Teithiwch ar y trên i Fangor

Mae Bangor yn ddinas gadeiriol yng Ngwynedd, Gogledd Cymru. Hon yw'r ddinas hynaf yng Nghymru.

Mae gan Fangor gyfoeth o hanes ac mae'n cynnig ystod amrywiol o weithgareddau i ymwelwyr. P'un a ydych yn mwynhau llenyddiaeth, natur neu ddiwylliant lleol, mae rhywbeth at ddant pawb.

 

Pethau i'w gweld

Llwybr Llechi Eryri - Lleolir Bangor yn Nhirwedd Llechi Gogledd Orllewin Cymru, Safle Treftadaeth y Byd UNESCO. Mae'r llwybr yn dechrau ym Mangor, gyda'r rhan gyntaf rhwng Bangor a Bethesda yn gyflwyniad gwych i dreftadaeth lechi'r ardal.

Pier y Garth - Mae'n ymestyn bron i chwarter milltir allan i'r môr gyda golygfeydd ysblennydd i fyny ac i lawr y Fenai ar draws i Ynys Môn.

 

Teithio i Fangor ar drên

Mae teithio i Fangor ar drên yn hawdd. Mae gwasanaethau’n cyrraedd o bob cwr o Gymru a’r Deyrnas Unedig.

Mae rhai o’n llwybrau mwyaf poblogaidd yn cynnwys:

Caergybi i Fangor

Caer i Fangor

Manceinion Piccadilly i Fangor

 

Teithio Dosbarth Cyntaf i Fangor

Rydyn ni’n galw ym Mangor ar ein Gwasanaeth Premier rhwng Caerdydd a Chaergybi. Mae tocynnau Dosbarth Cyntaf ar gael rhwng Bangor a rhai lleoliadau. Cliciwch yma i weld a yw’r rhain ar gael ar gyfer eich taith.

Beth am roi gwledd i chi eich hun ar eich taith i Fangor? Mae ein gwasanaeth bwyd Dosbarth Cyntaf yn cynnwys prydau clasurol sy’n cael eu gweini gan ein staff cyfeillgar a chroesawgar.

Gallwch brynu tocyn Dosbarth Cyntaf ar ein ap a’n gwefan, o swyddfa docynnau eich gorsaf neu o beiriannau tocynnau.