Mae teithio o Gaer i Birmingham ar y trên yn gyflym, yn gyfleus ac yn fforddiadwy. P'un a ydych chi'n teithio i'r gwaith, yn mwynhau taith siopa neu'n cwrdd â theulu a ffrindiau, mae ein trenau'n darparu ffordd gyflym a chyfforddus o gyrraedd canol Birmingham.

Gyda seddi eang, Wi-Fi am ddim ar y trên a gwasanaethau rheolaidd drwy gydol y dydd, gallwch ymlacio a mwynhau'r daith heb y straen o yrru.

Prynwch eich tocyn ar-lein neu ar ein ap i ddod o hyd i'r prisiau isaf sydd ar gael, heb unrhyw ffioedd archebu.

 

Manylion allweddol: Trenau o Gaer i Birmingham

  • Hyd y daith: Mae'r trên cyflymaf tua 1 awr 17 munud (1 awr 30 munud ar gyfartaledd)
  • A oes trenau uniongyrchol? Oes
  • Trên cyntaf: O 04:20
  • Trên olaf: O 21:36
  • Amlder: Tua thri thrên yr awr (tua 54 y dydd)
  • Prif arosfannau: Crewe, Stafford, Wolverhampton
  • Gorsaf darddiad: Caer
  • Gorsaf gyrchfan: Birmingham New Street
  • Cyfleusterau: Seddi eang, Wi-Fi am ddim ar y trên
  • Arbedion ar docynnau: Prynwch docynnau Advance, defnyddiwch gerdyn rheilffordd neu teithiwch y tu allan i oriau brig er mwyn cael y gwerth gorau am eich arian.

 

  • Wi-Fi am ddim
    Wi-Fi am ddim
  • Pwyntiau gwefru
    Pwyntiau gwefru
  • Uniongyrchol
    Uniongyrchol
Gwybodaeth fyw am drenau sy’n gadael ac yn cyrraedd

 

Pam teithio ar y trên o Gaer i Birmingham?

Mae teithio ar y trên yn cynnig ffordd gyfforddus, gynaliadwy a di-straen i chi gyrraedd y ddinas. Mae rhai uchafbwyntiau Birmingham yn cynnwys:

  • Bullring a Grand Central - un o gyrchfannau siopa gorau'r DU, wrth ymyl Birmingham New Street
  • Amgueddfa ac Oriel Gelf Birmingham - cartref i gasgliad helaeth o gelf, hanes ac arteffactau
  • Brindleyplace a’r camlesi - mwynhewch deithiau cerdded ar lan y dŵr, caffis a bwytai yng nghanol y ddinas
  • Cadbury World - diwrnod allan hwyliog i deuluoedd a phobl sy'n dwlu ar siocled, dim ond taith fer o ganol y ddinas
  • Thinktank Birmingham Science Museum - yn llawn arddangosfeydd rhyngweithiol, planedariwm a gweithgareddau sy'n addas i’r teulu cyfan

Bwriwch olwg ar ein canllaw i ymweld â Birmingham am ragor o ysbrydoliaeth ar gyfer teithiau.

 

Amseroedd trenau o Gaer i Birmingham

Mae trenau o Gaer i Birmingham yn rhedeg yn rheolaidd drwy gydol y dydd, gyda gwasanaethau bore cynnar a gyda'r nos yn cynnig hyblygrwydd. Defnyddiwch ein cynllunydd teithiau neu ap i wirio amseroedd gadael byw a phrynwch eich tocynnau'n gynnar am y prisiau gorau.

 

Awgrymiadau gwych ar gyfer prynu tocynnau trên o Gaer i Birmingham

Arbedwch arian ar eich taith gyda'r opsiynau canlynol:

  • Tocynnau Advance*: Prynwch docynnau’n gynnar i fachu’r prisiau gorau.
  • Cardiau rheilffordd: Arbedwch hyd at draean ar eich taith nesaf
  • Tocynnau Unrhyw Bryd: Teithio hyblyg, unrhyw adeg o'r dydd
  • Tocynnau tymor - I deithwyr rheolaidd, gallai tocyn wythnosol neu fisol arbed arian

Beth am ddefnyddio ein ap? Mae'n caniatáu ichi weld ein holl fargeinion teithio fforddiadwy mewn un lle hawdd ei gyrchu.

*Tocynnau Advance sy’n cynnig ein prisiau gorau a gellir defnyddio disgowntiau cardiau rheilffordd wrth eu prynu. Ni allwn warantu argaeledd tocynnau Advance oherwydd dim ond nifer cyfyngedig ohonynt sydd ar gael a dim ond hyd at 18:00 y diwrnod cyn i chi deithio y maent ar werth. Byddem yn argymell eich bod yn prynu tocynnau’n gynnar i osgoi cael eich siomi.

 

Cwestiynau cyffredin

Pa mor hir yw'r daith ar y trên o Gaer i Birmingham?

Mae'r trenau cyflymaf o Gaer i Birmingham yn cymryd dim ond 1 awr a 17 munud, gydag amseroedd teithio cyfartalog o tua 1 awr a 30 munud. Mae gwasanaethau rheolaidd yn rhedeg drwy gydol y dydd, gan roi digon o ddewis i chi wrth gynllunio'ch taith.

Oes trenau uniongyrchol o Gaer i Birmingham?

Oes, mae gwasanaethau uniongyrchol o Gaer i Birmingham New Street bob dydd. Mae'r rhain fel arfer yn galw yn Crewe, Stafford a Wolverhampton.

Pa mor aml mae trenau o Gaer i Birmingham?

Mae trenau’n rhedeg hyd at dair gwaith yr awr rhwng Caer a Birmingham, gan gynnig cyfanswm o tua 54 o wasanaethau’r dydd. Felly mae’n hawdd cynllunio’ch taith o amgylch eich amserlen.

Pryd mae'r trên cyntaf o Gaer i Birmingham?

Fel arfer, mae trên cyntaf y dydd yn gadael Caer am 04:20 y bore.

Pryd mae'r trên olaf o Gaer i Birmingham?

Mae'r trên olaf fel arfer yn gadael Caer am 21:36 gyda'r nos.