Mynyddoedd trawiadol, traethau godidog a thirweddau tawel. Mae Cymru’n gartref i rai o fannau awyr agored harddaf y byd. Gwersylla yw un o’r ffyrdd gorau o’u gweld. Dyma rai o’n hoff wersylloedd yng Nghymru y bydd pob gwersyllwr yn siŵr o’u caru.
Ein wyth gwersyllfa orau yng Nghymru
Dyma rai o’n hoff wersylloedd yng Nghymru. Dewch o hyd i ysbrydoliaeth ar gyfer eich taith nesaf.
Y gwersylloedd gorau yng Ngogledd Cymru
1. Gwersyllfa Llyn Gwynant
Enw: Gwersyllfa Llyn Gwynant
Lleoliad: Nant Gwynant
Yr orsaf agosaf: Betws-y-Coed neu Bangor
Mae Gwersyllfa Llyn Gwynant yn berffaith i bobl sy’n hoff o fyd natur. Wedi’i lleoli yng nghalon Parc Cenedlaethol Eryri, mae’r safle tawel hwn yn croesawu cŵn, ac yn safle hamddenol wedi’i amgylchynu gan dirweddau trawiadol.
2. Gwersyllfa Rhaeadrau Nantcol
Enw: Gwersyllfa Rhaeadrau Nantcol
Lleoliad: Llanbedr
Yr orsaf agosaf: Llanbedr
Wedi’i lleoli yng ngodre mynyddoedd Rhinog, mae Gwersyllfa Rhaeadrau Nantcol yn unigryw ac yn addas i deuluoedd. Mae’r safle ar lan yr afon, wrth ymyl rhaeadr hardd, ac mae wedi ennill gwobrau.
3. Gwersyllfa Mochras
Enw: Gwersyllfa Mochras
Lleoliad: Gwynedd
Yr orsaf agosaf: Llanbedr
Mae Gwersyllfa Mochras yn agos at y safle arall uchod, ond eto’n gwbl wahanol o ran naws lleoliad. Mae’r safle ar arfordir Mochras yn agos at sarn y llanw, gan gynnig profiad gwersylla unigryw i unigolion, cyplau a theuluoedd sy’n gwersylla.
4. Gwersyllfa Graig Wen
Enw: Graig Wen
Lleoliad: Dolgellau
Yr orsaf agosaf: Morfa Mawddach
Yng nghalon Parc Cenedlaethol Eryri ger Abermaw (y Bermo) a Dolgellau, mae Graig Wen yn cynnig amrywiaeth eang o ddewisiadau aros, o fythynnod i wersylla. Mae’r golygfeydd o’r mynyddoedd o amgylch y safle yn syfrdanol ac mae teithiau cerdded o amgylch y safle gwersylla.
Y gwersylloedd gorau yn Ne Cymru
1. Parc Gwyliau Three Cliffs Bay
Enw: Parc Gwyliau Three Cliffs Bay
Lleoliad: Abertawe
Yr orsaf agosaf: Abertawe neu Tregŵyr
Mae golygfeydd gwych o’r arfordir ym Mharc Gwyliau Three Cliffs Bay. Mae’n barc gwyliau pum seren gydag opsiynau gwersylla a glampio. Mae ganddo ei fynediad preifat ei hun i’r traeth hefyd.
2. Big Barn Camping
Enw: Big Barn Camping
Lleoliad: Sir Gaerfyrddin
Yr orsaf agosaf: Hendy-gwyn ar Daf
Fel yr awgryma’r enw, mae Big Barn Camping yn wersyllfa fach ecogyfeillgar yn Sir Gaerfyrddin, sy’n gartref i ysgubor fawr Iseldiraidd. Mae’r safle’n agos at Draeth Pentywyn, gyda golygfeydd godidog ar gyfer syllu ar y sêr.
3. Fforest Fields
Enw: Fforest Fields
Lleoliad: Llandrindod
Yr orsaf agosaf: Heol Llanfair-ym-Muallt neu Llandrindod
Mae Fforest Fields yn wersyllfa ddiarffordd sydd wedi ennill gwobrau. Mae dau lyn tawel yno, ac mae’n agos at dref farchnad Llanfair-ym-Muallt. Mae’n ddelfrydol i’r rheini sy’n awyddus i dreulio amser ynghanol byd natur, ac mae’n berffaith ar gyfer gwylio adar a chrwydro.
4. Gwersyllfa Heritage Coast
Enw: Gwersyllfa Heritage Coast
Lleoliad: Y Bont-faen
Yr orsaf agosaf: Llanilltud Fawr
Mae Gwersyllfa Heritage Coast yn wersyllfa glaswellt ar gyfer oedolion sy’n awyddus i gael seibiant mewn man heddychlon a thrawiadol, ac mae’n croesawu cŵn. Mae’n berffaith i fynd i grwydro i ben clogwyni ac ymlacio ar arfordir hardd de Cymru.
Prynwch eich tocynnau trên heddiw a chychwyn ar eich antur gwersylla nesaf.
