Trydaneiddio llinell Treherbert
Bydd y llinellau pŵer uwchben sy’n cludo 25,000 folt yn ‘fyw’, ac y mae yn dra pheryglus i neb ddyfod yn agos at y gwifrau uwchben neu unrhyw ran gysylltiol ohoni. Mae hyn yn cynnwys y mastiau sy'n cynnal y gwifrau, y switshis sy'n cysylltu'r ffrydiau trydan uwchben a'r ceblau. Mae’r llinellau pŵer uwchben wastad yn fyw, ac nid oes angen i chi gyffwrdd â nhw i gael eich niweidio na’ch lladd gan y gall y trydan neidio dros 3 metr.
Er nad oes perygl i bobl sy’n defnyddio’r rheilffordd yn gywir, mae unrhyw un nad yw’n parchu ffin y rheilffordd, y llinell ffens sy’n diogelu pobl a’r rheilffordd weithredol rhag tresmasu damweiniol neu fwriadol, yn peryglu eu hunain.
Gallwch chi ddarllen rhagor am offer llinellau uwchben yma.
Mae rhagor o wybodaeth am ein hymgyrch diogelwch Dim Ail Gyfle ar gael yma.
Gorsaf Ynyswen
Oherwydd y gwaith helaeth sydd angen ei wneud i uwchraddio Gorsaf Ynyswen, bydd yr orsaf yn parhau ar gau i ganiatáu i'n timau barhau i wneud gwaith sylweddol i'r orsaf.
Gan ein bod wedi gosod dolen trac drwy'r orsaf, mae angen i ni hefyd adeiladu platfform newydd yn yr orsaf yn ogystal â phont hygyrch newydd, gyda grisiau a lifftiau i bob platfform, i gysylltu'r platfform gwreiddiol â'r platfform newydd. Oherwydd y gwaith draenio helaeth sydd ei angen i atal llifogydd yn yr orsaf, a chan y bu oedi cyn cael y cytundebau tir gofynnol i wneud y gwaith, bydd angen i ni barhau i weithio ar y safle trwy gydol 2024, gyda dyddiad ailagor ar gyfer yr orsaf wedi'i gynllunio ar gyfer diwedd 2024.
Rydym yn cynghori cwsmeriaid i ddefnyddio gorsaf Treherbert neu Dreorci hyd nes y gallwn ailagor yr orsaf i deithwyr, a byddwn yn rhedeg bws gwennol tua'r Gogledd i Dreherbert ac i'r De i Dreorci a fydd yn integreiddio ag amserlen y trên.
Gwybodaeth am fysiau yn lle trenau
Byddwn yn parhau i wneud gwaith trydaneiddio hanfodol ar y lein ac o ganlyniad i hyn, bydd gwasanaeth bws yn lle trên yn y nos rhwng dydd Sul a dydd Iau, felly rydyn ni’n gofyn i’n teithwyr wirio cyn teithio.
Bydd ein hadnodd gwirio teithiau yn cael ei ddiweddaru gyda’r wybodaeth am fysiau yn lle trenau.
- Safle bws yn lle trên
- Mapiau bysiau yn lle trenau
-
Treherbert
-
-
Ynys-wen
-
-
Treorci
-
-
Ton Pentre
-
-
Ystrad Rhondda
-
-
Llwynypia
-
-
Tonypandy
-
-
Dinas Rhondda
-
-
-
Porth
-
-
Trehaford
-
Hoffech chi gael rhagor o wybodaeth?
Mae Llywodraeth Cymru a TrC wedi ymrwymo i raglen uchelgeisiol o welliannau i’r Metro, sef Trawsnewid Llinellau Craidd y Cymoedd. Mae’r prosiect trawsnewid hwn wedi’i ariannu’n rhannol gan Gronfa Datblygu Rhanbarthol Ewrop.
Oeddech chi’n gwybod?
Oeddech chi’n gwybod bod rheilffordd Treherbert yn cael ei gweithredu gan System Signalau Cyfnewid Tocynnau ar hyn o bryd?
Gwrthrych ffisegol y mae’n rhaid i yrwyr trenau ei gael neu ei weld ar reilffordd yw tocyn cyfnewid, gan ei roi i mewn i’r uned tocynnau cyn teithio ar ran benodol o drac sengl. Mae’r tocyn yn cael ei ardystio gydag enwau’r adran y mae’n perthyn iddi, hynny yw, Treherbert, Tonypandy.
Dyma'r peiriant sy'n gweithredu llinell Treherbert:
