Llanarmon

Gwasanaethau

Crynodeb

Gan gysylltu â Rhuthun a'r Wyddgrug, mae Llanarmon yn barth fflecsi sy'n eich galluogi i archwilio mwy o gefn gwlad Cymru.

Teithiwch unrhyw le o fewn parth Llanarmon a chysylltwch yn hawdd â bysiau eraill i deithio i gyrchfannau ymhellach i ffwrdd. Mae gan ardaloedd cyfagos Rhuthun* a'r Wyddgrug* lawer iawn i'w gynnig, gan gynnwys teithiau cerdded hardd, siopau a bwytai annibynnol, yn ogystal ag adeiladau rhestredig Gradd II.

Yn dechrau 23 Chwefror. Archebwch eich taith nawr.

Pethau i’w gwneud

Mwynhewch ddiwrnod allan yn nhrefi hanesyddol Rhuthun neu'r Wyddgrug*
Darganfyddwch hanes canoloesol a chwedlau’r Brenin Arthur yng Ngharreg Carn March Arthur.
Siopwch am nwyddau bob dydd a phorwch am damaid i'w fwyta yn Siop Gymunedol Llanarmon, sy'n cynnig danteithion melys wedi'u pobi, pasteiod, coffi a mwy. Mae hwn yn lle gwych i stopio os ydych chi'n cerdded ar hyd Clawdd Offa.
Mae'r gwasanaeth hwn hefyd yn cysylltu Parc Carafanau Eryrys ac Arbennig Lodges â'r gymuned leol

*Nid oes modd teithio rhwng trefi Rhuthun a'r Wyddgrug gan mai pwyntiau cysylltu â Llanarmon yn unig yw'r arosfannau hyn. Er mwyn teithio rhwng y ddwy ardal hyn, bwriwch olwg ar wasanaeth T8 TrawsCymru.

Cysylltiadau ymlaen

Cysylltwch â pharth fflecsi Rhuthun ac archwiliwch fwy o'r ardal leol.

Cysylltwch yn hawdd â gwasanaethau TrawsCymru yn Rhuthun (T8 a T51) a'r Wyddgrug (T8), gyda chyfleoedd i deithio ymlaen i drefi mawr a chyrchfannau rhanbarthol:

Caer ar y T8 - crwydrwch o amgylch Muriau’r Ddinas, galwch heibio i Gadeirlan eiconig Caer a mwynhewch ginio ym Marchnad Caer.
Llanelwy ar y T51 - ewch i weld eglwys gadeiriol leiaf Prydain, crwydrwch ganolfan siopa Tweedmill ac archwiliwch yr ardaloedd cyfagos a darganfyddwch deithiau cerdded drwy natur.
Dinbych ar y T51 - dewch o hyd i hanes canoloesol yng Nghastell Dinbych, crwydrwch o gwmpas y siopau annibynnol a mwynhewch ginio mewn tafarn leol.

Prisiau tocynnau

Gallwch dalu am eich taith ymlaen llaw ar ap fflecsi neu ar y bws gyda thaliad digyswllt neu arian parod.

Tocyn unffordd oedolyn - yn dechrau o £1.50.
Plant (5 - 15) a phobl ifanc (16 - 21 gyda fyngherdynteithio) -
- Taith Sengl (Unffordd) - £1.00.
- Tocyn Cymru (Tocyn Diwrnod) - £3.00 (teithio diderfyn ar wasanaethau bysiau sy'n cymryd rhan yn y cynllun).
Mae tocynnau 1bws hefyd yn ddilys ar y gwasanaeth hwn a gellir eu prynu o £7.50 (oedolyn) / £5.00 (consesiwn).
Mae deiliaid cardiau teithio rhatach yn teithio am ddim gyda fflecsi.

Tap Ymlaen Tap Ymadael

Mae tap ymlaen tap ymadael (TYTY) yn ddull syml y gall cwsmeriaid ei ddefnyddio i brynu tocyn Oedolyn.

Tapiwch eich cerdyn debyd neu ddyfais ddigyswllt ar ddarllenydd y peiriant tocynnau wrth fynd ar y bws.
Yna tapiwch yr un cerdyn neu ddyfais ar y Darllenydd Tap Ymadael wrth i chi ddod oddi ar y bws.
Cyfrifir y pris tocyn unffordd rhwng y ddau bwynt.
Os byddwch chi'n gwneud sawl taith ac mae'r pris yn cyrraedd y cap prisiau, sef pris tocyn Diwrnod 1bws ar hyn o bryd, codir uchafswm o £7.50 arnoch chi ni waeth faint yw cyfanswm pris eich tocynnau. Os ydych chi'n gwneud sawl taith dros 7 diwrnod yn olynol, bydd y system yn cyfrifo a yw'n well i chi dalu am docynnau Diwrnod 1bws lluosog neu docyn Wythnos 1bws.