Digwyddiadau'r gadwyn gyflenwi

O bryd i’w gilydd, rydym yn cynnal digwyddiadau ymgysylltu â’r farchnad sy’n ymwneud â chyfleoedd yr ydym yn tendro amdanynt. Am ragor o fanylion am y digwyddiadau hyn, edrychwch ar GwerthwchiGymru am ein rhestr gyfredol o gyfleoedd. Y digwyddiadau allanol isod yw lle byddwn yn cefnogi yn y misoedd nesaf.

Rydym am adeiladu cadwyn gyflenwi gref, amrywiol a chystadleuol drwy ymgysylltu'n gynnar ac yn agored â chyflenwyr posibl.

Rydym yn cynnal digwyddiadau cadwyn gyflenwi i gysylltu â phartneriaid yn y diwydiant, deall y farchnad a sicrhau bod ein prosesau caffael yn dryloyw, yn gystadleuol, yn deg ac yn cynnig gwerth am arian.

Bydd y digwyddiadau hyn yn helpu eich busnes i ddeall ein cyfleoedd caffael a'n gofynion allweddol. Maent yn gyfle i chi ymgysylltu'n uniongyrchol â ni, gofyn cwestiynau a chynyddu gwelededd eich busnes.

I ni, mae digwyddiadau cadwyn gyflenwi yn rhoi cipolwg gwerthfawr ar dueddiadau, galluoedd cyflenwyr a risgiau posibl - gan ein helpu i wneud penderfyniadau caffael gwybodus a chyfrifol sy'n darparu gwell gwerth i ni, ein cyflenwyr a'n cwsmeriaid.

Ar gyfer digwyddiadau ymgysylltu rhagarweiniol â'r farchnad, rydym yn cyhoeddi hysbysiadau (DU2) ar GwerthwchiGymru a Gwasanaeth Canfod Tendr Llywodraeth y DU.

Ar gyfer unrhyw ddigwyddiadau eraill yn y gadwyn gyflenwi, byddwn yn cyhoeddi hysbysiadau ar Ddigwyddiadur Busnes Cymru.