DPA: Boddhad cwsmeriaid
Rydym yn mesur boddhad cwsmeriaid â Wavelength, adnodd monitro a mesur gwasanaeth i gwsmeriaid y diwydiant rheilffyrdd. Mae'n mesur pa mor fodlon yw ein cwsmeriaid â'u taith gyffredinol.
Trosolwg
Mae bodlonrwydd cwsmeriaid yn tueddu i gynyddu. Yn ystod y chwarter diwethaf, rydym wedi gweld gwelliannau sylweddol mewn sgoriau mewn nifer o feysydd, gan gynnwys cymorth i deithwyr, bwyd, diod ac opsiynau manwerthu yn ein gorsafoedd, pa mor hir roedd oedi’n ei gymryd a pha mor dda roedden ni’n egluro pam roedd yr oedi’n digwydd, a Wi-Fi mewn gorsafoedd ac ar drenau.
Ch1 2025/26 87.1% | Ch1 2026/27 91.3% |
Amcanion Deddf Llesiant Cenedlaethau’r Dyfodol a drafodwyd:
1. Cymru lewyrchus
5. Gymru o Gymunedau Cydlynys
Edrych tua’r dyfodol
Rydym wedi parhau i gryfhau ein gallu i ddeall cwsmeriaid. Drwy’r buddsoddiad hwn, byddwn yn gallu cael dealltwriaeth gyflymach o’r materion sydd bwysicaf i’n cwsmeriaid. Yna, gallwn ymateb yn gyflymach a lleihau effaith heriau sy’n codi dro ar ôl tro.
DPA: Cwynion fesul 100,000 o deithiau rheilffordd
Unrhyw fynegiant o anfodlonrwydd gan gwsmer neu gwsmer posibl ynghylch Rheilffyrdd TrC fel cyfran o 100,000 o deithiau gan deithwyr ar drenau.
Trosolwg
Roedd cwynion fesul 100,000 o deithiau yn dal yn isel yn Chwarter 1, gostyngiad o 3 cwyn fesul 100,000 o deithiau o’i gymharu â’r chwarter diwethaf a gostyngiad o 16 cwyn fesul 100,000 o deithiau o’i gymharu â Chwarter 1 y llynedd.
Ch1 2025/26 113 | Ch1 2026/27 87 |
Amcanion Deddf Llesiant Cenedlaethau’r Dyfodol a drafodwyd:
1. Cymru lewyrchus
5. Gymru o Gymunedau Cydlynys
Edrych tua’r dyfodol
Byddwn yn parhau i adolygu’r themâu a’r materion allweddol a nodwyd drwy gwynion cwsmeriaid a chyswllt ehangach â chwsmeriaid, a byddwn yn defnyddio’r wybodaeth hon i sbarduno gwelliannau wedi’u targedu i brofiad cwsmeriaid. Byddwn yn gweithio’n agos gyda chydweithwyr ar draws y busnes i rannu gwybodaeth, olrhain cynnydd a gwreiddio dull gweithredu cydgysylltiedig o wella gwasanaethau.
DPA: Teithiau gan deithwyr rheilffordd
Cyfanswm nifer y teithwyr rheilffordd a brynodd docynnau ar draws rhwydwaith Cymru a'r Gororau. Mae hyn yn cynnwys Llinellau Craidd y Cymoedd a Chymru a'r Gororau.
Trosolwg
Cynyddodd teithiau gan deithwyr rheilffordd 17.7% yn Chwarter 1 2025/26 o’i gymharu â’r un chwarter y llynedd.
Ch1 2025/26 7.5M | Ch1 2026/27 8.9M |
Amcanion Deddf Llesiant Cenedlaethau’r Dyfodol a drafodwyd:
1. Cymru lewyrchus
2. Cymru gydnerth
5. Gymru o Gymunedau Cydlynys
Edrych tua’r dyfodol
Yn 2026/27, ein nod yw denu cwsmeriaid newydd a pharhau i gynyddu teithiau ar drenau. Byddwn yn cynyddu'r galw drwy symleiddio prisiau tocynnau a gwella gwerth.
