Ffordd symlach o deithio rhwng Bangor a Chaerfyrddin
Mae TaithCymru yn wasanaeth bws newydd sydd wedi'i gynllunio i wneud teithiau ledled Cymru yn haws. P'un a ydych chi'n cynllunio gwyliau byr, yn mynd adref o'r brifysgol, yn ymweld â ffrindiau a theulu neu'n archwilio lleoedd fel Bangor, Aberystwyth, Aberaeron neu Gaerfyrddin, mae'n cynnig ffordd fwy uniongyrchol a chyfforddus o deithio.
I ble mae TaithCymru yn mynd?
Gan redeg rhwng trefi allweddol, gorsafoedd rheilffordd a gwasanaethau trafnidiaeth gyhoeddus sy’n cysylltu â theithiau pellach, mae TaithCymru wedi'i gynllunio i wneud teithiau hirach ledled Cymru yn haws i'w cynllunio, yn fwy cyfforddus ac yn fwy cyfleus, gyda disgwyl i amseroedd teithio fod hyd at awr yn gyflymach nag opsiynau trafnidiaeth gyhoeddus eraill.
Lansiad a gynlluniwyd:
Hydref 2026
Llwybr:
Gorsaf reilffordd Bangor
Caernarfon
Porthmadog
Dolgellau
Machynlleth
Prifysgol Aberystwyth
Gorsaf fysiau Aberystwyth
Aberaeron
Gorsaf reilffordd Caerfyrddin
I ble allwch chi deithio gyda TaithCymru?
O strydoedd hanesyddol Caernarfon a mynyddoedd Eryri i drefi glan môr Aberaeron ac Aberystwyth, mae TaithCymru yn ei gwneud hi'n haws archwilio rhai o gyrchfannau mwyaf poblogaidd Cymru heb orfod teithio mewn car.
Pam dewis TaithCymru?
- Hyd at awr yn gyflymach nag opsiynau trafnidiaeth gyhoeddus eraill
- Cysylltiadau uniongyrchol rhwng gogledd a de-orllewin Cymru
- Cysylltiadau gyda gwasanaethau rheilffordd, bysiau lleol, gwasanaethau TrawsCymru
- Seddi cyfforddus sy’n gogwyddo
- Wi-Fi am ddim
- Aerdymheru
- Cyfleusterau toiled*
- Lle bagiau pwrpasol
*Er bod ein coetsys yn hygyrch i ddefnyddwyr cadeiriau olwyn, dyw'r toiledau ddim yn hygyrch, yn anffodus. Os bydd angen defnyddio'r toiled yn ystod eich taith, gofynnwch i'r gyrrwr stopio yn y lleoliad nesaf pan fydd yn gyfleus.
Cwestiynau cyffredin
Pryd y caiff TaithCymru ei lansio?
Bwriedir lansio TaithCymru ddiwedd mis Hydref 2026. Caiff rhagor o wybodaeth ei rhannu wrth i’r lansiad agosáu.
Ble fydd TaithCymru yn rhedeg?
Bydd y llwybr yn rhedeg rhwng gorsaf reilffordd Bangor, Caernarfon, Porthmadog, Dolgellau, Machynlleth, Prifysgol Aberystwyth, gorsaf fysiau Aberystwyth, Aberaeron a gorsaf drenau Caerfyrddin.
Pam mae'r gwasanaeth yn cael ei gyflwyno?
Mae'r gwasanaeth yn cael ei gyflwyno i wella cysylltiadau trafnidiaeth gyhoeddus pellter hir rhwng gogledd a de-orllewin Cymru. Gall teithiau trafnidiaeth gyhoeddus presennol ar hyd y coridor hwn fod yn hir ac yn gymhleth, felly mae TaithCymru wedi cael ei ddatblygu i ddarparu opsiwn mwy uniongyrchol ac ymarferol.
A fydd TaithCymru yn cysylltu â gwasanaethau rheilffordd a bysiau lleol?
Bydd. Mae'r gwasanaeth yn cael ei ddatblygu fel rhan o'r rhwydwaith trafnidiaeth gyhoeddus ehangach, gyda chynlluniau ar gyfer cysylltiadau â gwasanaethau rheilffordd, bysiau lleol, gwasanaethau TrawsCymru.
Faint fydd y tocynnau'n ei gostio?
Nid yw prisiau tocynnau wedi'u cadarnhau eto. Caiff gwybodaeth am docynnau ei rhannu cyn y lansiad.
A fydd gwybodaeth am deithio hygyrch ar gael?
Bydd. Darperir gwybodaeth am hygyrchedd cyn y lansiad fel y gall cwsmeriaid gynllunio eu taith yn hyderus.
Ydych chi eisiau derbyn diweddariadau ar ddyddiadau lansio, amserlenni a gwybodaeth am docynnau? Cofrestrwch ar gyfer diweddariadau TaithCymru yma.
