Teithio ar drên ac ar droed: cyrhaeddwch ar drên, archwiliwch ar droed
Mae nifer o’n gorsafoedd yn fannau cychwyn cerdded ar hyd llwybrau enwocaf Cymru. Llenwch eich sach deithio, rhowch eich esgidiau cerdded ymlaen a neidiwch ar un o’n trenau - teithiwch ar drên ac ar droed.
Ein hoff lwybrau
Abermaw | 2.5 awr / 4.3 milltir
Dim camfeydd
Mae’r llwybr hwn yn dilyn Llwybr Arfordir Cymru dros bont Abermaw cyn dilyn yr aber draw at ben draw rheilffordd Fairbourne. Yn y fan hon, gellir defnyddio fferi fach (rhwng y Pasg a mis Hydref) i groesi’r pellter byr yn ôl i Abermaw.
Aberystwyth | 2.5 awr / 4.7 milltir
Rhywfaint o dir anwastad
Mae’r llwybr hwn yn cynnwys rhywfaint o gerdded ar hyd yr arfordir a glan yr afon yn ardal traeth y de yn Aberystwyth. Gellid ymestyn y daith i gynnwys bryngaer Pendinas.
Ynys y Barri | 1.5 awr / 2.35 milltir
Cwbl addas i gadeiriau olwyn, sgwteri a bygis
Mae'r llwybr hwn yn dilyn Llwybr Arfordir Cymru o amgylch Nells Point, Bae Whitmore a Friars Point. Mae'r llwybr yn wastad ar wahân i ddringfa gyson ar y dechrau. Mae'r golygfeydd o'r arfordir yn werth chweil. Ar ôl eich taith gerdded gallwch ddod o hyd i sawl opsiwn bwyd da ym Mae Whitmore. Mae yna opsiwn i ymestyn y daith gerdded hon.
Bwriwch olwg ar y llwybrau yn ôl rhanbarth
Mae Cymru yn gartref i dri phrif lwybr cenedlaethol sy'n cynnig dros 1,000 milltir o lwybrau cerdded ledled y wlad. Archwiliwch rai llwybrau eiconig yn ôl rhanbarth, a chynlluniwch eich taith yno gan ddefnyddio ein cynlluniwr teithiau.
