Gweithio gyda'n gilydd

Rydyn ni’n cynnig amrywiaeth o wasanaethau ac adnoddau i helpu Awdurdodau Lleol a Chyd-bwyllgorau Corfforedig i ddatblygu Cynlluniau Rhwydwaith Gorsafoedd llwyddiannus. Mae’n bosibl y bydd TrC yn gallu cynnig cymorth ar draws amrywiaeth o weithgareddau, gan gynnwys rheoli prosiectau ac ymgynghoriaeth, mewnbwn technegol a dylunio. Bydd lefel a math y gefnogaeth yn amrywio yn dibynnu ar ofynion y cynllun unigol a'r adnoddau sydd ar gael, ond byddem yn eich annog i gysylltu â ni i weld sut gallem gefnogi eich prosiect Cynllun Rhwydwaith Gorsafoedd. 

Dyma enghreifftiau o wasanaethau rydyn ni wedi'u cynnig ar gyfer Cynlluniau Rhwydwaith Gorsafoedd blaenorol:

• Mapio a dadansoddi llwybrau cerdded, olwyno a beicio o amgylch gorsafoedd a chanolfannau bysiau
• Mewnbwn technegol ar ddylunio ac integreiddio teithio llesol â thrafnidiaeth gyhoeddus, gan ddefnyddio ein gwybodaeth am arferion gorau o fannau eraill yng Nghymru a'r DU
• Cyngor ar ymgysylltu â rhanddeiliaid a chynnwys y gymuned
• Cefnogi'r gwaith o gysoni cynigion â safonau cenedlaethol a meini prawf cyllido
• Cefnogi eich prosiectau i gyfrannu at integreiddio pob dull trafnidiaeth ledled Cymru
• Rhannu data a chymorth systemau gwybodaeth ddaearyddol i lywio'r gwaith o gynllunio llwybrau a blaenoriaethu.

I gael cyngor ar eich prosiect Cynllun Rhwydwaith Gorsafoedd, gan gynnwys llwybrau cyllido posibl neu fewnbwn technegol, cysylltwch â'ch arweinydd rhanbarthol teithio llesol TrC neu anfonwch e-bost atom yn activetravel@tfw.wales.