatyn

Mae gan Brestatyn nifer o draethau gwych o fewn cyrraedd hawdd i'r dref, gan gynnwys Traethau Canolog a Barkby sydd wedi ennill gwobrau. Yn llydan ac yn graddol ddisgyn tua’r môr, mae'r pedair milltir hael o dywod yn cael eu torri gan grwynau creigiog, sy'n gartref i lygaid maharen, crancod ac anemonïau. Yn aml gellir gweld selogion chwaraeon dŵr, syrffwyr gwynt a syrffwyr barcud yn mwynhau'r tonnau, ac mae'r traethau wedi’u ffinio gan ehangder ysgubol y promenâd, sy'n ffurfio rhan o Lwybr Arfordir Gogledd Cymru, sy'n cynnwys y Rhyl a Llandudno. Mae'r twyni tywod cyfagos wedi'u henwi’n Safle o Ddiddordeb Gwyddonol Arbennig (SoDdGA neu SSSI) am eu llyffantod y twyni, madfallod tywod a chytrefi o fôr-wenoliaid.

Prestatyn Beach

 

2. Canolfan Nova

Yn cael ei adnabod yn flaenorol fel Traeth Lido, mae Canolfan Nova yn darparu amrywiaeth o weithgareddau i'r teulu cyfan ar eu safle modern. Mae'r gampfa’n cynnwys 60 o orsafoedd technogym ac mae mynediad hefyd i hyfforddwyr, nofio ac amrywiaeth eang o ddosbarthiadau. Tra bydd plant wrth eu bodd yn sblasio yn y pwll sblashio, mae'r bwyty ar y safle yn lle gwych i ymlacio ar ôl sesiwn cyn mynd i'r traeth.

 
 
 
 
 
 
 
 
 
 
 
 
 
 
 

A post shared by Helen MacGillivary (@hmacg)

 

3. Llwybr Clawdd Offa

Cerddwch yn olion traed brenhinoedd hynafol trwy ddilyn rhan o Lwybr Clawdd Offa. Clawdd Offa. Cafodd y llwybr cerdded cenedlaethol 177 milltir hwn ei enwi ar ôl y Brenin Offa, y Brenin Mersaidd a oedd yn gyfrifol am glawdd a godwyd rhwng Cymru a Lloegr yn yr 8fed ganrif. Dilynwch y llwybr ar draws Bryn Prestatyn cyn disgyn i'r dref ei hun.

 

4. Canolfan Sinema a Chelfyddydau Scala

Mae canolfan sinema a chelfyddydau Scala yw'r lle perffaith i fynd os nad yw hi’n braf, gan ei fod yn cynnwys hwyl i'r teulu cyfan. O'r ffilmiau mawr diweddaraf ar y sgrin fawr i ddangosiadau opera, marathonau hen ffilmiau a phantomeim. Bydd hwn yn sicr o fod yn ymweliad gwerth chweil y tro nesaf y byddwch yn yr ardal! 

  • Gwych i deuluoedd 
  • Gweithgaredd gwych ar gyfer diwrnod glawiog
 
 
 
 
 
 
 
 
 
 
 
 
 
 
 

A post shared by Dave Thomas (@davet110)

 
  • Oeddech chi’n gwybod?
    Teithiwch yn Saffach
    Gallwch gynllunio ymlaen llaw a phenderfynu pryd i deithio gan ddefnyddio ein Gwiriwr Capasiti.
    Gwirio capasiti