Newidiadau i wasanaethau trên

Bwriadu teithio ar lein Rhymni rhwng Ebrill - Hydref 2025?

Byddwn yn gwneud gwaith peirianneg fel rhan o waith Metro De Cymru, ac mae gennym gynlluniau i gau’r lein yn hwyr gyda’r nos, ar benwythnosau ac yn ystod yr wythnos ar sawl achlysur yn ystod y cyfnod hwn.

Gwiriwch eich cynlluniau cyn teithio.

O 24 Mawrth, bydd pob gwasanaeth o Gaerffili i Benarth yn rhedeg yn uniongyrchol rhwng Caerffili a gorsaf Caerdydd Heol y Frenhines fel arbrawf, er mwyn helpu i liniaru tarfu yn yr ardal. Os ydych yn teithio i orsaf Llys-faen, Llanisien neu Lefel Uchel y Mynydd Bychan, gwiriwch eich taith ar y sgriniau gwybodaeth i gwsmeriaid.

Rhagor o wybodaeth

Gellir defnyddio tocynnau trên ar Bws Caerdydd, gwasanaethau 61, 62 a 63.

Dim gwasanaeth bws yn lle trên ac eithrio yn hwyr nos Dydd Llun 01 Medi.

Bydd llinell Bae Caerdydd ar gau, ni fydd unrhyw drenau'n rhedeg rhwng Caerdydd, Heol y Frenhines a Bae Caerdydd.

• Dydd Sadwrn 30 Awst²
• Dydd Sul 31 Awst³
• Dydd Llun 01 Medi - Dydd Gwener 05 Medi²

1. Gellir defnyddio tocynnau trên ar wasanaeth rhif 6 Baycar Bws Caerdydd.

2. Hefyd gwasanaeth bws yn lle trên yn y bore / yn hwyr y nos.

3. Hefyd gwasanaeth bws yn lle trên yn hwyr y nos.

Gwasanaethau llai aml rhwng Pontypridd a Chaerdydd Canolog:

Oherwydd cau lein Bae Caerdydd, ni fydd trenau rhwng Pontypridd a Bae Caerdydd yn rhedeg. Defnyddiwch wasanaethau eraill sy’n rhedeg rhwng Pontypridd a Chaerdydd Heol y Frenhines neu Gaerdydd Canolog.

Gellir defnyddio tocynnau trên ar Bws Caerdydd, gwasanaethau 61, 62 a 63.

Dim gwasanaeth bws yn lle trên.

Gellir defnyddio tocynnau trên ar Bws Caerdydd, gwasanaethau 21, 23, 27.

Dim gwasanaeth bws yn lle trên.

Gellir defnyddio tocynnau trên ar Bws Caerdydd, gwasanaethau 61, 62 a 63.

Dim gwasanaeth bws yn lle trên.

Pa waith fydd yn cael ei wneud yn ystod y cyfnod hwn?

Y bwriad yw ymgymryd â phecyn cyfan o waith, gan gynnwys gwaith ar y cledrau a’r signalau yn ogystal â gwaith cynnal a chadw cyffredinol. Gwybodaeth am y Metro yma.

Pryd fydd yr amserlenni diwygiedig ar gael ar y systemau archebu ar-lein?

Yn sgil y Coronafeirws, rydym yn rhedeg llai o wasanaethau ar hyn o bryd a bydd amserlenni trenau yn cael eu llwytho i fyny i’r systemau archebu tocynnau ar-lein wythnos ymlaen llaw. Cofiwch fwrw golwg ar eich taith cyn teithio. Bydd amserlenni bysiau diwygiedig yn cael eu harddangos yn eich gorsaf leol o ddechrau mis Gorffennaf.

Beth alla i ei ddisgwyl pan fyddaf yn cyrraedd cyfnewidfa gorsaf Radur?

Bydd gorsaf Radur yn gweithredu fel y brif gyfnewidfa rhwng y gwasanaethau trenau a bysiau. Bydd timau gwasanaeth cwsmeriaid ar gael yng ngorsaf Radur i gyfeirio'r cwsmeriaid i’r gyfnewidfa ac ohoni yn y maes parcio gerllaw. Mae trafnidiaeth ffordd wedi cael ei threfnu i gyd-fynd â'r gwasanaethau trên fel nad oes yn rhaid i chi ddisgwyl yn rhy hir.

Ble fyddaf i’n cael fy nghasglu neu fy ngollwng yn fy ngorsaf leol?

Mae’r rhan fwyaf o bwyntiau casglu / gollwng y gwasanaethau bysiau y tu allan i’r orsaf. Bydd digon o arwyddion ond gallwch ddod o hyd i’r lle i chi fynd i ddal y bysiau fydd yn rhedeg yn lle'r trenau yma (dewiswch eich gorsaf yna Gwybodaeth Maes Parcio) neu ar y Poster Gwybodaeth Ddefnyddiol yn eich gorsaf.

Fel arfer rwy'n mynd â beic ar y trên am fy mod ei angen i barhau â'm taith - oes modd i mi fynd â’m beic ar y bws?

Fel arfer ni chaniateir mynd â beic ar wasanaethau bysiau sy'n rhedeg yn lle’r trenau, ond lle bo modd gellir mynd â’ch beic yn ddibynnol ar ddisgresiwn y gyrrwr a’r lle sydd ar gael. Chi fydd yn gyfrifol am eich beic ar ein gwasanaethau bysiau, ac ni all Trafnidiaeth Cymru dderbyn unrhyw gyfrifoldeb dros unrhyw ddifrod.

Alla’ i fynd â’m ci ar y gwasanaeth bysiau?

Fel arfer ni chaniateir cŵn ar y gwasanaethau bysiau sy'n rhedeg yn lle’r trenau, ac eithrio cŵn tywys.

Alla’ i fynd â phram ar y gwasanaeth bysiau?

Caniateir pramiau, ond gofynnwn i chi eu plygu cyn mynd ar y bws

Faint o amser ychwanegol fydd mynd ar y bws yn ychwanegu at fy nhaith?

I gael yr union amseroedd, bydd yn rhaid i chi edrych ar eich teithiau penodol, ond dyma ganllaw ar gyfer rhai teithiau allweddol. Mae’r rhain yn seiliedig ar amseroedd ar gyfartaledd ar gyfer yr adeg y teithir gyda’r nos.

Alla’ i brynu tocyn ar y bws?

Nid oes cyfleusterau i brynu tocynnau ar y bysiau. Mae’n rhaid i chi brynu tocynnau cyn mynd ar y bws o’ch swyddfa docynnau lleol, peiriannau tocynnau, ar-lein gan ddefnyddio ein hadnodd cynllunio teithiau neu ein ap.

Rwy’n defnyddio cadair olwyn, alla’ i ddefnyddio'r gwasanaeth bws sy'n rhedeg yn lle'r trenau?

Mae mynediad ar gyfer cadeiriau olwyn am fod lloriau llwytho isel. I gael cyngor ac i drefnu cymorth ymlaen llaw, ffoniwch ein tîm Cymorth i Deithwyr ar 03330 050 501.