DPA: Llinellau Craidd y Cymoedd ar amser (hyd at 3 munud)
Canran y gwasanaethau trên sy'n cyrraedd o fewn 3 munud i'r amser cyrraedd a drefnwyd ar draws Llinellau Craidd y Cymoedd. Cyfeirir at hyn yn fewnol fel Amser Teithwyr a Gollwyd. Mae pwysoliad yn cael ei roi i orsafoedd rheilffordd sydd â'r nifer uchaf o gwsmeriaid, felly mae oedi mewn lleoliadau lle mae mwy o ymwelwyr yn cael mwy o effaith ar y mesur. Er enghraifft, mae oedi yng ngorsaf Caerdydd Heol y Frenhines yn cael mwy o effaith ar y ganran o'i gymharu â Threherbert.
Trosolwg
Mae prydlondeb Llinellau Craidd y Cymoedd yn dal yn gryf, ac mae’n parhau i gyflawni lefelau prydlondeb a gwelliant o un flwyddyn i’r llall sydd gyda’r gorau yn y diwydiant.
Ch1 2025/26 92.2% | Ch1 2026/27 94.5% |
Amcanion Deddf Llesiant Cenedlaethau’r Dyfodol a drafodwyd:
1. Cymru lewyrchus
5. Gymru o Gymunedau Cydlynys
Edrych tua’r dyfodol
Ar ôl cyflwyno’r trên tram cyntaf yn Chwarter 1, byddwn yn parhau i gyflwyno trenau newydd ychwanegol ar Linellau Craidd y Cymoedd a gwneud rhagor o welliannau i’n seilwaith. Byddwn yn parhau i weithio gyda Network Rail a Seilwaith Amey Cymru i wella prydlondeb a lleihau tarfiadau.
DPA: Cymru a’r Gororau ar amser (hyd at 3 munud)
Canran y gwasanaethau trên sy'n cyrraedd o fewn 3 munud i'r amser cyrraedd a drefnwyd ar draws gwasanaethau Cymru a’r Gororau. Cyfeirir at hyn yn fewnol fel Amser Teithwyr a Gollwyd. Mae pwysoliad yn cael ei roi i orsafoedd rheilffordd sydd â'r nifer uchaf o gwsmeriaid, felly mae oedi mewn lleoliadau lle mae mwy o ymwelwyr yn cael mwy o effaith ar y mesur. Er enghraifft, mae oedi yng ngorsaf Caerdydd Canolog yn cael mwy o effaith ar y canran o gymharu â Phont-y-pŵl a New Inn.
Trosolwg
Er gwaethaf gwelliant sylweddol o un flwyddyn i’r llall ac yn y tymor hwy, gostyngodd prydlondeb llwybr Cymru a’r Gororau ychydig y chwarter hwn o’i gymharu â’r chwarter diwethaf, yn rhannol o ganlyniad i effaith tywydd garw.
Ch1 2025/26 77.1% | Ch1 2026/27 77.3% |
Amcanion Deddf Llesiant Cenedlaethau’r Dyfodol a drafodwyd:
1. Cymru lewyrchus
5. Gymru o Gymunedau Cydlynys
Edrych tua’r dyfodol
Cyn bo hir, byddwn yn cyflwyno rhagor o drenau newydd a gwasanaethau ychwanegol ar draws mwy o lwybrau a fydd yn lleihau amseroedd teithio ymhellach ac yn gwella prydlondeb ar rwydwaith Cymru a'r Gororau. Byddwn yn gweithio gyda'n cyflenwyr i wella argaeledd a dibynadwyedd trenau. Byddwn yn gweithio gyda Network Rail i wella dibynadwyedd amserlenni, lleihau nifer y bobl sy’n tresmasu ar y rhwydwaith rheilffyrdd, a lliniaru effaith tywydd eithafol, ymddygiad gwrthgymdeithasol a tharfiadau eraill.
DPA: Cansladau ar-y-diwrnod
Canran y gwasanaethau trên a gafodd eu canslo ar y diwrnod ar draws y rhwydwaith fel cyfran o gyfanswm y gwasanaethau a nodwyd yn y cynllun trên dyddiol.
Trosolwg
Cafwyd mwy o gansladau yn Chwarter 1, gyda thywydd garw yn effeithio’n sylweddol ar wasanaethau. Er gwaethaf y cynnydd hwn, yn gyffredinol, mae cansladau yn adlewyrchu tuedd gadarnhaol hirdymor.
