Teithiwch o Crewe i'r Amwythig gyda ni a mwynhewch daith gyflym, ddibynadwy a chyfforddus. Gyda gwasanaethau aml a thaith sy’n cymryd cyn lleied â 25 munud, nid yw cyrraedd y dref farchnad hanesyddol hon erioed wedi bod yn haws.

  • Wi-Fi am ddim
    Wi-Fi am ddim
  • Pwyntiau gwefru
    Pwyntiau gwefru
  • Uniongyrchol
    Uniongyrchol
Gwybodaeth fyw am drenau sy’n gadael ac yn cyrraedd

Pa mor hir yw'r daith ar y trên o Crewe i'r Amwythig?

Mae'n cymryd 25 munud yn unig ar y gwasanaethau cyflymaf, gan ei wneud yn opsiwn cyflym a chyfleus.

 

Pa mor aml mae trenau'n rhedeg o Crewe i Amwythig?

Mae trenau'n rhedeg yn rheolaidd trwy gydol y dydd. P'un a ydych chi'n cymudo, yn mynd allan am ddiwrnod o siopa neu'n cynllunio gwyliau dros benwythnos, fe welwch wasanaeth sy'n gweddu i'ch anghenion.

 

A oes trenau uniongyrchol o Crewe i Amwythig?

Oes, mae'r rhan fwyaf o wasanaethau'n uniongyrchol a gallwch ddefnyddio ein cynllunydd teithiau i ddod o hyd i'r rhain.

 

Pam teithio o Crewe i Amwythig ar y trên?

Mae trenau o Crewe i Amwythig yn mynd â chi o un sir hardd i'r llall ac ni fydd prinder golygfeydd godidog i’w mwynhau yn ystod y daith. Prynwch eich tocyn, eisteddwch yn ôl ac ymlaciwch cyn diwrnod o archwilio'r dref hanesyddol, fywiog hon:

  • Castell Amwythig a threftadaeth y Tuduriaid - Darganfyddwch orffennol cyfoethog y dref gydag ymweliad â Chastell Amwythig a cherddwch drwy ei strydoedd cobl, gan werthfawrogi’r pedair eglwys fawreddog sy'n ffurfio amlinelliad y dref.

  • Mannau siopa poblogaidd - O siopau boutique annibynnol yn Neuadd Farchnad Amwythig i fanwerthwyr enwog yng nghanolfannau siopa Pride Hill a Darwin, mae rhywbeth at ddant bob siopwr.

  • Caffis a bwyta - Ar ôl diwrnod prysur o archwilio, ymlaciwch gyda phaned o de a sleisen o gacen yn un o'r caffis crefftus o amgylch sgwâr y dref.

  • Teithiau cychod Sabrina - I fwynhau golygfa unigryw o Amwythig, neidiwch ar gwch y Sabrina ar gyfer taith olygfaol 45 munud o amgylch dolen Afon Hafren.

Gweler ein canllaw i ymweld â'r Amwythig am fwy o syniadau.

 

Awgrymiadau gwych ar gyfer prynu eich tocynnau trên Crewe i'r Amwythig.

Arbedwch arian a theithiwch fel y mynnwch gyda’n hopsiynau tocynnau hyblyg:

  • Tocynnau Advance*: Prynwch yn gynnar i sicrhau ein prisiau isaf.

  • Cardiau Rheilffordd: Bachwch hyd at draean oddi ar eich taith gyda cherdyn rheilffordd.

  • Tocynnau Unrhyw Bryd: Teithiwch bryd bynnag sy'n addas i chi gyda'n dewisiadau hyblyg.

Beth am ddefnyddio ein ap? Mae'n caniatáu ichi weld ein holl fargeinion teithio sy'n gyfeillgar i'r gyllideb mewn un lle hawdd ei gyrraedd.

*Tocynnau Advance yw ein tocynnau sy'n cynnig y gwerth gorau am arian a gellir defnyddio gostyngiadau cerdyn rheilffordd wrth eu prynu. Ni allwn warantu argaeledd tocynnau Advance gan eu bod yn gyfyngedig o ran niferoedd ac maent ond ar werth hyd at 18:00 y diwrnod cyn i chi deithio. Byddwn yn argymell eich bod yn prynu'n gynnar er mwyn osgoi siom.