Bwrdd TrC

Mae Bwrdd TrC yn goruchwylio holl weithgareddau Trafnidiaeth Cymru, ac yn gofyn am sicrwydd bod swyddogaethau statudol TrC yn cael eu cyflawni’n effeithiol ac yn effeithlon.

Mae’r Bwrdd yn sicrhau bod trefniadau effeithiol ar waith i roi sicrwydd ynghylch llywodraethu; yn mynd i’r afael ag unrhyw faterion strategol a sylweddol sy’n effeithio ar weithrediadau Trafnidiaeth Cymru wrth gyflawni ei nodau a’i amcanion; ac yn goruchwylio gweithrediad Strategaeth y Bwrdd.

Mae’n llywio, yn herio ac yn craffu ar effeithiolrwydd ac effeithlonrwydd perfformiad TrC, gyda’r bwriad o sicrhau ei ddyfodol a'r weledigaeth o greu rhwydwaith trafnidiaeth y mae Cymru’n falch ohono. Mae Bwrdd TrC yn cyfarfod yn fisol.