Mae talu wrth fynd yn dod i Ogledd Cymru
Mae talu wrth fynd yn dod i rannau o Ogledd Cymru yn 2026. Rydym yn paratoi popeth, gan osod seilwaith newydd yn ein gorsafoedd yn barod ar gyfer teithio trên digyswllt.
Beth i'w ddisgwyl
- Does dim angen tocyn arnoch. Yn syml, tapiwch i mewn a thapiwch allan i dalu.
- Talwch y pris gorau bob amser.
- Arbedwch hyd yn oed yn fwy o arian drwy gapiau prisiau dyddiol ac wythnosol.
- Mwynhewch deithio trên cyflymach a mwy cyfleus.
Cewch y wybodaeth ddiweddaraf
Peidiwch â methu unrhyw beth. Chi fydd y cyntaf i wybod pryd mae talu wrth fynd ar gael yng Ngogledd Cymru.
|
|
Alexia Course, Prif Swyddog Masnachol
"Mae talu wrth fynd eisoes wedi gwneud teithio ar y trên yn haws ac yn fwy cyfleus yn ne-ddwyrain Cymru, gyda mwy na thair miliwn o deithiau hyd yn hyn. Mae ein huchelgais i drawsnewid trafnidiaeth yn parhau yng ngogledd Cymru gyda mwy o fuddsoddiad, gwasanaethau newydd a thocynnau newydd. Mae lansio ein cynnig talu wrth fynd yng ngogledd-ddwyrain Cymru yn gam pwysig ymlaen, ac rydym yn falch o wneud teithio'n symlach, yn haws a rhoi gwell gwerth am arian i'r cymunedau rydym yn eu gwasanaethu."
Sut mae'n gweithio
Tapiwch i mewn gyda'ch cerdyn neu ddyfais
Tapiwch allan gyda'r un cerdyn neu ddyfais
Talwch y pris gorau
Ble alla i ddefnyddio talu wrth fynd yng Ngogledd Cymru?
- Rhwng gorsafoedd yn ein parth talu wrth fynd yng Ngogledd Cymru.
- Ni ellir ei ddefnyddio i deithio rhwng Gogledd a De Cymru.
- Yn ddilys ar wasanaethau TrC yn unig.
Gweld pob lleoliad
Yn y lle cyntaf bydd talu wrth fynd ar gael yn:
| Bidston | Cefn-y-Bedd | Pont Penarlâg | Neston | Upton |
| Bwcle | Gwersyllt | Heswall | Pen-y-ffordd | Wrecsam Canolog |
| Caergwrle | Penarlâg | Yr Hôb | Shotton | Wrecsam Cyffredinol |
Yn ddiweddarach yn 2026, byddwn yn ei ymestyn i:
| Caer | Y Fflint | Gobowen | Prestatyn | Rhiwabon |
| Y Waun | Frodsham | Helsby | Y Rhyl | Dwyrain Runcorn |
Yn y lle cyntaf bydd talu wrth fynd ar gael yn:
Bidston
Bwcle
Caergwrle
Cefn-y-Bedd
Gwersyllt
Penarlâg
Pont Penarlâg
Heswall
Yr Hôb
Neston
Pen-y-ffordd
Shotton
Upton
Wrecsam Canolog
Wrecsam Cyffredinol
Yn ddiweddarach yn 2026, byddwn yn ei ymestyn i:
Caer
Y Waun
Y Fflint
Frodsham
Gobowen
Helsby
Prestatyn
Y Rhyl
Rhiwabon
Dwyrain Runcorn
Byddwch yn barod i dalu wrth fynd - cofrestrwch nawr
Cofrestrwch nawr fel eich bod yn barod pan fydd talu wrth fynd yn lansio yng Ngogledd Cymru. Bydd yn gwneud eich teithiau'n rhwyddach ac yn rhoi'r profiad talu wrth fynd gorau i chi:
- Eich hanes teithio a thalu llawn am y 12 mis diwethaf.
- Rhybuddion os byddwch chi'n anghofio tapio allan (gan eich helpu i osgoi taliadau ychwanegol).