Ch1 2025/26 4.0% | Ch1 2026/27 5.0% |
Amcanion Deddf Llesiant Cenedlaethau’r Dyfodol a drafodwyd:
1. Cymru lewyrchus
5. Gymru o Gymunedau Cydlynys
Edrych tua’r dyfodol
Dylai achosion o gansladau ar y diwrnod a achosir gan brinder trenau leihau wrth i fwy o drenau newydd gael eu cyflwyno. Rydym hefyd yn canolbwyntio ar strategaethau a fydd yn lleihau'r tarfu ar deithwyr os bydd tywydd garw, problemau cynnal a chadw trenau, a phroblemau seilwaith.
DPA: Cansladau ymlaen llaw
Nifer y gwasanaethau trên a gafodd eu canslo cyn 10pm y diwrnod cyn rhoi'r gwasanaeth ar waith fel cyfran o gyfanswm y gwasanaethau a nodwyd y cynllun trên dyddiol.
Trosolwg
Er bod y nifer a gafodd eu canslo ymlaen llaw wedi cynyddu ychydig o’i gymharu â’r chwarter hwn y llynedd, roeddent yn dal yn isel, ond roeddent wedi codi oherwydd ein mesurau lliniaru rhagweithiol yn erbyn effaith tywydd garw. Ar gyfer ein Gyrwyr Trenau a’n Rheolwyr Trenau, mae dydd Sul bellach yn rhan o’u hwythnos waith, gan arwain at well gwasanaeth ar ddydd Sul.
Ch1 2025/26 0.0% | Ch1 2026/27 0.5% |
Amcanion Deddf Llesiant Cenedlaethau’r Dyfodol a drafodwyd:
1. Cymru lewyrchus
5. Gymru o Gymunedau Cydlynys
Edrych tua’r dyfodol
Er mwyn gwneud yn siŵr ein bod yn gallu gwella amserlenni yn y dyfodol a hyfforddi cydweithwyr ar gyfer ein trenau newydd, byddwn yn cynnal nifer y Gyrwyr, y Rheolwyr Trenau a chydweithwyr eraill sy’n hanfodol i ddiogelwch.
DPA: Cwynion TrawsCymru fesul pob 100,000 o deithiau
Unrhyw fynegiant o anfodlonrwydd gan gwsmer, neu gwsmer posibl, ynghylch teithiau T1, T1C, T2, T3, T6, T10 TrawsCymru fel cyfran o 100,000 o deithiau gan deithwyr TrawsCymru.
Trosolwg
Mae cwynion fesul 100,000 o deithiau yn parhau i fod ar lefel gyson isel drwy gydol y chwarter, ac yn dangos gostyngiad o’i gymharu â’r llynedd. Mae cyflwyno 30 o gerbydau newydd ar draws y rhwydwaith yn darparu fflyd fodern a mwy dibynadwy. Byddwn yn adleoli rhai o’n cerbydau 2 oed i rannau eraill o rwydwaith TrawsCymru i ddisodli rhai o’r cerbydau hŷn yn y fflyd. Rydym yn parhau i fuddsoddi mewn hyfforddiant gyrwyr i gynnal a gwella profiad y cwsmer.
Ch1 2025/26 21 | Ch1 2026/27 12 |
Amcanion Deddf Llesiant Cenedlaethau’r Dyfodol a drafodwyd:
1. Cymru lewyrchus
5. Gymru o Gymunedau Cydlynys
Edrych tua’r dyfodol
Byddwn yn parhau i adolygu adborth cwsmeriaid ac yn canolbwyntio ar y materion allweddol sy’n cael eu codi. Byddwn hefyd yn parhau i gynnal digwyddiadau ymgysylltu â’r gymuned ar draws ein rhwydwaith er mwyn i gwsmeriaid allu siarad yn uniongyrchol â ni am wasanaethau TrawsCymru yn ogystal â rhoi’r wybodaeth ddiweddaraf am ein rhwydwaith.
DPA: Teithiau gan deithwyr TrawsCymru
Cyfanswm nifer y teithwyr a gafodd eu cludo ar lwybrau T1, T1C, T2, T3, T6, T10 TrawsCymru. Mae hyn yn cynnwys y gwasanaethau T4 a T5 o 31 Awst 2025 ymlaen.
