Treffynnon

Gwasanaethau

Holywell

Mae hwn yn rhedeg yn nhref farchnad hanesyddol Treffynnon a'r cyffiniau, ac yn y pentrefi cyfagos. Enw’r dref yn llythrennol yw tref ffynnon, a chaiff ei henw o Ffynnon Wenfrewi, sef adeilad rhestredig Gradd 1 yr honnir iddo fod y safle pererindod hynaf ym Mhrydain Fawr. Mae’n lleoliad cerdded poblogaidd, ac mae Taith Pererin Gogledd Cymru yn dechrau yn Abaty Dinas Basing, ger y dref.

Pethau i’w gwneud

Ymwelwch â Ffynnon Wenfrewi - yn ôl y sôn, dyma’r safle pererindod hynaf ym Mhrydain Fawr. Dywedir bod y dŵr yn gwella ac yn gwneud gwyrthiau.
Ymwelwch ag adfeilion hanesyddol Abaty Dinas Basing, a sefydlwyd yn y 12fed ganrif.
Sylwch ar y golygfeydd gwych wrth i chi ddilyn ôl troed y pererinion ar hyd Taith Pererin Gogledd Cymru.

Cysylltiadau pellach

Cysylltu â gwasanaethau bysiau lleol tuag at Gaer.

Tocynnau

Mae modd talu ymlaen llaw drwy ap fflecsi neu dalu ar y bws gyda cherdyn / dyfais digyswllt neu arian parod.

Tocyn unffordd i oedolion - yn dechrau o £1.50.
Plant (5 - 15) a phobl ifanc (16 - 21 gyda cherdyn fyngherdynteithio) -
- Taith Sengl (unffordd) - £1.00.
- Tocyn Cymru (tocyn dydd) - £3.00 (teithio diderfyn ar wasanaethau bws sy'n rhan o'r cynllun).
Mae tocynnau 1bws hefyd yn ddilys ar y gwasanaeth hwn a gellir eu prynu o £7.50 (oedolyn) / £5.00 (consesiwn).
Mae deiliaid Tocyn Teithio Rhatach yn teithio am ddim gyda fflecsi.

Tap Ymlaen Tap Ymadael

Mae tap ymlaen a thap ymadael (TYTY) yn ddull syml y gall cwsmeriaid ei ddefnyddio i brynu tocyn Oedolyn.

Yn syml, tapiwch eich cerdyn debyd neu ddyfais ddigyswllt ar y darllenydd tocynnau wrth fynd ar y bws.
Yna tapiwch yr un cerdyn neu ddyfais ar y darllenydd Tap Ymadael wrth i chi ddod oddi ar y bws.
Cyfrifir y pris sengl rhwng y ddau leoliad.
Os byddwch yn gwneud sawl taith mewn diwrnod a bod cyfanswm gwerth eich tocynncau yn cyrraedd y cap, sef pris tocyn dydd 1bws, codir uchafswm o £7.50 arnoch. Os byddwch yn gwneud sawl taith dros gyfnod o 7 diwrnod yn olynol, bydd y system yn cyfrifo beth sy’n rhoi y gwerth am arian orau i chi, sef talu am sawl tocyn dydd 1bws neu am docyn 1bws Wythnos.