Metro De Cymru | Trafnidiaeth Cymru

Prosiect Metro De Cymru

Mae prosiect Metro De Cymru yn gwneud teithio'n haws i chi.

Rydym wedi bod yn gwneud gwelliannau sylweddol ar draws y rhwydwaith i ddarparu system drafnidiaeth fwy dibynadwy, cyflymach, gwyrddach a mwy hygyrch i bobl De Cymru.

Rydym yn buddsoddi miliynau yn y prosiect Metro i greu gwell mynediad at swyddi, gofal iechyd ac addysg. Bydd y rhwydwaith integredig hwn o lwybrau rheilffyrdd, bysiau a cherdded a beicio yn gwella cysylltedd, gan ei gwneud hi'n haws i chi gyrraedd lle mae angen i chi fynd heb unrhyw drafferth.

Mae trenau Metro newydd sbon yn gwasanaethu teithwyr, darganfyddwch fwy yma.

Mae'r prosiect Metro yn gwneud teithio'n fwy cynaliadwy ar draws De Cymru

Ers mis Awst 2020, rydym wedi gwneud gwaith peirianneg a seilwaith mawr i uwchraddio'r rhwydwaith rheilffyrdd fel y gallwn roi trenau newydd sbon ar waith ar rwydwaith De Cymru.

Bydd y buddsoddiad hwn mewn trenau cyflymach, gwyrddach yn gwneud ein gwasanaethau'n fwy effeithlon a chynaliadwy.

Beth mae prosiect Metro De Cymru wedi'i gyflawni hyd yn hyn?

Trenau

Cyflwynwyd trenau newydd sbon ar rai rhannau o rwydwaith De Cymru i wneud teithio ar drên yn fwy cyfforddus a chyfleus.
Mae trydaneiddio llawer o lwybrau ar draws ardal De Cymru yn golygu y gallwn ddechrau roi trenau trydan ar waith o Hydref 2024 ymlaen.
Gwell hygyrchedd trwy osod lifftiau, pontydd mynediad i bawb a phlatfformau gwastad i'w gwneud hi'n haws i fynd ar y trên a dod oddi arno.
Mannau parcio beiciau i wneud beicio i ddal eich trên yn symlach ac yn fwy deniadol.
Wedi gosod mwy o sgriniau gwybodaeth i deithwyr i wneud dod o hyd i amseroedd trenau a gwybodaeth yn haws.
Adeiladwyd depo trên newydd sbon yn Ffynnon Taf a fydd yn gartref i 36 trên tram a dros 400 aelod o staff. Bydd yn agor ddiwedd 2024.

Cliciwch yma am fwy o wybodaeth am ein newidiadau diweddar i amserlen mis Mehefin sydd wedi galluogi gwasanaethau mwy aml a chyfleus fel rhan o brosiect Metro De Cymru.

Bysiau

Rydym yn gweithio mewn partneriaeth â Llywodraeth leol yng Nghymru a gweithredwyr chwmnïau bysiau preifat i ddarparu rhwydwaith cydlynol o lwybrau ar draws De Cymru.

Rydym am i fwy o bobl deithio ar fws ac am i deithio ar fws fod yn opsiwn deniadol.

Bydd ein cynllun ar gyfer tocynnau integredig yn gwneud teithio yng Nghymru yn ddi-dor ac yn llai cymhleth.

Teithio llesol

Byddwn yn adeiladu ar y gwaith sylweddol y mae awdurdodau lleol Cymru wedi bod yn ei wneud yn ystod y blynyddoedd diwethaf i wneud cerdded a beicio yn ôl ac ymlaen i'n canolfannau trafnidiaeth allweddol yn haws.

Bydd llwybrau a chyfleusterau cerdded a beicio mwy diogel a deniadol yn gwneud teithio o amgylch ein trefi, ein dinasoedd a'n pentrefi yn brofiad brafiach i bawb.

Rydym yn gweithio i wella ein gorsafoedd rheilffordd fel ei bod yn haws eu cyrraedd ar droed neu ar feic.

Trafnidiaeth integredig

Byddwn yn parhau i wella'r broses o integreiddio trenau, bysiau a theithio llesol i wella cysylltiadau a gwneud eich teithio'n haws.

Bydd gwelliannau'n cynnwys mannau gwell i barcio beiciau mewn gorsafoedd trenau a bysiau, trafnidiaeth gyhoeddus sy'n ymateb i'r galw, a thocynnau integredig y gellir eu defnyddio ar draws gwasanaethau bws a thrên.

Pa welliannau allwch chi eu disgwyl?

Byddwn yn cynnal mwy o wasanaethau yn ystod yr wythnos a dydd Sul nag erioed o'r blaen:

Dyddiau'r wythnos

Pedwar trên yr awr rhwng Caerdydd a Blaen pob Cwm (Aberdâr, Merthyr Tudful, Treherbert), gyda threnau yn rhedeg pob 15 munud.
Bydd dau o'r pedwar gwasanaeth o Dreherbert, Aberdâr a Merthyr Tudful yn teithio ymlaen o Gaerdydd i Fae Caerdydd.
Cynyddu gwasanaethau rhwng Pontypridd a Chaerdydd i 12 trên yr awr.
Chwe thrên yr awr rhwng Caerffili a Chaerdydd, trên bob 10 munud.
Mwy o wasanaethau yn rhedeg fin nos.

Dydd Sul

Dau drên yr awr yn rhedeg ar ddydd Sul rhwng Caerdydd a Blaen pob Cwm (Aberdâr, Merthyr Tudful, Treherbert).
Gan ddechrau ym mis Mehefin 2024, bydd gwasanaeth dydd Sul cyntaf erioed ar hyd lein y Ddinas. Bydd lein Coryton yn dilyn gyda gwasanaeth dydd Sul yn 2025.
Y gwasanaeth Sul cyntaf erioed ar lein Maesteg, gyda threnau yn rhedeg bob dwy awr, ac yn cynyddu i wasanaeth pob awr yn fuan.