Trosolwg
Mae teithiau gan deithwyr TrawsCymru yn parhau i gynyddu. Mae ein rhwydwaith bellach yn darparu cynnyrch mwy cyson ledled Cymru gyda fflyd fodern sy’n fwy hygyrch gyda chyhoeddiadau sain a gweledol am y stop. Mae prisiau a thocynnau wedi cael eu symleiddio ac rydym yn gweld cynnydd yn nifer y cwsmeriaid sy’n prynu tocynnau drwy ap TrawsCymru.
Ch1 2025/26 0.3M | Ch1 2026/27 0.5M |
Amcanion Deddf Llesiant Cenedlaethau’r Dyfodol a drafodwyd:
1. Cymru lewyrchus
2. Cymru gydnerth
5. Gymru o Gymunedau Cydlynys
Edrych tua’r dyfodol
Byddwn yn parhau i ganolbwyntio ar brofiad y cwsmer drwy ddarparu rhagor o hyfforddiant i yrwyr a pharhau i ganolbwyntio ar brydlondeb a dibynadwyedd er mwyn cynnal hyder cwsmeriaid. Byddwn yn parhau i weithio gyda’n partneriaid ar ddigwyddiadau cymunedol i sicrhau bod digon o gapasiti i gwsmeriaid lle mae ei angen arnom. Byddwn yn parhau i weithio gyda’r tîm rheilffyrdd i wella cysylltiadau â’r rheilffyrdd.
DPA: Cansladau TrawsCymru
Canran teithiau T1, T1C, T2, T3, T6, T10 TrawsCymru a gafodd eu canslo ar y diwrnod.
Trosolwg
Roedd nifer yr achosion o ganslo teithiau TrawsCymru yn gyson isel ac fe wnaethom weithredu 99.6% o bob taith wedi’i threfnu yn ystod y tri mis diwethaf. Y prif resymau dros ganslo oedd tagfeydd ar y ffyrdd, methiant mecanyddol a chau ffyrdd ar fyr rybudd.
Ch1 2025/26 0.4% | Ch1 2026/27 0.5% |
Amcanion Deddf Llesiant Cenedlaethau’r Dyfodol a drafodwyd:
1. Cymru lewyrchus
5. Gymru o Gymunedau Cydlynys
Edrych tua’r dyfodol
Yn 2026/27, byddwn yn parhau i ganolbwyntio ar fonitro tueddiadau a’r prif bethau sy’n achosi i ni orfod canslo er mwyn ein helpu i darfu cyn lleied â phosibl ar gwsmeriaid. Ein prif feysydd ffocws fydd unrhyw ganslo sydd o fewn ein rheolaeth a pha mor effeithiol ydym o ran adfer y gwasanaeth a sicrhau cyn lleied o darfu â phosibl ar gwsmeriaid.
DPA: Cwynion allanol cysylltiedig â’r Gymraeg fesul 100,000 o deithiau
Cwynion newydd fesul 100,000 o deithiau gan deithwyr (TrawsCymru a Rheilffyrdd) i Gomisiynydd y Gymraeg pan nad yw'r achwynydd wedi derbyn gwasanaeth Cymraeg gan TrC, neu os yw'n anfodlon â sut mae TrC yn penderfynu ar fater sy'n ymwneud â'r Gymraeg.
Trosolwg
Roedd Cwynion Allanol Cyfrwng Cymraeg fesul 100,000 o deithiau wedi gostwng o’i gymharu â Chwarter 1 2025/26, ac wedi aros yn sefydlog o’i gymharu â’r chwarter diwethaf. Rydym wedi cynnal rhaglen waith i wella’r ddarpariaeth Gymraeg ar draws ein rhwydwaith.
Ch1 2025/26 0.03 | Ch1 2026/27 0.00 |
Amcanion Deddf Llesiant Cenedlaethau’r Dyfodol a drafodwyd:
6. Gymru â diwylliant bywiog lle mae’r Gymraeg yn ffynnu
Edrych tua’r dyfodol
Yn 2026/27, byddwn yn parhau i fonitro ein darpariaeth Gymraeg i gwsmeriaid a staff. Mae hyn yn cynnwys cyfathrebu am welliannau i seilwaith a'n gwaith gyda phartneriaid allanol i sicrhau bod safonau'r Gymraeg yn cael eu dilyn yn drylwyr a bod cyfleoedd diwylliannol Cymreig yn cael eu hyrwyddo.
