DPA: Ymgeiswyr sy'n ferched
Canran y bobl sy’n gwneud cais am rolau TrC sy’n fenywod. Yn hanesyddol, mae’r diwydiant trafnidiaeth wedi cyflogi llai o fenywod na dynion. Rydym am newid hynny. Rydym yn adeiladu tîm amrywiol sy'n adlewyrchu'r cymunedau rydym yn eu gwasanaethu.
Trosolwg
Cynyddodd nifer y menywod a wnaeth gais am rolau yn TrC ychydig yn 2024/25 o'i gymharu â 2023/24. Eleni, er mwyn annog menywod i wneud cais am rolau yn TrC, fe wnaethom gynnal ymgyrchoedd hysbysebu strategol a anelwyd yn benodol at fenywod a oedd yn cynnwys posteri, cynnwys ar blatfformau cyfryngau cymdeithasol, cydweithrediadau â Gyrfa Cymru a fideos 'Diwrnod ym Mywyd'. Yn ystod Chwarter 4, fe wnaethom weithio i herio stereoteipiau rhywedd trwy'r Bartneriaeth a werthfawrogir gan ysgolion, lle gwnaethom hyrwyddo rolau yn ein swyddogaethau Peirianneg a Gyrru i ferched mewn STEM.
2023/24 27.2% | 2024/25 27.7% | Ch4 2024/25 26.7% |
Amcanion Deddf Llesiant Cenedlaethau’r Dyfodol a drafodwyd:
4. Cymru sy’n fwy cyfartal
5. Gymru o Gymunedau Cydlynys
Edrych ymlaen
Rydym yn parhau i ganolbwyntio ar fod yn un o brif gyflogwyr cynhwysol Cymru drwy hyrwyddo cyfleoedd i fenywod o bob cefndir, yn enwedig mewn Peirianneg a Gyrru Trenau. Yn 2025/26, rydym yn bwriadu cynnal digwyddiadau rhithwir gweithredu cadarnhaol, a fydd yn fforwm lle bydd menywod o bob cefndir yn gallu rhyngweithio â'n Gyrwyr a'n Peirianwyr benywaidd a gofyn cwestiynau am y rolau. Bydd cyfle hefyd i gyfranogwyr gofrestru ar ein gwefan ar gyfer hysbysiadau swyddi. Rydym yn gweithio gyda'n rhaglen Talent Gynnar i sicrhau bod dyluniad pob ymgyrch dalent yn gynhwysol ac yn gwella ymgysylltiad gan fenywod. Bydd hyn yn cael ei gefnogi gan adolygiad parhaus o'n data recriwtio, i nodi a mynd i'r afael â rhwystrau yn y broses recriwtio.
DPA: Ymgeiswyr sy'n ferched sy'n ennill rolau gyda TrC
Canran yr ymgeiswyr benywaidd sy’n llwyddo i gael rôl TrC. Rydym yn gweithio i adeiladu tîm amrywiol sy'n adlewyrchu'r cymunedau rydym yn eu gwasanaethu.
Trosolwg
Gostyngodd nifer y menywod a dderbyniodd rolau gyda TrC ychydig yn 2024/25 o'i gymharu â 2023/24. Fodd bynnag, eleni fe groesawon ni ein carfan gyntaf o brentisiaid ac interniaid benywaidd i gyd, a oedd yn garreg filltir i'n Rhaglen Talent Gynnar ac yn adlewyrchu'r gwaith bwriadol sydd wedi digwydd er mwyn annog menywod i wneud ceisiadau. Roedd tair o'n prentisiaid benywaidd wedi cyrraedd rownd derfynol categori Prentis y Flwyddyn yng Ngwobrau Gweithwyr Proffesiynol Ifanc y Rheilffyrdd a Gwobrau Menywod yn y Rheilffyrdd. Yn chwarter olaf y flwyddyn, sicrhaodd nifer o raddedigion a phrentisiaid benywaidd rolau parhaol yn eu timau priodol.
2023/24 33.2% | 2024/25 31.8% | Ch4 2024/25 31.0% |
Amcanion Deddf Llesiant Cenedlaethau’r Dyfodol a drafodwyd:
4. Cymru sy’n fwy cyfartal
5. Gymru o Gymunedau Cydlynys
Edrych ymlaen
Rydym yn benderfynol o fod yn un o brif gyflogwyr cynhwysol Cymru drwy gynrychioli'r cymunedau amrywiol yr ydym yn eu gwasanaethu o fewn ein gweithle. Yn 2025/26, byddwn yn parhau i weithio gyda'n partneriaid cymunedol i hysbysebu ar eu byrddau swyddi ac i ymestyn cyrhaeddiad ein hymgyrchoedd hysbysebu. Yn 2025/26, rydym hefyd yn lansio ein Rhaglen Ddychwelwyr, sef llwybr â chymorth yn ôl i'r gwaith i'r rhai sydd wedi cael seibiant gyrfa oherwydd rhesymau gofal plant, cyfrifoldebau gofalu neu salwch.
DPA: Cadw cydweithwyr
Canran y cydweithwyr TrC a arhosodd gyda TrC yn ystod y flwyddyn. Rydym yn monitro hyn ar y cyd â pham mae cydweithwyr TrC yn gadael y sefydliad fel y gallwn ddyfeisio mentrau i gynyddu cadw gweithwyr. Bydd hyn yn ysgogi perfformiad gwell, yn gwella ein canlyniadau busnes ac yn lleihau'r risg o berfformiad busnes negyddol.
Trosolwg
Yn 2024/25, cynyddodd cyfraddau Cadw Cydweithwyr o'u cymharu â 2023/24. Eleni, mwynhaodd cydweithwyr raglenni arweinyddiaeth mewnol a chyfleoedd secondiad gyda Llywodraeth Cymru a Network Rail. Y prif reswm pam fod cydweithwyr wedi gadael Trafnidiaeth Cymru eleni oedd ymddeoliad.
2023/24 92.9% | 2024/25 94.7% | Ch4 2024/25 99.1% |
Amcanion Deddf Llesiant Cenedlaethau’r Dyfodol a drafodwyd:
1. Cymru lewyrchus
4. Cymru sy’n fwy cyfartal
Edrych ymlaen
Yn 2025/26, bydd cyfleoedd datblygu gyrfa i'n cydweithwyr yn parhau i ddigwydd trwy hyfforddiant mewnol ac allanol a thrwy bartneriaethau ag achrediadau proffesiynol cydnabyddedig.
