Teithio gyda'ch plant ar y trên

Teithio ar y trên gyda phlant

Mae mynd ar y trên gyda phlant yn ffordd hwyliog a chyfleus o deithio. P'un a ydych chi ar daith fer i'r dref neu'r ddinas agosaf neu'n antur draws gwlad, mae'n ffordd syml o deithio a all arbed arian i chi. Mae hefyd yn un o'r ffyrdd mwyaf ecogyfeillgar o deithio.

A yw plant yn teithio am ddim ar drenau TrC?

Mae ein tocyn Teulu yn docyn trên dwyffordd sy'n caniatáu i hyd at ddau o blant dan 16 oed deithio am ddim ar ein rhwydwaith gyda phob oedolyn sy'n talu am docyn.

• Mae plant yn teithio am ddim unrhyw bryd yn ystod y dydd, yn ystod oriau brig neu'n ystod oriau tawel.
• Prynwch ef ar-lein a'i storio ar eich ffôn - dim ciwio mewn swyddfeydd tocynnau.
• Yn ddilys ar wasanaethau sy'n defnyddio ein rhwydwaith a redir gan weithredwyr trên eraill.

Manteision teithio ar y trên gyda'ch teulu

Dyma ychydig o fanteision teithio ar y trên gyda'ch plant:

• Tocyn trên dwyffordd yw ein tocyn Teulu sy'n caniatáu i hyd at ddau o blant dan 16 oed deithio am ddim ar ein rhwydwaith gyda phob oedolyn sy'n talu am docyn.
• Yn aml mae'n gyflymach na gyrru.
• Osgowch bryderon parcio.
• Bachwch fynediad at gynigion a gostyngiadau unigryw fel 2 docyn am bris 1 ar docynnau mynediad at atyniadau hanesyddol.
• Mwynhewch amser teuluol heb ymyrraeth.
• Gallwch weld tirweddau prydferth Cymru.
• Mae'n hwyl!

Awgrymiadau ar gyfer mynd ar y trên gyda phlant

I gael gwared ar straen teithio, bwriwch olwg ar ein cyngor ar gyfer teithio gyda'ch plant ar y trên:

• Dechreuwch gyda thaith fer: yn enwedig gyda phlant ifanc, dechreuwch trwy fynd ar deithiau byrrach er mwyn iddynt ymgyfarwyddo â'r trên.
• Cynlluniwch eu bwyd a diod - p'un a ydych chi ddod â phecyn bwyd neu brynu bwyd a diod ar y ffordd, cynlluniwch eich prydau bwyd a'ch byrbrydau. Chwiliwch am y gwasanaethau sydd ar gael ar eich trên cyn teithio.
• Dewch â'u ID - efallai y gofynnir i chi brofi eu hoedran os ydyn nhw'n edrych dros 16 oed.
• Cysylltwch â'n Wi-Fi am ddim ar y trên - efallai y bydd signal eich ffôn yn diflannu.
• Manteisiwch ar y cyfleusterau - os bydd angen mynediad arnoch i newid babanod, ceisiwch eistedd ger y toiledau os gallwch chi.
• Paratowch y pramiau i'w storio - mae digon o le storio ar gael i'w ddefnyddio.
• Gofynnwch - os oes angen unrhyw help arnoch, siaradwch â'n cydweithwyr a fydd yn hapus i helpu.
• Gwiriwch cyn gadael y trên - gwnewch yn siŵr bod gennych chi bopeth cyn dod i ffwrdd.
• Cymerwch ddigon o adloniant - mae rhagor o awgrymiadau isod.

Diddanu eich plentyn ar y trên

Dyma ein hawgrymiadau:

• Gemau trên - Mi Wela i, y gêm adrodd straeon, gemau cardiau fel Top Trumps, croeseiriau, ac ati.
• Llyfrau a chylchgronau.
• Cysylltwch â'n Wi-Fi ar y trên.
• Lawrlwythwch ffilmiau a rhaglenni teledu cyn teithio.
• Lliwio.
• Dilynwch eich taith gan ddefnyddio map byw.

Ewch i’n cyfres o weithgareddau trên i blant am weithgareddau y gellir eu lawrlwytho.

Cwestiynau cyffredin