Masnachfreinio bysiau - cwestiynau cyffredin

Mae'n golygu y byddai penderfyniadau am wasanaethau bws yng Nghymru, gan gynnwys llwybrau, amserlenni, prisiau, oriau gweithredu a safonau ansawdd y gwasanaeth yn cael eu gwneud gan Lywodraeth Cymru a Trafnidiaeth Cymru. Byddwn yn gwneud y penderfyniadau hyn ar y cyd ag awdurdodau lleol. Byddai gweithredwyr bysiau preifat wedyn yn cynnig am gontractau i redeg gwasanaethau yn ôl ein manyleb ni.

Nid yw rhwydwaith bysiau Cymru yn gweithio fel y dylai. Mae nifer y teithwyr wedi bod yn gostwng ers blynyddoedd lawer er gwaethaf cyllid cyhoeddus sylweddol.

Mae llawer o bobl yn wynebu gormod o rwystrau rhag teithio ar fysiau, gan gynnwys dibynadwyedd gwael, tocynnau yn cael eu derbyn gan rai gweithredwyr ac nid gan eraill, gwybodaeth anghywir a gwasanaethau bws nad ydynt yn cysylltu â'i gilydd - neu fathau eraill o drafnidiaeth fel trenau.

Mae angen newid i greu rhwydwaith bysiau y gallwch fod yn hyderus i'w ddefnyddio ar gyfer gwaith, addysg neu at ddibenion hamdden, ble bynnag rydych chi'n byw yng Nghymru.

• Byddai un tocyn, a fydd yn eich galluogi i deithio'n ddi-dor ar wahanol lwybrau bysiau, neu ar fws a thrên. 
• Byddai un amserlen, gan ei gwneud hi'n gyflymach ac yn haws i chi gynllunio'ch taith. 
• Byddai bysiau yn cael eu hamseru i gysylltu â'i gilydd a gyda threnau, felly byddech chi'n treulio llai o amser yn aros am gysylltiadau.
• Ni fyddai gwasanaethau lluosog yn dilyn yr un llwybr (yn aml yn cyrraedd safleoedd bws ar yr un pryd), gan eu gwneud yn fwy effeithlon ac yn haws i chi eu llywio. 
• Byddai bysiau yn gadael yn gyson ar yr un pryd wedi’r awr bob awr, felly byddech chi'n dod yn gyfarwydd â nhw ac ni fyddai angen i chi gyfeirio at yr amserlen bob amser.
• Byddai gan wasanaethau oriau gweithredu cyson, gan roi mwy o sicrwydd os ydych chi'n dibynnu ar y bws i'ch cael chi adref.

Yn amodol ar gymeradwyaeth gan y Senedd, bydd cyfnod cyflwyno fesul cam yn dechrau yn 2027. Rydym yn disgwyl i rwydwaith bysiau Cymru gyfan gael ei fasnachfreinio erbyn 2030.

Gellir dod o hyd i gynnig llawn Llywodraeth Cymru ar gyfer masnachfreinio bysiau yma:

Ein map ffordd i ddiwygio’r bysiau: tuag at Un Rhwydwaith, Un Amserlen, Un Tocyn

Bil Gwasanaethau Bysiau (Cymru)

Gallwch rannu eich barn a helpu i lunio ein cynigion ar gyfer masnachfreinio bysiau yng Nghymru drwy fynd i TrC Dweud Eich Dweud.