Rhuthun

Rhuthun

Mae’r parth fflecsi hwn yn cynnwys tref farchnad brydferth Rhuthun, yng nghesail Dyffryn Clwyd, sy’n gwasanaethu’r rhan fwyaf o ardaloedd trefol a phreswyl y dref. Mae nifer o bentrefi a phentrefannau eraill yn yr ardal yn cael eu gwasanaethu gan gynnwys Bontuchel, Clawddnewydd, Clocaenog, Cyffylliog, Derwen, Graigfechan, Llanelidan, Pentrecelyn a Rhydymeudwy.

Pethau i’w gwneud

• Archwiliwch ddyfnderoedd gorffennol tywyll Rhuthun a mynd ar daith o amgylch Carchar Rhuthun. Dyma’r unig garchar pwrpasol o fath Pentonville sy’n agored i’r cyhoedd - manteisiwch ar y cyfle i archwilio pob twll a chornel a dysgu am fywyd yn y system carchardai Fictoraidd.
• Ymwelwch â Thŷ Nantclwyd y Dre o’r 15fed ganrif gyda’i ardd furiog sy’n dyddio o’r Oesoedd Canol.
• Crwydrwch o amgylch Sgwâr Sant Pedr a mwynhau'r holl bensaernïaeth wych, y siopau unigryw a’r mannau ardderchog i fwyta yn Rhuthun.

Cysylltiadau pellach 

• Cysylltu â gwasanaeth T8 TrawsCymru, sy’n rhedeg rhwng Caer a Chorwen.
• Llwybrau bysiau lleol, gan gynnwys yr X51 ar gyfer cysylltiadau i Ddinbych a Wrecsam.

Prisiau

Dyma’r prisiau ar gyfer teithio yng nghanol tref Rhuthun:

• Tocyn unffordd drwy’r dydd i oedolion - £1.10
• Tocyn unffordd i blentyn - £0.55
• Ci - £0.50

Dyma’r prisiau ar gyfer teithio yng nghanol tref Rhuthun a’r cyffiniau:

• Tocyn unffordd drwy’r dydd i oedolion - £1.65
• Tocyn unffordd i blentyn - £1.10
• Ci - £0.50

Mae tocynnau 1bws hefyd yn ddilys ar y gwasanaeth hwn a gellir eu prynu am £6.50.

Mae’r rheini sydd â cherdyn bws rhatach yn teithio am ddim gyda fflecsi.

Archebu ymlaen llaw

28 diwrnod.

Cŵn ar y bws

Rydym yn caniatáu i deithwyr ddod â chi cydymaith gyda nhw, mae tâl o 50c.

Map