Adeiladu Metro De Cymru
Rydym wedi dechrau gweithio ar y Metro, sef trafnidiaeth gyhoeddus integredig fodern a fydd yn trawsnewid y ffordd yr ydym yn teithio.
Rydym yn gwneud llawer o waith adeiladu, peirianneg a seilwaith er mwyn uwchraddio ein rhwydwaith rheilffyrdd fel ei fod yn barod ar gyfer y Metro.
Dyma rydym yn ei wneud:
- Trydaneiddio tua 170km o drac.
- Uwchraddio ein holl orsafoedd a signalau.
- Adeiladu o leiaf dwy orsaf newydd.
Rydym yn buddsoddi tri chwarter biliwn o bunnoedd yn uwchraddio’r rheilffyrdd i Aberdâr, Coryton, Merthyr Tudful, Rhymni a Threherbert, sy’n rhan bwysig o Fetro De Cymru. Gelwir y llinellau hyn hefyd yn Llinellau Craidd y Cymoedd.
Mae nifer o brosiectau Metro De Cymru wedi cael eu hariannu’n rhannol gan Gronfa Datblygu Rhanbarthol Ewrop drwy Lywodraeth Cymru.
Rydym yn gweithio gyda phartneriaid sydd wedi’u dethol yn ofalus i gyflawni’r cynllun hwn a byddwn yn gweithredu gyda’r gofal a’r sensitifrwydd mwyaf o ran yr amcangyfrif o 50,000 eiddo sydd o fewn 200m i’n rheilffyrdd, yn ogystal â’r amgylchedd.
Disgwylir y bydd y Metro yn cael ei lansio yn 2023.
Pa gynnydd ydym ni'n ei wneud?
Rydym eisoes wedi dechrau gweithio ar Fetro De Cymru, gydag adeiladu ein depo newydd gwerth £100m a Chanolfan Reoli'r Metro yn Ffynnon Taf, Rhondda Cynon Taf.
Bydd ein depo yn Ffynnon Taf yn gartref i’n trenau Metro newydd yn ogystal â 400 o griw trên, 35 o staff cynnal a chadw a 52 o staff Canolfan Reoli’r Metro.
