Sir Benfro

De Sir Benfro

Mae’n rhedeg yn nhrefi glan môr adnabyddus Dinbych-y-pysgod a Saundersfoot a’r cyffiniau, yn ogystal â thref hanesyddol Penfro a Doc Penfro. Mae’r rhan hon o Sir Benfro yn hynod boblogaidd ymysg ymwelwyr - mae’n werth ymweld â harbwr a thraeth hyfryd Dinbych-y-pysgod os byddwch chi yn yr ardal. Mae cysylltiadau ardderchog hefyd â Llwybr Arfordir Sir Benfro, a dydy Ynys Bŷr ddim yn bell mewn cwch.

Pethau i’w gwneud

• Treuliwch y diwrnod fel teulu yn rhai o atyniadau mwyaf poblogaidd Cymru, fel Heatherton, Parc Bywyd Gwyllt Manor a’r Parc Deinosoriad yn Ninbych-y-pysgod.
• Ewch ar daith mewn cwch i Ynys Bŷr - mae pobl wedi bod yn byw yno ers Oes y Cerrig, ac mae wedi bod yn gartref i wahanol urddau mynachod ers yr oes Geltaidd. Erbyn hyn mae’n eiddo i fynachod yr Urdd Sistersaidd, ac mae eu mynachlog hardd yn edrych dros Faes y Pentref a bythynnod hyfryd yr ynyswyr.
• Crwydrwch strydoedd braf Dinbych-y-pysgod, a threulio’r prynhawn yn archwilio’r harbwr a’r traeth hyfryd.
• Mwynhewch sglodion ar lan y môr yn Saundersfoot ac ymweld ag un o’i nifer o dafarndai ardderchog.
• Cerddwch ar hyd Llwybr Arfordir Sir Benfro, neu ewch i weld y traethau gwych yn Lydstep, Maenorbŷr a Freshwater East.
• Ewch i ymweld â chestyll ysblennydd Penfro, Maenorbŷr a Chaeriw. 

Cysylltiadau teithio pellach

• Cysylltiadau trên i Abertawe o orsafoedd Doc Penfro, Penfro, Llandyfái, Maenorbŷr, Penalun, Dinbych-y-pysgod, Saundersfoot a Chilgeti.
• Cysylltiadau yn Ninbych-y-pysgod a Chilgeti gyda bysiau i Arberth a Hwlffordd, ac ar hyd yr arfordir i Bentywyn.
• Cysylltiadau yn Noc Penfro gyda bysiau i Aberdaugleddau a Hwlffordd.

Prisiau

Dyma’r prisiau ar gyfer teithiau (dan bum milltir / dros bum milltir):

• Tocyn unffordd i oedolyn - £2.50 / £3.50
• Tocyn unffordd i blentyn - £1.00 / £2.00
• Tocyn dwyffordd i oedolyn - £4.00 / £6.00
• Tocyn dwyffordd i blentyn - £1.50 / £3.00
• Tocyn 12 taith i oedolyn - £18 / £25.20
• Tocyn 12 taith i blentyn - £7.20 / £14.40

Mae tocynnau wythnosol hefyd ar gael i’w prynu am y prisiau canlynol:

• fflecsi wythnosol i Oedolyn = £25
• fflecsi wythnosol i Blentyn = £15
• fflecsi misol i Oedolyn = £80
• fflecsi misol i Blentyn = £50

Mae tocynnau Rover Gorllewin Cymru ar gael am y prisiau canlynol:

• Tocyn diwrnod i oedolyn = £8.50
• Tocyn diwrnod i blentyn = £4.50
• Tocyn wythnosol i oedolyn = £34
• Tocyn wythnosol i blentyn = £16

Mae’r rheini sydd â cherdyn bws rhatach yn teithio am ddim gyda fflecsi.

Map