Mae ein hamserlenni trenau yn Ne Cymru wedi newid, sy'n golygu teithiau amlach i lawer o deithwyr wrth i ni ddechrau ar gam nesaf ein prosiect Metro.
Wrth i ni ddechrau ar garreg filltir bwysig ym mhrosiect Metro De Cymru, gan gyflwyno trenau trydan newydd sbon i'n rhwydwaith, mae newidiadau parhaol i’n hamserlenni trenau bellach.
O ddydd Sul 02 Mehefin 2024 ymlaen, diweddarwyd amserlenni ar linellau Merthyr Tudful, Aberdâr, Treherbert, Rhymni, Y Dinas, Coryton, Bae Caerdydd, Y Barri a Phen-y-Bont ar Ogwr. Os ydych chi’n bwriadu teithio ar y llwybrau hyn, cofiwch wirio cyn teithio.
Mae newid ein hamserlenni yn allweddol er mwyn ein galluogi nid yn unig i gyflwyno ein trenau newydd o Hydref 2024 ond hefyd i gyflwyno gwasanaethau amlach a hwyrach ar sawl lein o fis Mehefin; dechrau gwasanaeth Metro 'troi i fyny a mynd' go iawn.
Bydd hwn yn newid mawr i lawer o deithwyr yn Ne Cymru, felly, rydyn ni’n eich annog i wirio cyn teithio am unrhyw newidiadau i’r llwybr. Efallai y bydd angen i chi nawr newid trenau i gyrraedd eich cyrchfan. Ond, yn y rhan fwyaf o achosion, dim ond ychydig funudau y bydd yn rhaid i chi aros am y trên nesaf.
Pam ydyn ni’n newid yr amserlen?
Mae’r newid i’r amserlen wedi galluogi’r rhwydwaith i fod yn fwy effeithlon a diogelu i'r dyfodol, gan ganiatáu i ni gyflwyno ein trenau trydan newydd i’r rhwydwaith dros y misoedd nesaf.
Beth mae'r newid i’r amserlen yn ei olygu i mi?
Dewiswch eich gorsaf leol i gael gwybod beth mae'r newid i’r amserlen yn ei olygu i chi.
Ceir rhagor o fanylion am y newidiadau i amserlen Mehefin 2024 ar ein tudalen Cwestiynau Cyffredin.
Pam ydyn ni’n newid lle bydd ein gwasanaethau yn teithio?
Rydym yn cyflwyno dau fath o drên trydan ar rwydwaith De-ddwyrain Cymru fel rhan o'r Metro:
- Trên-tram Stadler Citylink cwbl drydanol.
- Trên-tram tri-dull yw'r Stadler FLIRST, all ddefnyddio trydan, batri a disel.
Mae'r trenau tram yn drydanol, yn rhedeg ar linellau sy'n cael eu trydaneiddio'n llwyr gan Linellau Pŵer uwchben a chyda rhannu byr pan fydda nhw’n defnyddio batri. Bydd y trenau hyn yn rhedeg ar linellau Merthyr, Aberdâr a Threherbert yr holl ffordd i Gaerdydd a Bae Caerdydd ac yn galw yn Radyr ac yn teithio ar hyd Lein y Ddinas. Mae'r holl lwybrau hyn wedi'u trydaneiddio.
Caiff y trenau tri-dull eu pweru gan drydan, batri a disel. Mae hyn yn caniatáu iddynt deithio ar linellau sydd wedi'u trydaneiddio a rheini sydd heb. Byddant yn rhedeg ar linellau Rhymni a Coryton, gan ddefnyddio trydan y Cyfarpar Llinellau Uwchben. Yna byddant yn parhau ar eu taith trwy Gaerdydd, gan newid i bŵer disel i barhau i Ynys y Barri, Penarth a Phen-y-bont ar Ogwr gan nad yw'r llinellau hyn yn cael eu trydaneiddio.
Gan mai dim ond ar linellau sydd wedi'u trydaneiddio'n llawn y gall y trenau tram redeg, a gall y trenau tri-dull hyn redeg ar hyd rhannau o'r cledrau sydd wedi cael eu trydaneiddio a rhannau nad ydynt wedi cael eu trydaneiddio, mae'n rhaid i ni newid i lle y mae ein trenau cyfredol yn teithio fel eu bod yn gweddu orau i’r hyn y gall ein trenau newydd ei gyflawni.
Beth yw'r prif newidiadau i'r llwybrau?
