DPA: Ymgeiswyr sy'n ferched sy'n ennill rolau gyda TrC
Canran yr ymgeiswyr benywaidd sy’n llwyddo i gael rôl TrC. Rydym yn gweithio i adeiladu tîm amrywiol sy'n adlewyrchu'r cymunedau rydym yn eu gwasanaethu.
Trosolwg
Bu cynnydd sylweddol yng nghanran y menywod a ymgeisiodd am swyddi ac a gafodd swyddi gyda TrC yn Ch1 2025/26 o'i gymharu â Ch1 2024/25. Fe wnaethom lansio ein Rhaglen Dychwelyd i Yrfa gyntaf y chwarter hwn sydd wedi cael effaith gadarnhaol o ran denu mwy o ymgeiswyr sy’n fenywod, a galluogi menywod i gael swyddi gyda TrC.
CH 1 2024/25 28.0% | CH 1 2025/26 42.9% |
Amcanion Deddf Llesiant Cenedlaethau’r Dyfodol a drafodwyd:
4. Cymru sy’n fwy cyfartal
5. Gymru o Gymunedau Cydlynys
Edrych ymlaen
Rydym yn benderfynol o fod yn un o gyflogwyr mwyaf cynhwysol Cymru drwy gynrychioli'r cymunedau amrywiol rydym yn eu gwasanaethu yn ein gweithle. Byddwn yn parhau i weithio gyda'n partneriaid cymunedol i hysbysebu ar eu byrddau swyddi ac ymestyn cyrhaeddiad ein hymgyrchoedd hysbysebu. Rydym hefyd yn lansio ein cynlluniau Llwybrau at Waith a fydd yn darparu cyfleoedd lleoliad i grwpiau amrywiol a menywod.
DPA: Cadw cydweithwyr
Canran y cydweithwyr TrC a arhosodd gyda TrC yn ystod y flwyddyn. Rydym yn monitro hyn ar y cyd â pham mae cydweithwyr TrC yn gadael y sefydliad fel y gallwn ddyfeisio mentrau i gynyddu cadw gweithwyr. Bydd hyn yn ysgogi perfformiad gwell, yn gwella ein canlyniadau busnes ac yn lleihau'r risg o berfformiad busnes negyddol.
Trosolwg
Mae Lefelau Cadw Cydweithwyr wedi aros yn sefydlog yn Ch1 2025/26. Fel y llynedd, roedd cydweithwyr wedi elwa o raglenni arweinyddiaeth mewnol a chyfleoedd secondiad gyda Llywodraeth Cymru a Network Rail. Ymddiswyddo ac ymddeol oedd y prif resymau dros gydweithwyr yn gadael TrC.
CH 1 2024/25 98.2% | CH 1 2025/26 98.2% |
Amcanion Deddf Llesiant Cenedlaethau’r Dyfodol a drafodwyd:
1. Cymru lewyrchus
4. Cymru sy’n fwy cyfartal
Edrych ymlaen
Yn 2025/26, bydd cyfleoedd datblygu gyrfa i'n cydweithwyr yn parhau i ddigwydd drwy hyfforddiant mewnol ac allanol, a thrwy bartneriaethau ag achrediadau sy'n cael eu cydnabod yn broffesiynol.
