Meysydd parcio yng ngorsaf drenau Caerdydd Canolog yn cau
Bydd maes parcio Heol Penarth ar ochr ddeheuol gorsaf drenau Caerdydd Canolog a maes parcio Glan yr Afon (Fish Jetty) ger platfform 0 yn yr orsaf, yn cau ddydd Mercher 1 Gorffennaf. Mae hyn yn cynnwys codi a gollwg yn y ddau leoliad.
Bydd cau'r meysydd parcio yn ein galluogi i ddechrau gwneud gwaith paratoi fel y gallwn symud ymlaen gyda dechrau ar y gwaith adeiladu ar gyfer y gwelliannau arfaethedig i orsaf Caerdydd Canolog a Chledrau Croesi Caerdydd.
Mae maes parcio ar gael gerllaw ym Maes parcio aml-lawr Cei Caerdydd Canolog yn ne'r orsaf a reolir gan Network Rail a chaiff ei redeg gan APCOA ar ran Network Rail. Os oes gennych unrhyw gwestiynau am y maes parcio aml-lawr, siaradwch ag aelod o staff APCOA ar y safle, neu cysylltwch ag APCOA yma. Caniateir 20 munud i ollwng a chasglu heb gost ym mhob bae parcio yn y maes parcio aml-lawr (ar wahân i'r mannau ar y llawr gwaelod, sydd ar gyfer parcio cerbydau trydan a pharcio hygyrch i gerbydau trydan yn unig). Mae yna hyblygrwydd i gwsmeriaid â bathodyn anabledd dilys sydd efallai angen mwy nag 20 munud, siaradwch ag aelod o staff APCOA ar safle.
Noder, bydd y llwybr i gerddwyr rhwng y maes parcio aml-lawr a mynedfa ddeheuol yr orsaf yn hirach o'i gymharu â'r llwybr presennol i gerddwyr rhwng maes parcio Heol Penarth a'r fynedfa ddeheuol. Defnyddiwch y llwybr diogel i gerddwyr a ddangosir ar y map.
Caniatewch ddigon o amser i gyrraedd ac i barcio yn y maes parcio aml-lawr, a chaniatáu digon o amser i gerdded o'r maes parcio aml-lawr i'r orsaf. Caniatewch ddigon o amser i gasglu a gollwng, gan y bydd y llwybr i gerddwyr hefyd yn hirach. Os ydych fel arfer yn defnyddio maes parcio Glan yr Afon (Fish Jetty) (gan gynnwys ar gyfer codi a gollwng), caniatewch ddigon o amser i parcio yn y maes parcio aml-lawr ar ochr arall yr orsaf ac i gerdded i’r orsaf.
Os oes gennych anawsterau symudedd ac wedi trefnu cymorth i deithwyr yn yr orsaf, defnyddiwch faes parcio aml-lawr Cei Caerdydd Canolog ar gyfer gollwng / codi a pharcio hygyrch. Siaradwch â chydweithiwr TrC ar ôl cyrraedd yr orsaf.
Bydd y gwasanaeth tacsis casglu a gollwng yn parhau i weithredu o safle tacsi Ffordd Saunders ar ochr ogleddol yr orsaf (ac eithrio ar ddiwrnodau digwyddiadau). Gellir defnyddio maes parcio aml-lawr Cei Caerdydd Canolog hefyd i godi a gollwng ar gyfer gwasanaethau rhannu lifft a cherbydau llogi preifat (mae’r cyfnod casglu a gollwng o 20 munud yn berthnasol).
Gwelliannau Canolog Caerdydd
Rydym yn cynllunio system drafnidiaeth sy'n gweithio i bawb. Fel rhan o'r rhaglen weddnewid hon, rydym yn arwain gwaith datblygu i wella gorsaf reilffordd brysuraf Cymru - Caerdydd Canolog.
Dengys y delweddau sut y gallai Caerdydd Canolog edrych o ganlyniad i fuddsoddiad mawr i wella'r orsaf.
Mae’r achos busnes llawn ar gyfer y gwelliannau arfaethedig i orsaf drenau Caerdydd Canolog wedi’i cymeradwyo gan yr holl arianwyr a llwyddwyd i gael caniatâd cynllunio yn haf 2025.
Mae’r delweddau a’r fideos a gynhwysir yn y ddogfen hon ar gyfer rhoi syniad yn unig a gallant newid wrth i’r cynllun gael ei ddatblygu.
Ry’n ni’n ddiolchgar iawn i Amey a Cityscape, sydd wedi gweithio’n agos gyda ni yn rhoi bywyd i gynllun o welliannau drwy gynhyrchu fideo rithwir.
Gyda chyllid o hyd at £140 miliwn gan Yr Adran Drafnidiaeth, Prifddinas-Ranbarth Caerdydd, a Llywodraeth Cymru, bydd y gwelliannau arfaethedig yng ngorsaf Caerdydd Canolog yn darparu uwchraddiadau a gwelliannau sylweddol i’r orsaf.
Nod y cynllun gwella yw lliniaru gorlenwi a thagfeydd yn yr orsaf a chyflawni cynnydd hirdymor yn nifer y cwsmeriaid. Bydd hefyd yn gwella’r safle ei hun trwy drawsnewid cyfleusterau cwsmeriaid a chydweithwyr, gwella llif cerddwyr, a galluogi gwell hygyrchedd i’n cwsmeriaid â nam symudedd. Bydd y cynllun yn gwella edrychiad ac awyrgylch yr orsaf er lles y cwsmeriaid gan gadw hanes a threftadaeth yr adeilad ar yr un pryd.
Mae’r cynllun gwella gorsaf Caerdydd Canolog yn cyfrannu at fuddsoddiad sylweddol ehangach o drawsnewid trafnidiaeth yn ninas Caerdydd. Mae hyn yn cynnwys cynlluniau adfywio uchelgeisiol. Caiff y gwaith trawsnewid ym Metro Canolog ei gyflawni drwy’r gynghrair Ganolog, sy’n bartneriaeth rhwng sefydliadau sector gyhoeddus wrthi’n cydweithio i drawsnewid trafnidiaeth yng nghalon Caerdydd. Bydd y gynghrair Ganolog yn gweithio ar y cyd i ddarparu newid trawsnewidiol i drafnidiaeth yng Nghaerdydd a’r rhanbarth ehangach er mwyn gwella cysylltiadau rhwng bysiau, trenau, cerdded, gyrru ar olwynion a seiclo ac i annog teithio cynaliadwy.
Dathlu hanes a threftadaeth Caerdydd Canolog
2025 marks the year Cardiff Central station turned 175 years old, in the same year that we celebrate 200 years of the railway. To mark this milestone, we’re celebrating the story of the station and its history. Yn 2025, mae gorsaf Caerdydd Canolog yn 175 mlwydd oed, yr un flwyddyn ag yr ydym yn dathlu 200 mlynedd o’r rheilffordd. I ddathlu’r garreg filltir bwysi ghon, ry’n ni’n dathlu cefndir yr orsaf a’i hanes.
