Teithiwch yn ddi-dor o dref arfordirol swynol Llandudno i ddinas fywiog Manceinion. Mae trenau o Landudno i Fanceinion yn cynnig ffordd gyfforddus ac esmwyth o deithio rhwng y ddwy gyrchfan gyferbyniol hyn. P'un a ydych chi'n mynd am wyliau byr yn y ddinas, taith fusnes neu, yn syml, i grwydro o gwmpas y ddinas, mae'r trên yn ddewis ardderchog.

 

Manylion allweddol: Trenau o Landudno i Fanceinion

Hyd y daith: 2 awr 12 munud ar y trên cyflymaf.
Trenau uniongyrchol: Oes
Trên cyntaf: 05:54
Amlder: Tua 30 o drenau bob dydd
Prif arosfannau: Cyffordd Llandudno, Y Rhyl, Caer.
Gorsaf gyrchfan: Manceinion Piccadilly
Cyfleusterau: Seddi eang, mannau gwefru a Wi-Fi am ddim ar y trên
Arbedion ar docynnau: Prynwch docynnau Advance, defnyddiwch gerdyn rheilffordd neu teithiwch y tu allan i oriau brig er mwyn cael y gwerth gorau am eich arian.

 

  • Wi-Fi am ddim
    Wi-Fi am ddim
  • Pwyntiau gwefru
    Pwyntiau gwefru
  • Uniongyrchol
    Uniongyrchol
Gwybodaeth fyw am drenau sy’n gadael ac yn cyrraedd

 

Teithio o Landudno i Fanceinion

Os ydych chi'n gwneud y daith 80 milltir o Landudno i Fanceinion, nid yn unig mae'r trên yn opsiwn cyfleus a fforddiadwy, mae hefyd yn ecogyfeillgar. Osgowch eistedd mewn traffig, eisteddwch yn ôl ac ymlaciwch os ydych chi'n mynd ar daith hamdden. Neu, os ydych chi'n teithio i'r gwaith, ewch ati i wneud rhywfaint o waith gan ddefnyddio ein Wi-Fi am ddim ar y trên.

Mae digon o drenau i ddewis ohonynt, tua 30 y dydd. Mae trenau'n rhedeg o gyn gynted â 05:00 y bore i'r hwyr, gyda threnau uniongyrchol ar gael.

Prynwch eich tocynnau'n uniongyrchol gyda ni heddiw i osgoi ffioedd archebu.

 

Pa mor hir yw'r daith ar y trên o Landudno i Fanceinion?

Tua 2 awr a 30 munud, gan roi amser i chi weithio, pori cyfryngau cymdeithasol, darllen neu, yn syml, eistedd yn ôl ac ymlacio. Y daith fyrraf yw 2 awr a 12 munud.

Pa mor aml mae trenau o Landudno i Fanceinion? 

Mae tua 30 o drenau’r dydd o Landudno i Fanceinion, yn rhedeg yn aml drwy gydol y dydd, hyd at y nos.

Pam teithio ar y trên o Landudno i Fanceinion?

Mae teithio ar y trên o Landudno i Fanceinion yn cynnig opsiwn hamddenol ac ecogyfeillgar yn lle gyrru. Gallwch fwynhau'r daith olygfaol heb straen llywio traffig a defnyddio cyfleusterau’r trên fel Wi-Fi a mannau gwefru.

Mae Manceinion yn ddinas ddeinamig sy'n adnabyddus am ei threftadaeth ddiwydiannol gyfoethog, ei sîn gerddoriaeth fywiog a'i hatyniadau o'r radd flaenaf, gan gynnig rhywbeth i bawb:

  • Mannau diwylliannol poblogaidd - Darganfyddwch dreftadaeth ddiwydiannol Manceinion yn yr Amgueddfa Gwyddoniaeth a Diwydiant neu edmygwch celfweithiau clasurol a chyfoes yn Oriel Gelf Manceinion a'r Whitworth. Gall y rheini sy’n dwlu ar y theatr weld sioe yn theatr y Royal Exchange.
  • Siopa a bwyta - Poriwch drwy’r siopau bwtîc annibynnol a’r siopau hen bethau yn y Northern Quarter neu archwiliwch Ganolfan Arndale am ffefrynnau’r stryd fawr. Mwynhewch bopeth o goffi crefftus i fwyd rhyngwladol, gan gynnwys blasau De Asia ar hyd y Curry Mile enwog.
  • Treftadaeth chwaraeon - Gall cefnogwyr pêl-droed ymweld â Old Trafford neu Stadiwm Etihad i brofi etifeddiaeth chwaraeon y ddinas. Gall y rheini sy’n frwdfrydig dros griced ymweld â Chlwb Criced Sir Gaerhirfryn i gael blas ar ddiwylliant chwaraeon ehangach Manceinion.
  • Cerddoriaeth a bywyd nos - Mae sîn gerddoriaeth adnabyddus Manceinion yn parhau i ffynnu, gyda lleoliadau cerddoriaeth fyw ledled y ddinas sy’n darparu rhywbeth at ddant pawb. Wrth iddi nosi, mwynhewch bopeth o dafarndai traddodiadol clyd i fariau a chlybiau bywiog.

Gweler ein canllaw i ymweld â Manceinion am ragor o syniadau.

 

Awgrymiadau gwych ar gyfer prynu tocynnau trên o Landudno i Fanceinion

O brynu cardiau rheilffordd i brynu tocynnau gyda ni'n uniongyrchol, darganfyddwch sut allwch chi leihau pris eich tocyn trên heddiw.

  • Prynwch docynnau hyd at 12 wythnos cyn i chi deithio
  • Defnyddiwch Gerdyn Rheilffordd
  • Dewiswch docyn y tu allan i oriau brig
  • Prynwch docynnau’n uniongyrchol gyda ni i osgoi ffioedd archebu

Beth am ddefnyddio ein ap? Mae'n caniatáu ichi weld ein holl fargeinion teithio fforddiadwy mewn un lle hawdd ei gyrchu.

*Tocynnau Advance sy’n cynnig ein prisiau gorau a gellir defnyddio disgowntiau cardiau rheilffordd wrth eu prynu. Ni allwn warantu argaeledd tocynnau Advance oherwydd dim ond nifer cyfyngedig ohonynt sydd ar gael a dim ond hyd at 18:00 y diwrnod cyn i chi deithio y maent ar werth. Byddem yn argymell eich bod yn prynu tocynnau’n gynnar i osgoi cael eich siomi.

 

Cwestiynau cyffredin

Oes trenau uniongyrchol o Landudno i Fanceinion?

Oes, mae trenau uniongyrchol yn ogystal â gwasanaethau sy'n gofyn am newidiadau. Gallwch ddefnyddio ein cynllunydd teithiau i ddod o hyd i'r gwasanaethau sy'n gweddu orau i'ch anghenion teithio.

Pryd mae'r trên olaf o Landudno i Fanceinion?

Mae trenau'n rhedeg tan tua 22:00 ond bydd yn dibynnu ar y diwrnod.

Pryd mae'r trên cyntaf o Landudno i Fanceinion?

Mae trenau'n cychwyn rhwng 05:00 a 06:00 ar gyfer eich taith allan o Landudno i Fanceinion.

Oes angen i mi brynu tocyn dwyffordd?

Os nad ydych chi'n siŵr o'r union amser y byddwch chi'n dychwelyd neu os ydych chi eisiau rhywfaint o hyblygrwydd, prynwch docyn dwyffordd Agored. Byddwch chi'n gallu dychwelyd unrhyw bryd o fewn 30 diwrnod, yn amodol ar amodau.