Yn Trafnidiaeth Cymru, rydym am i bobl ddewis teithio gyda ni yn hytrach na defnyddio unrhyw ffordd arall o deithio.

Rhaid i ni adeiladu rhwydwaith teithio cynaliadwy ar ran y cymunedau a wasanaethwn.  Yn hyn o beth, mae'n rhaid i ni fod yn agored ac yn dryloyw yn y ffordd rydyn ni'n gweithio. Mae cyhoeddi'r dangosyddion perfformiad allweddol hyn yn gam pwysig tuag at hyn. Bydd yn ein helpu i fagu hyder ein cwsmeriaid, cymunedau a rhanddeiliaid ynom ni.

Mae ein dangosyddion perfformiad allweddol wedi'u rhannu'n bum maes allweddol (diogelwch, cwsmeriaid, pobl, cyllid a chynaliadwyedd) sy'n adlewyrchu cylch gwaith Trafnidiaeth Cymru.

Mae dangos cynnydd ym mhob un o'r meysydd hyn yn flaenoriaeth i ni. Mae pob un yn mesur pa mor agos ydyn ni at gyflawni'r cylch gwaith y mae Llywodraeth Cymru wedi'i bennu ar ein cyfer. Gallwch ddarllen y blaenoriaethau hyn yn ein cynllun busnes a'n   strategaeth gorfforaethol.

ydd ein dangosyddion perfformiad allweddol yn datblygu wrth i ni gyflawni ein cylch gwaith.

A diagram showing the 7 Well-being of Future Generations Act Well-being Goals: 1. A prospoerous Wales. 2. A resilient Wales. 3. A healthier Wales. 4. A more equal Wales. 5. A Wales of cohesive communities. 6. A Wales of vibrant culture and thriving Welsh language and 7. A globally responsible Wales

Wrth baratoi ar gyfer cael ein cynnwys yn Neddf Llesiant Cenedlaethau'r Dyfodol ym mis Mehefin 2024, rydym wedi alinio ein dangosyddion perfformiad allweddol â'r saith nod llesiant.

Mae hyn yn ymwneud â sicrhau bod gan genedlaethau'r dyfodol yr un ansawdd bywyd ag sydd gennym ni nawr. Mae'r Ddeddf yn darparu ar gyfer gwneud penderfyniadau gwell drwy sicrhau bod cyrff cyhoeddus yn:

  • ystyried yr hirdymor
  • helpu i atal problemau rhag digwydd neu waethygu
  • cymryd agwedd integredig
  • cymryd agwedd gydweithredol ac ystyried a chynnwys pobl o bob oed ac amrywiaeth.