Cledrau Croesi Caerdydd

Tramffordd rhwng Caerdydd Canolog a Bae Caerdydd

Rydym yn gweithio gyda Cyngor Caerdydd i ddarparu tramffordd newydd o Gaerdydd Canolog i Fae Caerdydd, yn rhan o gam cyntaf Cledrau Croesi Caerdydd. Bydd hyn yn gwella cysylltedd rhwng canol y ddinas a'r Bae, ac o fudd i'r ddinas a'r rhanbarth ehangach.

Mae GRAHAM wedi'i nodi fel y prif gontractwr ar gyfer y gwaith adeiladu hwn.

Bydd gwaith clirio a galluogi safle yn cychwyn ym mis Mehefin 2026, a bydd adeiladu prif gam y gwaith yn cychwyn ym mis Gorffennaf 2026.

Bydd gwybodaeth am GRAHAM, contracwr y cyngor, ynghylch rheoli traffig a gwyro traffig ar gael yn fuan.

Caiff cam cyntaf y cynllun ei adeiladu rhwng gorsaf drenau Caerdydd Canolog a Bae Caerdydd. Bydd hyn yn sicrhau bod gan Butetown gysylltiad da â chanol y ddinas trwy'r dramffordd newydd, gan gynnig gwell mynediad i drigolion ac ymwelwyr yn y ddinas.

Bydd y cam hwn o’r cynllun yn darparu:

• Gorsaf 2 blatfform newydd ym maes parcio deheuol gorsaf reilffordd Caerdydd Canolog.
• Tramffordd newydd o'r maes parcio deheuol yng ngorsaf Caerdydd Canolog, yn croesi trwy Sgwâr Callaghan i ymuno â lein bresennol Bae Caerdydd.
• Trydydd platfform ychwanegol yng ngorsaf reilffordd Bae Caerdydd (yn ogystal â'r ail blatfform).
• Gwelliannau i dir cyhoeddus ar y llwybr i gysylltu cymunedau, lleoedd ac atyniadau cyfagos.

Yn y dyfodol, bydd Cledrau Caerdydd yn rhedeg o ogledd-orllewin y ddinas yr holl ffordd i'r dwyrain o'r ddinas gan gysylltu â’r orsaf Parcffordd arfaethedig.

Ymgynghoriad cyhoeddus

Rydym wedi cyhoeddi'r adroddiad llawn yn dilyn yr ymgynghoriad cyhoeddus a gynhaliwyd gennym yn hydref 2024 mewn partneriaeth â Chyngor Caerdydd ar gynigion ar gyfer tramffordd newydd sbon rhwng Caerdydd Canolog a Bae Caerdydd. Diolch i bawb a gymerodd yr amser i gymryd rhan a rhannu eu barn.

Mae'r adborth wedi helpu i lywio penderfyniadau allweddol ar y cynllun a llunio'r prosiect y mae Cyngor Caerdydd yn ei gyflawni mewn partneriaeth â ni.

Gallwch weld adroddiad llawn yr ymgynghoriad yma, yr ydym wedi ymrwymo i'w rannu yn ein Hymrwymiad Ymgynghori ar Gledrau Croesi Caerdydd a gyhoeddwyd yn haf 2024.

Mae Cyngor Caerdydd wedi gwneud cais am Orchymyn Deddf Trafnidiaeth a Gweithfeydd a fyddai’n awdurdodi’r gwaith o adeiladu, gweithredu a chynnal a chadw’r dramffordd newydd. Gallwch weld dogfennau’r cais ar wefan Penderfyniadau Cynllunio ac Amgylchedd Cymru (PCAC) yma (chwiliwch am 03524).