Gogledd Cymru
Rydym yn cyflwyno masnachfreinio bysiau yng ngogledd Cymru, a fydd yn gwneud gwasanaethau yn Wrecsam, Y Rhyl, Llandudno, Bangor a Chaernarfon yn fwy integredig, cyson a dibynadwy. Byddwn yn trefnu gwasanaethau bysiau fel eu bod yn diwallu eich anghenion teithio orau, boed yn waith, addysg, gofal iechyd neu weithgareddau hamdden.
Mae masnachfreinio yn ein galluogi i osod llwybrau bysiau, amserlenni a safonau gwasanaeth cwsmeriaid. Bydd gweithredwyr bysiau yn darparu gwasanaethau ar ein rhan ni. Y prif fanteision y byddwch yn sylwi arnynt fydd:
- tocynnau symlach
- prisiau tocynnau tecach
- amserlenni a gwybodaeth am wasanaethau cliriach
- rhwydwaith sy'n haws ei ddeall a'i ddefnyddio
- gwasanaethau mwy dibynadwy
- llai o fylchau yn narpariaeth y gwasanaethau
- rhagor o deithiau cydgysylltiedig
- cefnogaeth ar gyfer twf a buddsoddiad yn y rhanbarth yn y dyfodol
Bydd masnachfreinio bysiau gogledd Cymru hefyd yn gwella cysylltiadau bysiau â gorsafoedd rheilffordd allweddol fel Caergybi, Cyffordd Llandudno a Wrecsam Cyffredinol, gan ei gwneud hi'n haws newid rhwng bws a thrên ar gyfer teithiau hirach.
Rydym yn gweithio'n agos gydag awdurdodau lleol, gweithredwyr bysiau a chymunedau ledled Ngogledd Cymru fel y gallant ddweud eu dweud ar sut mae'r rhwydwaith yn cael ei lunio. Byddwn yn rhannu rhagor o fanylion wrth i fasnachfreinio fynd rhagddo a byddwn yn rhoi’r wybodaeth ddiweddaraf i chi drwy gydol y newidiadau.