Gan y bydd dau fath o drên yn teithio ar wahanol rannau o'r rhwydwaith, mae angen i ni newid lle mae rhai o'n llwybrau yn rhedeg ar hyn o bryd.
Dyma'r prif newidiadau i'r llwybrau:
- Gwasanaethau Aberdâr
-
Bydd y gwasanaethau rhwng Aberdâr a Chaerdydd yn rhedeg yn ôl yr arfer i Radyr ond yna byddant yn teithio i Caerdydd Canolog ar hyd Lein y Ddinas, gan alw yn Danescourt, Y Tyllgoed, Parc Waun-Gron a Pharc Ninian. Ar ôl cyrraedd Caerdydd Canolog, bydd y trên yn parhau ar ei daith i Heol y Frenhines Caerdydd, Cathays a Llandaf, ac ymlaen i Merthyr Tudful.
-
Bydd gwasanaethau Caerdydd i Aberdâr hefyd yn rhedeg drwy Lein y Ddinas, gan deithio o Gaerdydd trwy Cathays, Heol y Frenhines Caerdydd, Caerdydd Canolog, Parc Ninian, Parc Waun-gron, Y Tyllgoed, Danescourt, Radur ac ymlaen i Aberdâr.
-
- Gwasanaethau Merthyr Tudful
-
Bydd gwasanaethau Merthyr Tudful yn rhedeg yn ôl yr arfer i Gaerdydd Canolog, drwy Llandaf, Cathays a Heol y Frenhines Caerdydd. Yna byddant yn parhau i deithio i fyny Lein y Ddinas i Radur, gan barhau i Aberdâr.
-
Ni fydd gwasanaethau Merthyr yn parhau i deithio i Ben-y-bont ar Ogwr, y Barri nac Ynys y Barri mwyach. Bydd angen i’r rhai sy’n dymuno teithio i’r cyrchfannau hyn newid yn Heol y Frenhines, Caerdydd neu Gaerdydd Canolog.
-
- Gwasanaethau Coryton
-
Bydd gwasanaethau Coryton yn rhedeg i Gaerdydd ac ymlaen i Benarth. Ni fyddant bellach yn teithio mewn cylch i Barc Ninian, Parc Waun-Gron, Y Tyllgoed, Danescourt a Radyr ar hyd Lein y Ddinas.
-
Bydd gorsafoedd Lein y Ddinas yn cael eu gwasanaethu gan y trenau fydd yn teithio ar hyd lein Aberdâr, fel yr amlinellwyd uchod.
-
- Gwasanaethau Ynys y Barri
-
Bydd gwasanaethau Aberdâr a Merthyr Tudful yn teithio i Caerdydd Canolog ond ni fyddant yn parhau â’u taith i Ynys y Barri.
-
Yn hytrach, bydd gwasanaethau Rhymni a Bargoed yn teithio i Caerdydd Canolog ac yn parhau i Ynys y Barri.
-
- Gwasanaethau Pen-y-bont ar Ogwr (Trwy Fro Morgannwg a'r Rhws)
-
Bydd gwasanaethau Merthyr Tudful yn teithio i Caerdydd Canolog ond ni fyddant yn parhau ar eu taith i Ben-y-bont ar Ogwr.
-
Yn hytrach, bydd gwasanaethau Rhymni yn teithio i Caerdydd Canolog ac yn parhau ar eu taith i Ben-y-bont ar Ogwr.
-
- Gwasanaethau Penarth
-
Ni fydd gwasanaethau uniongyrchol ar gael i Benarth o Rymni, Bargoed nac Ystrad Mynach.
-
Yn hytrach, bydd gwasanaethau Penarth yn rhedeg o Gaerffili a Coryton.
-
- Gwasanaethau Pontypridd i Fae Caerdydd
-
Rydym yn cyflwyno gwasanaeth uniongyrchol newydd rhwng Pontypridd a Bae Caerdydd, a fydd yn rhedeg pob hanner awr. Bydd y gwasanaeth hwn yn rhedeg yn uniongyrchol i Fae Caerdydd, heb fod angen newid yng ngorsaf Heol y Frenhines Caerdydd.
-
Gellir gweld enghreifftiau o amseroedd teithio ar gyfer pob newid mawr i'n llwybrau ar ein tudalen Cwestiynau Cyffredin.
A fydd newidiadau i blatfformau yng Nghaerdydd Heol y Frenhines?
