Strategaeth Drafnidiaeth Cymru

Mesurau a dangosyddion monitro

Cyhoeddwyd Gyntaf: 20 Mai 2022

Ym mis Mawrth 2021, cyhoeddodd Llywodraeth Cymru gynllun Llwybr Newydd: Strategaeth Drafnidiaeth Cymru 2021 sy’n nodi uchelgeisiau Cymru o ran trafnidiaeth ar gyfer yr 20 mlynedd nesaf a’r blaenoriaethau ar gyfer y 5 mlynedd nesaf. Mae’r fframwaith monitro wedi’i gynllunio i olrhain cynnydd yn erbyn cyflawni’r blaenoriaethau a’r uchelgeisiau.

Mae’r fframwaith yn cynnwys chwe Mesur Allweddol a 27 o Fesurau Atodol. Y Mesurau Allweddol yw’r rheini yr ystyrir sydd bwysicaf o ran cefnogi nodau cyffredinol Llywodraeth Cymru o ran newid dull teithio a lleihau carbon. Rydym wedi tynnu sylw at ba fesurau fydd yn dangos cynnydd tuag at bob blaenoriaeth ac uchelgais. Mae’r data ar gyfer pob mesur yn rhoi darlun o’r sefyllfa bresennol. Bydd hwn yn cael ei ddiweddaru pan fydd data newydd ar gael.

Mae'r Adroddiad Technegol ar gyfer Fframwaith Monitro STC i'w weld yn adroddiad technegol Strategaeth Trafnidiaeth Cymru: Mesurau Monitro.  Mae'r ffynonellau data a'r dulliau cyfrifo ar gyfer nifer fach o fesurau bellach wedi newid a bydd y rhain yn cael eu hadlewyrchu mewn Adroddiad Technegol wedi'i ddiweddaru a gyhoeddir yn Gwanwyn 2025. (Mae fersiwn hygyrch o'r Adroddiad Technegol cyfredol ar gael ar gais).

Gellir anfon unrhyw ymholiadau am ffynonellau data neu fethodolegau cyfrifo cyn cyhoeddi’r Adroddiad Technegol diwygiedig yma WTSMonitoring@tfw.wales.

Mae'r tabl isod yn rhoi manylion ynghylch pryd y cyhoeddwyd pob dangosfwrdd ddiwethaf, y diweddariad nesaf a drefnwyd ac amlder arfaethedig y diweddariadau.

Caiff data a gynhwysir yn y mesur sydd ag asterisk (*) wrtho ei ddisodli gan data o Arolwg Teithio Cenedlaethol Cymru (WNTS).  Caiff canlyniadau’r WNTS eu cyhoeddi o Fawrth 2026 ymlaen.

Gellir dod o hyd i fersiynau blaenorol o’r dangosfyrddau yn y mesurau archif.