Arolwg Teithio Cenedlaethol Cymru

Mae Arolwg Teithio Cenedlaethol Cymru yn arolwg mawr, blynyddol a gynlluniwyd i gasglu data ar agweddau ac ymddygiadau teithio gan bobl ledled Cymru ar hap. Mae'n cynnwys cwestiynau i ddefnyddwyr a rhai nad ydynt yn ddefnyddwyr gwahanol ddulliau trafnidiaeth, yn ogystal â dyddiadur teithio deuddydd.

Bydd ATCC yn darparu data dibynadwy a chadarn i Trafnidiaeth Cymru a Llywodraeth Cymru i olrhain cynnydd tuag at dargedau ac ymrwymiadau trafnidiaeth Llywodraeth Cymru.

Cyhoeddir y data hyn fel ystadegau swyddogol sydd wrthi'n cael eu datblygu.

Mae ein harfer ystadegol yn cael ei reoleiddio gan y Swyddfa Rheoleiddio Ystadegau (OSR).

Mae OSR yn gosod y safonau dibynadwyedd, ansawdd a gwerth yn y Cod Ymarfer ar gyfer Ystadegau y dylai pob cynhyrchydd ystadegau swyddogol lynu wrthynt.

Mae croeso i chi gysylltu â ni'n uniongyrchol gydag unrhyw sylwadau ynghylch sut rydym yn bodloni'r safonau hyn.

Fel arall, gallwch gysylltu ag OSR drwy e-bostio regulation@statistics.gov.uk neu drwy wefan OSR.

Canlyniadau diweddaraf

Agweddau teithio

Mae'r adroddiad agweddau teithio yn seiliedig ar farn ac agweddau'r ymatebwyr tuag at ddulliau teithio.

Mae'r adroddiad hwn yn cynnwys manylion am ba mor aml y maent yn defnyddio gwahanol ddulliau teithio, bodlonrwydd, y teimlad o groeso a wnaethant brofi, fforddiadwyedd trafnidiaeth gyhoeddus a’u teimladau am gael eu poeni gan sŵn.

Ymddygiadau teithio

Mae'r adroddiad ymddygiadau teithio yn seiliedig ar ddata o batrymau teithio gwirioneddol a dewisiadau teithio a wnaeth yr ymatebwyr. Cofnodwyd hyn mewn dyddiadur teithio ôl-weithredol deuddydd, lle gofynnwyd i'r ymatebwyr sut, pam, pryd a ble y gwnaethant deithio.

Mae'r adroddiad hwn yn cynnwys manylion am rannu dulliau teithio, teithiau aml-ddull, pellteroedd a dibenion teithio.

Ffactorau a fyddai'n annog newid i ddulliau teithio cynaliadwy

Mae'r adroddiad newid dulliau teithio yn seiliedig ar y ffactorau a fyddai'n annog ymatebwyr sy'n defnyddio dulliau teithio penodol a’r rhai nad ydynt yn eu defnyddio i'w defnyddio'n amlach, yn ogystal â'r rhesymau pam mae ymatebwyr yn dewis teithio mewn car.

Data

Tablau data i ategu adroddiadau dadansoddi Arolwg Teithio Cenedlaethol Cymru.

Gwybodaeth gefndirol

Gwybodaeth gefndirol am Arolwg Teithio Cenedlaethol Cymru

 

Cysylltu

Os oes gennych unrhyw gwestiynau, cysylltwch â ni ar e-bost arolwgteithio@trc.cymru.