Dyffryn Dulas

Dyffryn Dulas

Mae fflecsi’n cysylltu tref hanesyddol Machynlleth gyda phentrefi tua gogledd yr A487 gan gynnwys Aberllefenni, Corris Uchaf, Corris, Minffordd a Phantperthog. Mae’r gwasanaeth hwn yn berffaith i’r rheini sy’n cysylltu â chanol tref Machynlleth ar gyfer gwaith, siopa, addysg ac apwyntiadau.

Pethau i’w gwneud

• Wedi’i leoli ym mhrydferthwch Dyffryn Dyfi ac yn agos iawn at ei foryd, mae Machynlleth yn lle hyfryd i dreulio’r prynhawn. Mae marchnad wych yng nghanol y dref sydd ar agor ddydd Mercher a gellir ymweld â chloc enwog y dref, hefyd.
• Dyma oedd leoliad Senedd 1404 Owain Glyndŵr. Beth am ymweld ag amgueddfa Owain Glyndŵr a dysgu mwy am yr arweinydd Cymreig chwedlonol?
• Beth am dipyn o hwyl a sbri? Mae Gŵyl Gomedi Machynlleth wedi denu llawer o sylw dros y blynyddoedd diwethaf. Mae’n denu niferoedd uchel o bobl i ganol y dref bob blwyddyn sy’n teithio o Gymru gyfan, y DU a thu hwnt.
• Ewch i Warchodfa Natur Ynys-hir sydd ychydig filltiroedd y tu allan i ganol dref Machynlleth ac sy’n cael ei defnyddio’n aml er mwyn ffilmio Springwatch ar y BBC. Gellir crwydro ar hyd llwybrau prydferth â glaswelltiroedd iseldir, gwely cyrs, a chynefinoedd morfeydd heli.

Amwynderau lleol yn y parth hwn

• Gorsaf drên Machynlleth
• Ysbyty Bro Ddyfi
• Ysgol Dyffryn Dulas Corris

Cysylltiadau pellach

• Cysylltwch â gwasanaeth TrawsCymru T2 er mwyn teithio tuag at Fangor ac Aberystwyth.

Tocynnau

Mae modd talu ymlaen llaw drwy ap fflecsi neu dalu ar y bws gyda cherdyn / dyfais digyswllt neu arian parod.

• Tocyn unffordd i oedolion - yn dechrau o £1.50.
• Plant (5 - 15) a phobl ifanc (16 - 21 gyda cherdyn fyngherdynteithio) - 
  • Taith Sengl (unffordd) - £1.00.
  • Tocyn Cymru (tocyn dydd) - £3.00 (teithio diderfyn ar wasanaethau bws sy'n rhan o'r cynllun).
• Mae tocynnau 1bws hefyd yn ddilys ar y gwasanaeth hwn a gellir eu prynu o £7.50 (oedolyn) / £5.00 (consesiwn).
• Mae deiliaid Tocyn Teithio Rhatach yn teithio am ddim gyda fflecsi.

Tap Ymlaen Tap Ymadael

Mae tap ymlaen a thap ymadael (TYTY) yn ddull syml y gall cwsmeriaid ei ddefnyddio i brynu tocyn Oedolyn.

• Yn syml, tapiwch eich cerdyn debyd neu ddyfais ddigyswllt ar y darllenydd tocynnau wrth fynd ar y bws.
• Yna tapiwch yr un cerdyn neu ddyfais ar y darllenydd Tap Ymadael wrth i chi ddod oddi ar y bws.
• Cyfrifir y pris sengl rhwng y ddau leoliad.
• Os byddwch yn gwneud sawl taith mewn diwrnod a bod cyfanswm gwerth eich tocynncau yn cyrraedd y cap, sef pris tocyn dydd 1bws, codir uchafswm o £7.50 arnoch. Os byddwch yn gwneud sawl taith dros gyfnod o 7 diwrnod yn olynol, bydd y system yn cyfrifo beth sy’n rhoi y gwerth am arian orau i chi, sef talu am sawl tocyn dydd 1bws neu am docyn 1bws Wythnos.

Archebu ymlaen llaw

28 diwrnod.

Cŵn ar y bws

Derbynnir cŵn.

Map