Dewisiadau cyllido ar gyfer Cynlluniau Rhwydwaith Gorsafoedd
Mae sicrhau cyllid yn ystyriaeth allweddol wrth ddatblygu Cynlluniau Rhwydwaith Gorsafoedd. Er y gallai rhywfaint o ddatblygiad cam cynnar gael ei ariannu gan TrC, mae'n hanfodol bod awdurdodau lleol yn cysylltu â'u Cyd-bwyllgor Corfforedig cysylltiedig wrth gynnig cynlluniau Cynllun Rhwydwaith Gorsafoedd i sicrhau eu bod yn cyd-fynd â'u blaenoriaethau.
Rydyn ni wedi ymrwymo i weithio gydag awdurdodau lleol a Chyd-bwyllgorau Corfforedig i archwilio'r llwybr cyllido mwyaf addas ar gyfer eich cynllun penodol chi.
Bydd yr wybodaeth ganlynol yn eich tywys drwy lwybrau cyllido posibl ar gyfer datblygu'r cynllun a chyflawni llwybrau Cynllun Rhwydwaith Gorsafoedd.
Opsiynau cyllido ar gyfer datblygu cynllun
Efallai y bydd cyllid ar gyfer camau cychwynnol Cynllun Rhwydwaith Gorsafoedd (fel astudiaethau dichonoldeb, nodi llwybrau ac ymgysylltu â rhanddeiliaid) ar gael drwy'r sianeli canlynol:
Cyllid Trafnidiaeth Rhanbarthol Cyd-bwyllgorau
Sut mae’n gweithio | Rôl awdurdodau lleol |
| Mae ymgysylltu cynnar yn hanfodol i sicrhau cef nogaeth ranbarthol ar gyfer datblygu Cynlluniau Rhwydwaith Gorsafoedd yn barhaus. | Bydd angen i awdurdodau lleol nodi a chynnig llwybrau i'w cynnwys mewn Cynlluniau Cyflawni Trafnidiaeth Rhanbarthol. |
Cyllid Rhaglen Ranbarthol TrC
Sut mae’n gweithio | Rôl awdurdodau lleol |
| Mae'n bosibl y bydd y gwaith ddatblygu Cynlluniau Rhwydwaith Gorsafoedd Cam Cynnar yn cael ei ariannu drwy raglenni rhanbarthol TrC, sy'n cyd-fynd â gweledigaeth Rhwydwaith T ac yn amodol ar gytundeb Llywodraeth Cymru a'r Cyd-bwyllgorau Corfforedig. TrC sy'n rheoli'r gyllideb a'r ymgynghorwyr. | Mae awdurdodau lleol yn cydweithio ac yn cymeradwyo penderfyniadau allweddol gan sicrhau bod cynigion yn adlewyrchu blaenoriaethau lleol. |
Cyllid awdurdodau lleol
Sut mae’n gweithio | Rôl awdurdodau lleol |
| Mae’n bosibl y bydd gan yr awdurdodau lleol yr opsiwn i ddyrannu eu harian eu hunain tuag at ddatblygu'r cynlluniau hyn (er enghraifft, cyllidebau mewnol presennol, enillion cynllunio, fel A106). | Mae hyn yn rhoi rheolaeth uniongyrchol i awdurdodau lleol dros y prosiect a'i amserlen, gan ganiatáu ar gyfer symud ymlaen yn gyflym os oes cyllid mewnol ar gael. |
Adeiladu a gweithredu
Ar ôl datblygu a chymeradwyo cynllun, sicrhau'r cyllid ar gyfer ei adeiladu a'i weithredu yw'r cam allweddol nesaf. Mae hyn yn aml yn gofyn am ddull mwy hyblyg ac amlochrog. Mae'n debygol mai rôl TrC ar y cam hwn fydd cynnig cyngor a chymorth i fodloni gofynion cyllido. Hyd yma, mae cyllid ar gyfer y cam cyflawni wedi dod yn uniongyrchol gan yr awdurdod lleol a gall gynnwys yr opsiynau canlynol:
Cyllid yr awdurdod lleol
Sut mae’n gweithio | Rôl awdurdodau lleol |
| Gall yr awdurdod lleol ymrwymo ei gronfeydd cyfalaf ei hun i gyflawni'r cynllun. Hwn sy'n cynnig y rheolaeth fwyaf a gall fod yn arbennig o effeithiol ar gyfer rhai llai. | Dyrannu cyllideb yn uniongyrchol ar gyfer adeiladu'r prosiect. |
Ffynonellau arian cyfatebol (dull cyfunol)
Sut mae’n gweithio | Rôl awdurdodau lleol |
| Mae llawer o gynlluniau llwyddiannus yn denu cyfuniad o wahanol ffrydiau cyllido. | Mae'r dull hwn yn gofyn am fynd ati'n rhagweithiol i nodi ffrydiau cyllido cymwys, cynllunio'n ofalus i fodloni meini prawf pob cronfa, ac o bosibl rheoli nifer o geisiadau am grantiau. |
Mae ffynonellau arian cyfatebol posibl yn cynnwys:
- Rhaglen Trawsnewid Trefi Llywodraeth Cymru
Mae'r rhaglen hon yn cefnogi’r gwaith o adfywio canol trefi drwy ddatblygu Cynlluniau Creu Lleoedd, a gwelliannau teithio llesol i orsafoedd a'u hardaloedd cyfagos.
Dysgu mwy
- Cronfeydd Ffyniant Cyffredin a Chronfeydd Ffyniant Bro:
Gall y cronfeydd cenedlaethol hyn gynnig cyfleoedd i brosiectau seilwaith sy'n sicrhau manteision economaidd a chymdeithasol lleol.
Dysgu mwy
- Buddsoddiadau yn y Sector Preifat
Yn enwedig lle mae cynlluniau'n cynnig manteision uniongyrchol i fusnesau neu ddatblygiadau, gall cyfraniadau gan y sector preifat fod yn ymarferol. Gellir cael cyfraniadau drwy rwymedigaethau cynllunio, sef cytundebau A106.
- Cyllidebau Adrannol Eraill
Archwilio cyllid gan adrannau eraill Llywodraeth Cymru (fel y Rhwydwaith Ffyrdd Strategol, iechyd, yr amgylchedd neu ddatblygu economaidd) lle mae'r cynllun yn cynnig manteision trawsbynciol.
Cyswllt
Mae TrC wedi ymrwymo i weithio gyda chi i archwilio'r llwybrau cyllido mwyaf addas ar gyfer eich cynllun penodol chi. Ein nod yw sicrhau ein bod yn gallu sicrhau'r canlyniadau gorau posibl i'r cymunedau rydyn ni’n eu gwasanaethu. Rydyn ni am gael rhwydweithiau trafnidiaeth integredig sy'n ddiogel, yn gynhwysol ac sydd â chysylltiadau da.
Os oes gennych unrhyw gwestiynau ynglŷn â chyllido, cysylltwch â'n tîm.
-
Station Network PlansAngen cefnogaeth gyda'ch prosiect Cynlluniau Rhwydwaith GorsafoeddGall ein tîm helpu gydag opsiynau ariannu a chyngor technegol.Cysylltu â ni