Bydd, byddwn yn newid lle mae rhai o’n gwasanaethau’n gadael yng Nghaerdydd Heol y Frenhines. Mae rhestr o newidiadau platfform i'w gweld isod:
- Caerdydd Heol y Frenhines - Newidiadau platfform
-
1
Mae gwasanaethau Bae Caerdydd yn gadael o blatfform 1
2
Mae gwasanaethau Bae Caerdydd, Caerdydd Canolog, Aberdâr (trwy Barc Ninian) a Phenarth yn gadael o blatfform 2
3
Mae gwasanaethau Caerdydd Canolog, y Barri a Phen-y-bont ar Ogwr (trwy Linell Bro Morgannwg) yn gadael o blatfform 3
4
Mae gwasanaethau Coryton, Cathays, Llandaf, Trefforest, Pontypridd, Treherbert a Merthyr Tudful yn gadael o blatfform 4
5
Mae gwasanaethau Caerffili, Ystrad Mynach, Bargod a Rhymni yn gadael o blatfform 5
Gall hyn newid yn ystod cyfnodau o aflonyddwch.
Gwiriwch cyn i chi deithio hefo ei’n sgriniau gwybodaeth cwsmeriaid neu ar ap TrC.
-
Beth yw'r prif newidiadau i'r amserlen?
Gan newid i ble bydd ein trenau yn teithio, gallwn gynyddu amlder y gwasanaethau ar lawer o'r llinellau ar unwaith, gan y bydd yr amserlen yn fwy effeithlon.
Mae'r holl amseroedd trên o Fehefin 2024 bellach yn fyw ar ein cynllunydd taith.
- Lein Rhymni
-
Cynyddu amlder o 1 trên yr awr rhwng Bargoed a Rhymni i 2 drên yr awr, o ddydd Llun i ddydd Sadwrn, gyda phob trên arall yn rhedeg heb stop rhwng Bargoed a Rhymni.
-
Trenau amlach rhwng Caerdydd a Chaerffili, gyda threnau yn rhedeg pob 10 munud rhwng 06:30 a 18:30 o ddydd Llun i ddydd Sadwrn.
-
Gwasanaeth amlach gyda'r nos rhwng Caerdydd a Bargoed, gyda threnau yn rhedeg pob 15 munud tan 19:00 yn lle 18:00.
-
- Pontypridd i Gaerdydd
-
Cynyddu amlder o 6 trên yr awr i 8 trên yr awr, yn rhedeg rhwng 07:00 a 19:00 o ddydd Llun i ddydd Sadwrn.
-
Bydd pob un o'r 8 trên yr awr yn galw yn Ystâd Trefforest.
-
Wedi'i gynnwys yn yr 8 trên yr awr, bydd gwasanaeth newydd rhwng Pontypridd a Bae Caerdydd a fydd yn rhedeg pob 30 munud o ddydd Llun i ddydd Sadwrn. Bydd y gwasanaeth hwn ar gael yn ogystal â'r gwasanaeth gwennol rhwng Heol y Frenhines Caerdydd a Bae Caerdydd.
-
- Bae Caerdydd
-
Wrth i'r gwaith isadeiledd barhau ar reilffordd Bae Caerdydd, bydd angen i ni leihau'r gwasanaeth dros dro o 5 trên yr awr i 4 trên yr awr.
-
Bydd 2 o'r gwasanaethau hyn yn rhedeg yn ôl ac ymlaen o Bontypridd, heb angen newid yng ngorsaf Heol y Frenhines Caerdydd.
-
- Aberdâr, Treherbert a Merthyr Tudful
-
Rydym yn cyflwyno mwy o wasanaethau gyda'r nos, lle bydd trenau yn teithio pob 30 munud o Gaerdydd i Aberdâr, Treherbert a Merthyr Tudful tan 20:30 yn hytrach na 19:30.
-
Hoffwch chi wybod mwy?
Mae rhagor o fanylion am y newidiadau i amserlen Mehefin 2024 a beth mae hyn yn ei olygu i chi ar gael ar ein tudalen Cwestiynau Cyffredin.
Mae Llywodraeth Cymru a TrC wedi ymrwymo i raglen uchelgeisiol o welliannau Metro a elwir yn Drawsnewidiad Llinellau Craidd y Cymoedd (CVL). Mae'r prosiect trawsnewid hwn wedi'i ariannu'n rhannol gan Gronfa Datblygu Rhanbarthol Ewrop.
Cronfa Datblygu Rhanbarthol Ewrop
Mae nifer o brosiectau Metro De Cymru wedi cael eu hariannu’n rhannol gan Gronfa Datblygu Rhanbarthol Ewrop drwy Lywodraeth Cymru.