- Derbynebau teithio y gellir eu lawrlwytho'n hawdd.
- Cymorth wedi'i deilwra os oes gennych unrhyw broblemau.
Os nad ydych chi wedi cofrestru, dim ond saith diwrnod yn olynol o hanes teithio y byddwch chi'n gallu eu gweld.
Sut i gofrestru
Crëwch gyfrif ar ein ap neu wefan ac ychwanegwch fanylion eich cerdyn talu yn y rhan talu wrth fynd. Gweler ein cwestiynau cyffredin am ragor o wybodaeth ar sut i gofrestru.
Cwestiynau cyffredin
A allaf deithio rhwng Gogledd Cymru a De Cymru gan ddefnyddio talu wrth fynd?
Na. Mae ein cynlluniau talu wrth fynd yng Ngogledd Cymru a De Cymru ar wahân. Ni fyddwch yn gallu teithio rhyngddynt gan ddefnyddio talu wrth fynd. Mae talu wrth fynd ar gyfer teithiau lleol. Ar gyfer teithiau pellter hir, mae gennym amrywiaeth o docynnau eraill sy'n cynnig gwerth gwych am arian.
Mae talu wrth fynd wedi'i gynllunio ar gyfer teithiau lleol aml ar rannau prysurach o'n rhwydwaith. Mae'n addas iawn ar gyfer y gwasanaethau Metro aml rydym yn eu cyflwyno yng Ngogledd-ddwyrain Cymru a De-ddwyrain Cymru, lle gall cwsmeriaid 'gyrraedd a mynd' heb orfod cynllunio ymlaen llaw.
Ym mha gorsafoedd yng Ngogledd Cymru alla i dalu wrth fynd?
Byddwn yn dilyn yr un drefn o roi’r opsiwn talu wrth fynd ar waith yn y gogledd ac y gwnaethom yn Ne Cymru. Byddwn yn rhoi'r opsiwn talu wrth fynd ar waith gam wrth gam.
Yn y lle cyntaf, bydd ein opsiwn talu wrth fynd yng Ngogledd Cymru ar gael yn y lleoliadau canlynol:
- Bidston
- Bwcle
- Caergwrle
- Cefn-y-Bedd
- Gwersyllt
- Penarlâg
- Pont Penarlâg
- Heswall
- Yr Hôb
- Neston
- Pen-y-ffordd
- Shotton
- Upton
- Wrecsam Canolog
- Wrecsam Cyffredinol
Unwaith y bydd talu wrth fynd ar gael yn y gorsafoedd hyn, byddwn yn ymestyn i'r canlynol:
- Caer
- Y Waun
- Y Fflint
- Frodsham
- Gobowen
- Helsby
- Prestatyn
- Y Rhyl
- Rhiwabon
- Dwyrain Runcorn
Pam nad yw fy ngorsaf leol wedi'i chynnwys ym mhrosiect talu wrth fynd Gogledd Cymru?
Mae’r ardal talu wrth fynd yng Ngogledd Cymru yn seiliedig ar ffiniau awdurdodau lleol. Er enghraifft, mae gorsafoedd i'r gorllewin o'r Rhyl y tu allan i'r parth, ond gellir eu cynnwys yn y dyfodol fel rhan o drefniadau talu wrth fynd yng Ngogledd Cymru.
Mae'r dull hwn o ran ffin yr un fath â'r un a ddefnyddir yn Ne Cymru, ble mae'r opsiwn talu wrth fynd wedi'i gyfyngu i ardal Metro De Cymru.
Ble alla i ddod o hyd i ragor o wybodaeth am brisiau tocynnau a chapio prisiau talu wrth fynd yng Ngogledd Cymru?
Byddwn yn darparu mwy o wybodaeth am brisiau tocynnau a chapio ar gyfer yr opsiwn talu wrth fynd yng Ngogledd Cymru yn nes at y dyddiad lansio.
Pa gwmniau tren sy'n cynnig yr opsiwn talu wrth fynd yng Ngogledd Cymru?
Yn y lle cyntaf, dim ond ar wasanaethau TrC y bydd y cynllun talu wrth fynd ar gael yng Ngogledd Cymru.
